رواية فيروس الفصل السابع7 بقلم ليل ادم

انتها الجزء السادس علي تواعد من صابر ل ملك مراته أنه مش هيرجع لسكه الشمال تاني بس علشان يبدأ في الجديد لازم يقفل القديم


ملك: هتعمل اي أنا كلمك ده قلقني اكتر

صابر: قومي معايا

ملك : علي فين يا صابر

صابر: انتي نقطه الضعف الوحيده اللي ممكن اتمسك منها يا ملك لازم تختفي وأنا كمان أنهي القديم ونرجع نعيش حياتنا من الأول

ملك: لا يا صابر انتا مش ناوي على خير

صابر : وغلوتك عندي ما في شمال تاني اللي هعمله هعمله علشان حياتنا

ملك: ( قامت وحضنت صابر)

صابر: والله ما تخافي قومي

ملك : (قامت مع صابر ) بتاخد الفلوس دي علي فين يا صابر

صابر: دي الحاجة الوحيدة اللي مفيهاش حرام ف حياتي دي عقاب لناس كتير تانيه

ملك : ياصابر بلاش كلام ألغاز علشان خطري

صابر: قعدتنا هنا اكبر خطر علينا قومي بقا ( خدت صابر وطلعنا بره المحافظة كلها اشتريت بيت جديد من الفلوس وقعدت يومين مع ملك أمنت ليها كل حاجه مكان محدش يعرفنا في ولا حتا احنا نعرف حد في وسبت باقي الفلوس مع ملك علشان لما ارجع اكون مطمن عليها )

ملك: صابر اوعا الدنيا تقرصك ترجع للي كنت في متأكلناش حرام يا صابر

صابر: وغلوتك عندي ما هأكلك حرام بس اللي فات كنت أنا المسؤول عنه إنما اللي جاي هما المسؤولين عنه ( وخرجت من البيت )

ملك : يا صابر صابر ( خرجت صابر من هنا والشر اللي في عينه ده مش غضب علي اللي هيحصل لا خالص صابر جوه نار علشان راجع سكه مكنش ناوي يرجع ليها لما ببعد صابر عن سكه الشمال مش خايفه من السكه تأذي صابر بالعكس أنا عارفه صابر هو اللي يأذي السكه بحالها الخرسه دي مش من فراغ صابر أتسما الخرسه علشان كلامه قليل وأفعاله كتير عمري ما انسا يوم ما دخلت حيات صابر كان مخيف ومرعب المنطقة كلها بتستجار منه محدش كان بيعرف يتكلم معاه يوم ما قبلته أول مره كان في تلات شباب رخمو عليا جامد اوي لدرجه اني كنت مرعوبه ومره واحده لقيت صابر قصادي المفروض أي حد مكاني هيقول الرخامه بتاعت الشباب دي أهون من رخامه واحد زاي صابر واللي كنت بسمعه عنه لقيت صابر جه وقف معايا قالي حد مضيقك معرفش بقا لقيت نفسي قولتله اه التلاته دول خدني ورا ضهره مرفعش أيده الشباب دي كانت عرفه أصلا طلعوا جري من الشارع اللي كنا فيه أصلا بقيت وقفه مع صابر لوحدي اترعبت اكتر بقيت وقفه بترعش من الخوف قالي متخافيش خلاص قولتله أنا خايفه منك انتا اكتر ضحك وقالي لأ والله أنا مش بتاع مشاكل قولتله انتا هو في حد في المنطقة كلها معملتش معاه مشكله دنتا المنطقة كلها بتخاف منك اكتر ما بيخافوا من عربيه الحكومة قالي طب يا ستي شكرا علي العموم أنا مش بعمل مشكله بسببي ابدا أنا علي طول مش طرف قولتله يعني اي مش طرف قالي يعني مثلاً ماشي في الشارع لقيت بنت وفي تلات شباب بيعكسوها لو انتي مكاني هتعملي اي قولتله طبعاً هعمل زايك قالي طيب يعني أنا معملتش حاجه اهو قولتله بس انتا بتحب المشاكل قالي حاجه فعلاً حسيت أنه صح قالي أنا لو بحب المشاكل ما كنت ضربت العيال دي بس خلاص طالما هما أقتصرو شري يبقا أنا هرفع شري عنهم إنما لو كانوا عملوا مشكله اني معنديش مانع لقيت نفسي فعلاً اقتنعت وبقيت اي حد قصادي يقول عليه حاجه أقول لا ده جدع وكويس انتوا اللي مش عاوزين تعرفوا أنه انضف ما فيكم علشان بس شايفين أنه إبن حرام اه أصل صابر من وهو طفل ملوش ولا أب ولا أم صابر أتربة في ملجأ وكان بيتعامل أسوأ معامله جوه الملجأ ده لحد ما كان عنده عشر سنين وعمل عاهه مستديمة للست اللي مسكا الملجأ ودي كانت سبب دخول صابر الإصلاحية وكان بيعمل جوه مشاكل علي طول لحد ما خرج للعالم اللي بره تخيل تخرج مره واحده ولا بيت ولا حياه ولا ناس ولا شغل ولا أيد تمسح دموعك في ساعه ضعف شخصية صابر تبان من بعيد جبل وقف بس صابر من جوه ضعيف اوي صابر كان ساعت لما بهزر معاه بحس أنه طفل رغم أنه كان متوحش بس كان طفل بجد لو حب حد بيكون عاجز قصاده أنا لما كنت أشد مع صابر ويزعل مني كان يدخل اي مكان حتا لو الحمام أسمع صوته جوه بيموت وهو بيبكي بس اعمل مش وخده بالي علشان لو عرف اني خدت بالي ممكن يعمل حاجه في نفسه عنده عزه نفس نوعيه صابر من الراجل اللي لما يدخل حياتك تحسي انك ليكي ضهر بجد وسند لما صابر جه أتقدم ليا أهلي والشارع كله بقا يقولي اذاي ملقيتيش إلا ده وانا كنت أرفض حتا اي حد يتكلم عليه قصادي وحش لدرجه أن بابا الله يرحمه مكنش يقولي غير رايحه تجبيلي إبن حرام وكنت بسكت وبعد الجواز كل الناس قطعتني كأني أجرمت اني أخترت صابر محدش قالي شوفتي اي منه علشان تقبلي كله قالي مش لاقيه غير ده الغربية بقا اني من يوم ما اتجوزت صابر ودخلت حياته عمرك يا صابر ما رفعت صوتك عليا مش أيدك علي أد ما يقدر بيبعد عن سكه الحرام بشوف في عين صابر حب مشفتهاش في عين حد عوزاني اتجاهل كل ده علشان إبن حرام اي يعني ما اي حد مننا كان

ممكن يبقا إبن حرام صابر غلطه جت الدنيا مش معنا كده أن المجتمع كله يفضل يتعامل معه على أنه غلطه ليه محدش حن علي صابر ليه محدش فكر يتكلم معاه سبب وصول صابر للي وصل ليه أنه شاف العالم كله مش بيحبه شاف العالم كله بيتجنبه لانه إبن حرام حتا الحكومه أتعملت مع صابر علي أنه إبن حرام محدش هيزعل عليه نخده نحبسه أو نشغله مرشد ولما يخلص نحبسه أنا فاكره كويس كانو بيخدو صابر من علي سريره شهر ١٠ و ١١  الشهرين دول تأقفيل محاضر اي قضيه مفيش حد يشلها يخدو صابر يشلها مره اربع سنين مره خمسه مره تلاته عايزين واحد شاف كل ده يطلع اي صابر مش مجرد انسان مش متربي أو الظروف عملت في كده صابر نتيجه مجتمع فاسد ونظام يعمل لمصالح شخصية وطول ما الحياة مستمره هيكون في كل يوم مليون صابر بس صابر لقي ملك وسط المعلم سالم ومحمد بيه وأحمد بيه والثعبان لقا اللي تحن عليه وسط ما كانت كل الناس بتقول عليه ابن حرام هل لو مكنش لقي ملك كان هيرجع عن طريقه ولا كان هيفضل صابر ابن الحرام)

صابر: ( رجع علي القسم )

أحمد بيه: ادخل

صابر: أنا موفق

أحمد بيه: ايوه كده هو ده الكلام تعاله اقعد يا صابر  في صفقه كبيره اوي خارجه من عند سالم دخله فين مش عارف كل اللي عاوزه منك ميعاد الصفقه وهتروح فين فيها حاجه دي

صابر : تمام ضمانتي اي

أحمد بيه: عاوز اي يكون ضمانات

صابر : محمد بيه

أحمد بيه: ماله محمد بيه

صابر: مش هتكلم إلا قصاده علشان مش هعيد كلامي مرتين

أحمد بيه: يحضر محمد بيه بس كده

صابر: الوقتي مش بعد ما ابدأ شغل

أحمد بيه: وانتا قاعد كمان ❤️❤️❤️❤️💐💐💐💐💐💐💐💐💐💐💐💐💐