روايه ماسة النوح الفصل السادس بقلم ريتاج محمد
عند فهد كان بيعدي الطريق بالكرسي العجل
وفجاءة عربية جات ناحيتة بسرعة كبيرة جدا وكانت هتخبطة لولا حد شدة مرة واحدة وخلاص يُقع من عالكرسي الي كان قاعد علية
فهد بص جنبة لقى بنت واقعة عالارض جنبة مطرح ماشدتة جامد وقالت وهي بتنهج:هووووف لحقتك
انت بخير..؟؟؟
فهد بصدمة: انا تمام ....عن اذنك ولسة هيقوم افتكر الحقيقة الي بقالوا سنة كاملة بيحاول ميصدقهاش وهي انة ....انة عاجز ....مشلول ...مفيش فايدة ...مش هيعرف يعمل حاجة لنفسة حتي ابسط شئ .. انة يقوم ...مش عارف ...غمض عنية الاتنين بقوة ...واستغفر ربنا وقال فسرة:اللهم لا اعتراض على قدرك....لعله خيرُُ لي ...
فتح عنية كانت البنت الي ساعدتة بتنفض هدومها
وقالتلة بقلق:انت بخير ..كويس.؟!!..محتاج مساعدة ..ا اي حاجة
فهد بحزن:انا تمام الحمد لله بس ممكن معلش تقوميني
البنت بسرعة:اة طبعا ممكن ..هي دي فيها كلام
وحاولت تقومة كذا مرة بس معرفتش
بسبب انه جسمة اكبر من جسمها فمعرفتش تشيلة
كان في راجل معدي وشافها وهي بتحاول تقومة
ومش عارفة فراح وساعدها
فهد غمض عنية ودمعة نزلت منة بوجع ...مش وجع جسدي على قد مهو وجع نفسي
رفع ايدة ومسح دمعتة الي خانتة
بجزن دفين
وبعدين الراجل مشي بعد ما البنت شكرتة كتير
البنت بحزن على حالة:محتاج مني مساعدة او اوديك ف اي حتة
.انا تحت امرك
فهد:متشكر جدا ..وبجد مش عارف لولا انك انقذتيني
كان زماني فين
البنت: متشكرنيش انا ...اشكر ربنا الي بعتني فطريقك
عشان انقذك
فهد ببسمة :الحمد لله
البنت ودعتة ومشيت
وهو رجع عالبيت
___________________________
عند ماسة
ماسة دخلت بلكونة اوضتها
وكان فين جردل محطوط فية ظلط
مسكت ظلطاية وحذفتها عالبلكونة الي قدامها
البلكونة اتفتحت
وخرج منها ولد
ماسة: عبدة عامل اي ياجحش
عبد الرحمن :احسن منك ..عمي عامل اي
ماسة بحزن:اهو قاعد جوة اهو
عبد الرحمن:نكد عليكي تاني..؟!
ماسة:يعني ..مش مهم ...
عبد الرحمن:عملتي اي صح ...كنتي قالالي انك نازلة تشوفي شغل
ماسة:روحت قدمت فشركة بس مش عارفة لسة اتقبلت ولا لا
اسكت يلااا انت متعرفش اي الي حصل
عبد الرحمن بفضول:اي الي حصل
ماسة: انا جاية ادخل المكتب بتاع مدير الشركة لقيتة كأنة فبيتة
عبدالرحمن باستغراب:مش فاهم ..فبيتة ازاي يعني ..
ماسة:بص .............دا بقى كل الي حصل
عبد الرحمن بحدة:ونتي ازاي اصلا تدخلي من غير ما تخبطي علية
ماسة :اهو دا الي حصل بقى
عبدر الرحمن:منتيش راحة الشركة تاني
ماسة:عند امك هو اي الي منتيش راحة الشركة تاني
بقولك اييييييييييييه انا اصلا مش طايقة نفسي
عبد الرحمن:جعانة
ماسة: يعني...عندك اكل اي
عبد الرحمن:في بيتزاية لسة جايبها دلوقت اجبها ليا انا ونتي ناكُلها واحنا كدة
ماسة:هات
دخل عبد الرحمن وجاب البيتزا وصبلهم كوبايتين بيبسي
ماسة :لا لا الكرم دا مش عادي انت لسة قابض يلا
عبد الرحمن:ايدا عرفتي ازاي
ماسة:مهو باين يخويا
وقالت وهي بتاكل:عارف يلا احسن حاجة امي عملتها والله انها رضعتك
خلتك اخويا ..تفتكر لو كنا ولاد عم بس كنا هنبقى كدة مع بعض...؟؟!
عبدة:امم عادي
ماسة:عادي ..طب كل ياخويا كل
وكملوا أكل وبعدها قعدوا يتكلموا شوية وبعدين
كل واحد دخل على اوضتة
[تعريف الشخصيات
ماسة ابراهيم:عندها ٢٠ سنة ف كلية السن
عنيها رمادي فاتح على ازرق فاتح صافي
متعرفش متفرق بينهم وشعرها برتقاني او احمر ناري عمتا هو لون مميز وطويل وويفي بس دايما بتبقى لماة. عشان هي محجبة
قصيرة ١٦٠ سم
عندها اخ واحد بس دة مع أمة برة مصر واسمة سليم
...عبد الرحمن حمدان :ابن عم ماسة واخوها ف الرضاعة اكبر منها بخمس سنين (هتسألوني ازاي اخوها فالرضاعة واكبر منها هي عندها اخ ..اخوها دة لما اتولد امها رضعت عبد الرحمن معاة فهمتوا بس امها لما إتلطقت من ابوة خادتة ومشيت وسابتلة ماسة)
مهلص كلية هندسة وشغال فشركة كبيرة ومرتبها حلو مقتدر ماديا وعندة بيت كبير غير الشقة دي
بس عايش فيها عشان ماسة
هو الي خلاها تكمل تعليم
بيحبها جدا وأعتقد لو كان عندة اخت مكنش هيحلها زي ماسة كدة طويل ١٨٧ سنتي وعندة عضلات ]
_________
عند ريان روح البيت ودخل طلب من الخدامة
تعملة أكل عشان جعان
الخدامة عملت الأكل
وهو كل وبعدين طلع اوضتوا وغير هدوموا واتوضى وصلى
وبعدين قعد عالسرير وفتح فونة يقعد علية شوية
___________
عند نوح روح عالبيت وهو فبالة انة هيروح يظبط الواد الي اسمة محمود دا بس مش دلوقت
دخل اوضتة كانت رؤى نايمة عالسرير شبة الملائكة
بأس راسها بحب
واخد هدوم ودخل الحمام غير
وخرج ..وبعدين خرج من الاوضة وراح عل. اوضة ريان
ودخل من غير مايخبط وقال لريان الي قال:في أي ياعم ماتخبط قبل ماتدخل
نوح بجدية:عملت اي مع الواد
ريان:واد مين
نوح:انجز انت لسة هتفكر
ريان:ااااةة محمود ظبطتة
نوح:تمام
وخرج ورح قعد قدام التي في شوية
ريان وهو بيلوي فمة:طب حتة استأذن انك تخرج
لكن ازااااي
ميبقاش نوح لو مخرجش على غفلة كدة
_________
عند نوح كان قاعد عالكنبة ومدد رجلية على التربيزة الي قدامة وكان بيتفرج على فيلم "interstellar"
وجت الحته لما البنت كبرت والأب لسة فالفضاء
نوح لما شافها افتكر ماسة ولون عينها المميز
هي مش شبهها بس لما شاف لون عينها افتكر ماسة ولون عنيها المميزة جدا
وبعدين افتكر حاجة ومد ايدة خد موبايلة من على الترابيزة واتصل عليهم ف الشركة وقالهم يتلوا بماسة يعرفوها انها اتقبلت ف الشغل
وبعدين قفل وكمل الفيلم وهو مندمج
____________
عند ماسة كانت قاعدة ف الاوضة بتاعتها لفت فونها بيرن برقم غريب فردت وقال:السلام عليكم
سارة:وعليكم السلام ورحمة الله وبركاتة
حضرتك ماسة إبراهيم
ماسة بأستغراب:اة ..خير في حاجة
سارة:حضرتك إتقبلتي يفندم في شركة النوح
ماسة بدهشة:بجد ..؟؟!!
سارة:هو انا ههزر معاكي
ماسة:لا مقصدش ..طب هاجي بكرة الساعة كان
سارة:تمانية يافندم
ماسة:تمام ..
سارة:سلام
ماسة:سلام
ماسة بفرحة:يس يس يس
وقعدت تتنطت لان شركة النوح دي من أكبر الشركات
وكأنها إتقبلت فيها يعني حظها اتعدل
وعدي بقاي اليوم عادي عالكل
...........
تاني يوم الصبح
عند ماسة لبست وجهزت وكانت لابسة سوت مينت جرين واسع على طرحة بيضة وفيها ورود فيروزي وكوتشي ابيض سادة جت تخرج أبوها قالها بزعيق:....
ماسة بخضة :....يتبع
#السادس
#ماسة_النوح
#ريتاج_محمد
