 |
رواية نهاية أحزاني الفصل السابع 7 بقلم عادل عبد اللهالحلقة السابعة نمت طول النهار وصحيت علي المغرب اكلت واخدت بوسي ونزلت اروح لخالتي المستشفي وكان بابا وعمرو اخويا بره البيت ومفيش حد في البيت الا اسماء . ولسه بركب تاكسي اروح به المستشفي شوفت شادي داخل شارعنا !!!!! استغربت اوي !!! هو شادي رايح فين دلوقتي ؟؟ ده مفيش حد في البيت الا اسماء وحدها !!!!!!!!!! نزلت تاني من التاكسي ووقفت بعيد اشوف شادي رايح فين . شوفت شادي داخل بيتنا !!! انا مش عارفة هو جاي البيت لمين ؟؟ انتظرت عشر دقايق قولت لنفسي لما يلاقي اسما. لوحدها هينزل .لكنه منزلش . طلعت البيت وفتحت باب الشقة ودخلت .كانوا مش ظاهرين قدامي لكني شوفتهم خارجين من اوضة اسماء ومرتبكين لما سمعوا صوت الباب . سألتهم انتوا بتعملوا اي ؟ واي اللي جابك البيت وانت عارف ان مفيش حد هنا .شادي بص عليا ومردش وسابنا ونزل . مسكت اسماء وقولتلها هو اي اللي جابه هنا دلوقتي ؟ قالتلي اسأليه . انتي بتسأليني انا ليه ؟ قولتلها كنتوا بتعملوا اي في اوضتك ؟ قالتلي ولا حاجه . كنت هتجنن .ضربتها بالقلم علي وشها وقولتلي لازم تقوليلي كنتوا بتعملوا اي جوه في اوضتك ؟ اسماء انهارت لما ضربتها .وقالتلي انتي ملكيش ضرب عليا وملكيش كلام معايا وانا لما بابا ييجي هقوله . اخدت بوسي ونزلت وروحت المستشفي لخالتي وانا جوايا نار الغيرة هتموتني وبفكر اي اللي بيحصل من ورايا ؟ معقول شادي بيحب اسماء!! دي لسه صغيرة مكملتش ١٦ سنه .اومال حبه ليا كان كدب ؟؟؟؟؟ وهو مش لاقي الا اختي ؟؟؟ لما روحت المستشفي قابلت بابا هناك وقولتله علي اللي حصل . بابا مشي بسرعه وراح البيت وضرب اسماء وسألها عن اللي حصل .لكن اسماء قالت ان شادي قالها انه كان قريب من البيت فعدا علشان يسأل علي عمته مش اكتر . وانهم كانوا قاعدين في الصالون وان انا كدبت لما قولت اني شوفتهم خارجين من اوضتها . لما روحت لخالتي المستشفي عرفت انها لسه مش اكلت وان الدكاترة اضطروا يعطوها ادوية مغذية بديلة للاكل . خالتي حالتها بقيت صعبة اوي وعلطول نايمة من المهدئات االي بتاخدها في المستشفي . من جوايا كان جوايا احساسين عكس بعض .حزينة علي حالة خالتي وفي نفس الوقت حاسة بان ربنا بيخلص منها اللي عملته فيا . خالتي كانت بتصحي من النوم وكنت بساعدها تدخل الحمام لانها كانت بتخاف تدخل وحدها . حاولت كتير اتكلم معاها لكنها كانت مش معايا خالص . في الوقت اللي كنت بدخل اوضة خالتي كانت بوسي بترفض تدخل معايا وتسيبني وتلعب بعيد . سبت خالتي نايمه وخرجت قعدت مع بوسي قدام الغرفة .وقعدت اكلم بوسي علي موضوع شادي . رغم ان بوسي قطة لكن كنت بفهم نظراتها .حسيت انها بتقولي اني لازم احاول ارجع شادي ليا تاني . اغرب شئ حصل في الليلة دي كان بعد نص الليل وقبل الفجر بساعة والمستشفي بدأت تهدا اوي وكنت قاعدة انا وبوسي بلعب في موبايلي . اثناء وانا قاعدة قدام غرفة خالتي سمعت صوت حاجة خبطت جوه الغرفة .قومت اشوف في اي . فتحت الباب ودخلت كانت خالتي نايمه .سألت نفسي الصوت اللي سمعته جي منين ؟ !!!!! قولت في نفسي يمكن بيتهيألي .ولسه هخرج واقفل الباب لاحظت ان الغطاء اللي خالتي متغطية به بيتحرك وكأن في حد بيشده . جسمي قشعر من المنظر خصوصا لما بصيت تحت السرير وحوله وكان مفيش اي حد .ولا في حد غيري في الغرفة . لكن المرعب اني لما دققت النظر كان في طرف شئ اسود تحت الغطا . ولما لاحظت الشئ ده فجأة النور انقطع والباب اتفقل . جريت علي الباب افتحه معرفش ليه اتلفت ابص علي الشباك ..شوفت خيال حد واقف ورا الشباك المقفول . يتبع ............... الفصل الثامن من هنا |
بدل ماتدور وتبحث علي الروايات خليها علي تليفونك وحمل تطبيقنا
