 |
رواية عشقي حور الفصل الخامس 5 بقلم حبيبه ياسرPart 5 حور بأبتسامه بهته بعد مقامت وقفت قدام سيف : لاء يا سيف مش هتجوزك وبعدين انت ازاى تقولى كدا وانت بتحب واحده تانيه اصلاً سيف : دى وصيه والدتك يا حور، امك وصيتنى قبل وهى بتموت انى اتجوزك حور بصدمه : انت بتقول ايه امى لو عملت كدا فأكيد لإنها كانت فاكره انك بتحبنى او مُعجب بيا وشافتك هتخاف عليا وهتحمينى مش اكتر، لكن صدقنى هى لو كانت تعرف انك بتحب واحده تانيه كانت استحاله تقولك كدا يا سيف وانت عارف كدا كويس .....وله اي ؟ سيف : اممم هنتجوز يا حور اخر الشهر ده وهنعيش فشقتى حور قربت من سيف اكتر وبصيت فعينيه وبحسره : لاء يا سيف ارجوك وقف تضحيات بقا علشانى ارجوووك، انا عارفه انى صعبانه عليك بس صدقنى انا هبقا كويسه بعدين وهتأقلم، انما انت روح وعيش مع البنت الى اختارها قلبك والى حبيتها سيف بسخرية: البنت الى اختارها قلبى ابوها رفضنى من شويا وكرشنى من بيته... اكمل بسخريه: قصدى قصره... حور بصدمه : بجد...متزعلش يا سيف اكيد حصل سوء تفاهم انا هكلملك يقين وهحاول على اد مقدر والله احل سوء التفاهم الى حصل ما بينك وبين والدها وان شاء الله خير سيف بعصبيه : وصيه امك لازم تتفذ يا حور وانا موضوع يقين خلاص اتقفل بالنسبالى حور بقلق : بس.... سيف بصوت عالي : مبسش يا حور فرحنا اخر الشهر الجاى ان شاء الله جهزي نفسك بقى (التفاعل يجماعه والله ما هو الا حافز ليا بيخلينا اخطف وقت من يومى وسط كل الى انا فيه واستمر معاكم، لو انتم حابين الروايه فأنا والله حابه اكتر انى موقفش ولا لحظه وابعت البارت الجديد كل شويا مش كل يوم♥️، ومقدرش استغنا عن رأيكم كالعاده اكتبولي كومنتات ♥️) و عدى الشهر بكل الي في من مشاكل و استعداد من كل سيف و حور واتجوزنا اخر الشهر انا حور الى وافقت على جوازى من حب عمرى بالرغم من انها كانت باينه وواضحه انه بس حقق وصيه امى علشان ينساها بيا، عمرى مكنت هبله لكنى كان قلبى معاه ومكنتش هقدر اعيش من غيره لحظه واحده بعد موت امى كنت محتاجه لوجوده اكتر ما كنت محتاجه لنفسى سيف قبل الفرح بيوم : بصى يا حور انا ملاحظ انك تعبانه نفسياً وكمان جسديا من وقت موت والدتك فأنا مش عاوزك تشتغلى بعد الجواز تانى مفهوم حور : بس... سيف : مبسش يا حور انا بيبقا فى ف دماغى ميه موال فالشغل وبقلق عليكى طول ما بتبقى فالشغل وبتتعبى حور بحب : خلاص يا سيف موافقه يوم الفرح مفتكرش انه كان فرح عادى خالص انا وسيف واصحابنا خرجنا واتصورنا وانا كنت لابسه فستان سيمبل وسيف كان لابس بدله واول مروحنا سيف : حور انا هدخل انام فى اوضتى علشان بس فيها هدومى وكل حاجتى وانتى ادخلى نامى فى الاوضه التانيه ودخل اوضته وسابني من غير ما ارد عليه حته حور دخلت قعدت على السرير فى الأوضه وبصيت على نفسها فالمرايه وفضلت تعيط، صحى سيف الصبح تانى يوم سيف : حور يا حووور يالا اجهزى علشان خارجين نفطر بره ونقضى اليوم بره حور : تمام يا سيف هجهز اهو... حور لبست وجهزت ووهى جايه تطلع من الباب رجعت بسرعه جابت روايتها لأنها عارفه كويس انه هيفضل قاعد سرحان زى عادته راحوا قعدوا فمكان على البحر وسيف طلب قهوته وفضل قاعد على الموبايل وحور طلبت نسكافيه وفتحت روايتها وبدءت تقراها وبعد ساعه سيف بصيلها وسألها مزهقتيش من القراءه يا حور؟ حور : بصراحه لاء مزهقتش لأنها روايه شيقه جدا البطله بتتكلم فيها عن ان الأستثناء صوره من صور الحب لكن ليها وشين بتقول ان فى حد ممكن يستثنيك عن غيرك فحياته علشان بيحبك او ممكن يسثنيك علشان بس يحافظ عليك بس هل تعتقد ان النظريه دى صحيحه يا سيف؟ سيف بعدم اهتمام : معرفش انا هقوم اشرب سيجاره.... حور بصدمه : بس انت مبتدخنش يا سيف ... سيف بعصبيه : و انتي مالك وبقيت بدخن دالوقتى بقا يا حور عندك مانع يا ترى... وسابها ومشى و رجع تاني بعد مدة و كانت بتعيط من غير صوت بس مهتمش اوي و خدها واول مروحوا البيت حور بعصبيه : شكراً جداً على الخروجه الى كل واحد قعد فيها لوحده، شاطر انك بدأت تتغير بس للأسف يا سيف للأوحش سيف : انا مش عاوز وجع دماغ يا حور اتفضلى ادخلى نامى لو سمحتى .. حور بصريخ : انا مش لعبه هتحركها زى ما انت ما عاوز ارحم بقا يا شيخ قلبى الى حبك وفوق فوق بقا من الوهم الى انت فيه يا سيف يقين دى عمرها محبيتك ولا هتحبك هى عملت كل ده علشان تثبت انها احلى واشطر منى وبس مع انك عارف غلطاتها فى اوضه العمليات كويس والبلاوى الى انت كنت بتصلحهالها، البنت دى ضحكت عليا زى مضحكت عليك وصاحبتنى واتقربت منى ومش هنكر انى حبيتها لكنها اتقربت منى علشان تاخد منى اكتر حاجه بحبها وبس ولعلمك يقين دى كانت عارفه إنى بحبك ودا اكبر دليل على انها انسانه مش كويسه سيف : طيب ما انتى اتجوزتينى وانتى عارفه انى بحبها حور وقفت مصدومه مش عارفه تقوله اى ودخلت اوضتها وفضلت تعيط، الساعه اتنين بالليل سيف سمع باب الشقه بيتفتح وهو نايم سيف : دا صوت باب الشقه ده ؟ واخد وقت لحد ما قام من على السرير وبدء يفوق ولما خرج الصاله لقا فعلاً باب الشقه مفتوح طلع يجرى على اوضه حور ملقاهاش سيف : عملتها تانى؟! طلع جرى يركب الاسانسير لقاه واقف لسا فالدور الاول ومعلق طلع جرى على السلالم نزل، خرج من باب العماره وفضل يجرى لمده تلت دقايق وبعدين شافها بتعدى الطريق وبينده عليها مبتردش تكاد تكون مُغيبه وفجأه عربيه جايه ناحيتها من بعيد سيف : حور حاااااااسبى ..... #. استغفروا♥️ الفصل السادس من هنا |
بدل ماتدور وتبحث علي الروايات خليها علي تليفونك وحمل تطبيقنا
