رواية فيروس الفصل الخامس بقلم ليل ادم
انتهى الجزء الرابع علي صابر عرف أن العربية متشال فيها بضاعه بتاعت المعلم سالم وقدر يعرف من الثعبان كل المعلومات اللي عايزها وراح باع البضاعه من غير معرفه المعلم سالم
صابر: ( ركن العربيه قصاد قهوه المعلم سالم)
المعلم سالم: (بلهفه ) صابر كنت فين
صابر: اي يا معلم الفيلم الهندي ده الواد شاف الكمين وقفنا نزل من العربيه وطلع يجري هو الخير نزل جدول ولا اي
المعلم سالم: عيل قلبه ضعيف سوابق بقا انتا فاهم
صابر : صحيح وشوش مخيفه وقلوب ضعيفة
المعلم سالم: المهم حصل اي
صابر: مفيش خرجت من الكمين عملت كام مشوار كده ورجعت
المعلم سالم: معلش عندي أنا دي يا صابر خد الفلوس دي خليها معاك
صابر: ملوش لازوم يا معلم
سالم: لا اذاي انتا عملت اللي عليك الواد العره ده هوا اللي ضايع الثواب عليا
صابر: عند الله يامعلم ما بالقلب خلي بالك ربنا شاف الخير ف قلبك علشان كده سبنا في سكه بعض
سالم: الله يراضيك يا صابر اتكل انتا علي الله اطلع بيتك
صابر: اه منا كنت بركن العربية علشان اطلع
سالم: اي ده انتا مش هتودي العربية الجراج ولا اي
صابر : لا ياعم الواد سمير ده أصلا الابيض أكل دماغه خليني مع نفسي هنا اهي تحت عيني
سالم: ياض بليل الجو هنا قلق
صابر: لأ منا مبنمش الليل متقلقش يا معلم
سالم: خلاص ماشي اللي تشوفه
صابر: ياله فى رعاية الله
سالم: في رعاية الله
سالم: ( حاجه من الاتنين يا الواد ده عارف حاجه يا ميعرفش وكلامه صح بس هاخد البضاعة من العربيه ازاي بعد اللي حصل ده الواد ساب العربية تحت البيت علشان تبقا تحت عينه يعني لو حد قرب عليها مش هنخلص )
في جانب آخر 👇
ملك : اي يا سامح اتأخرت اوي النهارده قلقت عليك
صابر: اعمل اي بس الشغل انتي فاهمه بقا
ملك : مش جعان يا حبيبي
صابر: تعالي اقولك حاجه
ملك : اي
صابر: لا تعالي ( وخد ملك ودخلو الاوضه )
ملك: مالك يا سامح متخضنيش
صابر : ( طلع الفلوس )
ملك: ينهار اسود اي ده يا صابر انتا عملت اي
صابر: اهدي بس والله ما عملت حاجه أنا لقيت شنطه سودا وانا ماشي بالعربيه نزلت اشوف فيها اي لقيتها فيها الفلوس دي
ملك : لا يا صابر الفلوس دي مش هتدخل جيبك ولا هناكل منها لقمه رجعها مكانها انتا بتضحك عليا
صابر: انتي عبيطه يا بت بقولك لقيتها وأنا بقولك سرقتهم
ملك: خلاص تعاله وديني مطرح ما لقيتهم
صابر: اسمعي بس احنا نسيب الفلوس في البيت تلات ايام لو محدش سأل يبقا ربنا بعتلنا هديا نقبل الهدايا ولا نرفضها
ملك : وصاحب الفلوس هيعرف يجيبك منين يا صابر
صابر: أنا سبت رقمي ل واحد فاتح كشك لقيت الفلوس جمبه أصلا قولتله اي حد يسألك عن فلوس ضاعت منه خلي يتصل بيا
ملك : ( لمت الفلوس وقفلت الكيس ) يبقا ايدك متتمدش علي الفلوس دي يا صابر.
صابر: خلاص والله ماشي
ملك : صابر الشنط اللي انتا داخل بيها دي كلها دفعت حق الأكل والحاجات دي منين انتا نازل مكنش معاك إلا خمسين جنيه
صابر: بصراحه خدت منهم ٣٠٠ جنيه
ملك: وربنا يا صابر لو الفلوس دي مرجعت تاني مكانها لهكون سايبه البيت وماشيه
صابر: استني بس دنتي حقنه خودي والله دي فلوس خدتها من مشوار المعلم سالم
ملك : هات ٣٠٠ جنيه
صابر: خودي اهم
ملك : ( خدت الفلوس وفتحت الكيس سابت في ٣٠٠ جنيه )
صابر: خلاص بقا وغلوتي عندك ما تزعلي
ملك : يا حبيبي الحلال مبيقعدش يبقا الحرم هينفعنا أنا أكلها معاك حاف والله يا صابر ولا ترجع لسكه الشمال تاني
صابر: حته مني وربنا يابت دنتي الحته النضيفه اللي جوايا وكتاب الله انتي روحي يا لوكه
ملك : ربنا يخليك ليا يا صابر
صابر: ( حتا الفلوس الكتير مزغللتش عينك يا ملك أنا فعلاً ربنا عوضني بيكي عن امي و أبويا والدنيا كلها اي واحده مكان ملك كان زمانها الوقتي مبسوطه وفرحانه وتيجي ذاي ما تيجي إنما ملك لأ عمرها ما كانت كده )
صابر : (مراقب العربية طول الليل علشان متأكد أن سالم عايز ياخد البضاعه من العربيه واللي صابر ميعرفوش اني خدت البضاعه أصلا لحد ما لقيت صابر بيلف حولين العربية خرجت من الشباك مره واحده) اي يا معلم تشتري
المعلم: ها لا أنا بطمن عليها علشان حرام تتسرق ولا حاجه
صابر: لا متقلقش يا معلم أنا واخد بالي
المعلم: خلاص ماشي بعد اذنك أنا
صابر: أتفضل يا معلم
المعلم: ( الواد ده عارف حاجه لا يمكن يكون اللي بيحصل ده طبيعي)
صابر : ( فضلت رايح جاي على الشباك لحد ما النهار طلع ولقيت ملك جايه تصحيني)
ملك : صابر انتا نايم هنا من امبارح
صابر: اه خايف على العربية
ملك : ما كنت سبتها ف الجراچ
صابر : لا يا ستي ده واد بتاع بودره وأنا بقلق منه ومش عاوز ادخل نفسي في قصص تاني
ملك : لا على اي بعد كده ادخل انتا نام يا حبيبي وانا هقعد جمبها هنا علشان حرام جسمك يتعبك
صابر: ربنا يخليكي ليا يارب يا حبيبتي
ملك : هحضر الفطار اهو بسرعه عبال ما تاخد دوش وتلبس
صابر: خلاص ماشي
بعد الفطار صابر خد بعضه ونزل على شغله
ملك : سامح خلي بالك من نفسك
صابر: يابت ادخلي جوه وقفه في الشباك ليه هو أنا هركب الطياره
ملك : لما تمشي
صابر وقف بيكلم ملك وبيمسح العربيه دخل علية الأمين خالد بالبوكس
الأمين خالد: تعاله معايا يا صابر
صابر: وده من اي ده أن شاء الله
الأمين: أحمد بيه عايزك
صابر : طب روح وأنا جاي بس همسح العربية وطالع
الأمين: بقولك تعاله
صابر: اوعا ايدك انتا في حاجه في دماغك ولا اي ( ورما حتت القماشه اللي في ايده جوه العربيه وركب العربيه وبص ل ملك ) ادخلي جوه يابت
ملك : حاضر
الأمين خالد: خلينا ورا الواد ده
صابر: ( وصل القسم طلع على مكتب أحمد بيه وقف بيخبط)
أحمد بيه: ادخل
صابر: احمد بيه بعد اذن حضرتك لما تكون عايز صابر رقمي اهو اتصل بيا اجيلك لحد عندك إنما تبعتلي الأمين خالد يترسم عليا وعايز يسنترني عيب أنا مش صغير
أحمد بيه: اترزع بقا ياض انتا
صابر: بكلمك بجد والله يا احمد بيه لولا أنه جاي من طرف سيادتك وكتاب الله كنت زعلته
أحمد بيه: ياض بطل الدبش اللي بترمي وافهم متبقاش عامل ذاي الحمار كده
صابر: ماشي يا احمد بيه
أحمد بيه: تشرب قهوه معايا
صابر: تسلم يا بيه
أحمد : لا تشرب
صابر: اللي حضرتك تأمر بي يا بيه
أحمد بيه: شوف أنا من ساعت ما دخلت الدايره عندي وعيني عليك
وبصراحه كنت حاطك في دماغي بس لما أتأكدت انك فعلا حابب تمشي في السليم بعدت عن طريقك بس المشكله أن طريقك مش سالك
صابر: ليه بس يا بيه
أحمد بيه: علشان طريقك في سالم وانا عارف انك مش راضي وهوا ضاغط عليك ومش عاوز يحلك
صابر: الله يعينه على دماغه بقا كده كده بره عني أنا مليش في
أحمد بيه: طب ما تعمل معايا لقطه حلوه
صابر: عيني يا احمد بيه
أحمد بيه: تشتغل معاه
صابر : مرشد يعني
أحمد بيه: لأ ياعم بلاش مرشد خليها فاعل خير
صابر : افعل انتا فيا خير وطلعني من القصه دي
أحمد بيه: اسمع بس انتا مش خسران حاجه
صابر: اذاي بس انتا عارف يعني اي مرشد عيب اتحط الحطه دي. يا بيه
أحمد بيه: ياض افهم ده لو وقع الدنيا هتبقا حلوه في الدايره وهتبقا حلوه عليا وعليك
صابر: وحلوه عليا في اي
أحمد بيه: هينزل من على ودنك
صابر: احمد بيه ده شغل حضرتك اعمله إنما أنا شغلي اللي رايح اعمله بعد اذنك يا بيه
أحمد بيه: صابر فكر في الموضوع
صابر: موضوع اي
أحمد بيه: خارسه بلاش استعباط
صابر: يابيه أنا مش هقضي معاك امشي ولا هتنزلني
أحمد بيه: أمشي يا صابر
صابر: ( خرج من القسم علي شغله وكلم ملك طمنها عليه وبعد الشغل رجع علي البيت كان المعلم سالم مستني صابر )
المعلم سالم: خود يا صابر
صابر: ( دي بقه شغلنا) اي يا معلم
المعلم سالم: احمد بيه كان عايزك في اي
صابر : عايزني أرشد عليك
المعلم سالم: ( مصدوم من صراحة صابر ) وعملت اي
صابر: خرجت من الموضوع
المعلم سالم: أصيل يا خرسه
صابر: لا مش علشانك أنا خرجت علشان مليش في الإرشاد
المعلم سالم: ( بص ل صابر بأستغراب)
صابر: بقولك اي يا معلم
المعلم سالم: قول
صابر: ما تكرتلي يامعلم وسبني لحالي ومع حالي
المعلم سالم: وماله ياعم صابر
صابر : بعد اذنك
المعلم سالم: صابر
صابر : ( وقف وبص للمعلم )
المعلم سالم: تفتكر مين من الرجاله دي بيرشد عليا
صابر : الثعبان
المعلم سالم: ( بصدمه ) انتا مجنون ده ابن اختي
صابر: انتا حر
المعلم سالم: عرفت منين
صابر: تحب تتأكد
المعلم سالم: اه
صابر : والمقابل
المعلم سالم: أسيبك في حالك ❤️❤️❤️❤️❤️❤️❤️❤️❤️❤️❤️❤️❤️❤️❤️❤️
