![]() |
رواية نهاية أحزاني الفصل الخامس 5 بقلم عادل عبد اللهالحلقة الخامسة عم مصباح قاله لاء مينفعش .وبعدين مادام مش مأمني مدخلني بيتك ليه ؟ وقام اخد حاجاته وكان عاوز يمشي .لكن بابا قاله مش قصدي حاجة انا كنت بسال بس .اتفضل استريح واحنا كلنا هنسيبكم هنا لوحدكم . قاله لاء هنا مش هينفع .لازم مكان مقفول . دخل عم مصباح اوضة نوم بابا ومعاه خالتي وقفل الباب . بعدها بدقيقة واحدة سمعنا خالتي بتصرخ وخارجة بتضرب عم مصباح وهو بيجري منها . بابا حاول يمسكه لكنه هرب منه وجري . خالتي قالت ان الراجل ده لما اتقفل الباب عليهم حاول انه يعتدي عليها لكنها ضربته . بعد الموقف ده بابا قال احنا مش هنمشي ورا الداجلين تاني .وان افضل حل اننا نشغل قران كتير في البيت علشان لو في اي جن في البيت يمشي . وفعلا بدأنا نشغل قران باستمرار في البيت والقطة بوسي اختفت تاني وعيشنا في هدوء فترة . لكن خالتي كان من جواها اصرار ان خطوبتي من شادي تتفسخ . في يوم كان شادي جاي يزورنا نزلت اشتري حاجة من الشارع قبل ما ييجي علطول شوفت ميه قدام باب الشقة . استغربت اوي وسألت خالتي ؟ قالت انها مش عارفة المية دي جت منين .بعدها بدقايق شادي دخل البيت . في اليوم ده انا وشادي اتخانقنا خناقة كبيرة وشادي نزل وهو زعلان !! بعد ما نزل قعدت افكر في سبب خناقتنا لكن اكتشفت ان الخناقة تقريبا بدون سبب وان الكلام اللي قولناه كله كلام تافه مش يستاهل الزعل . بدأت ارتب افكاري واركز فهمت ان احتمال كبير ان خالتي تكون عملت سحر علشان تفسخ خطوبتنا . في اليوم ده وانا قاعده لقيت القطة بوسي ظهرت فجأة في اوضتي وجت قعدت علي رجلي وبتلعب معايا . بوسي هتجنني .خلاص انا كده متاكدة ان القطة بوسي مسكونه ..بتظهر فجأة وتختفي فجأة .وكل افعالها غريبة .ده غير انها بعد ما ماتت رجعت صحيت تاني !!!!! الشئ اللي محيرني دلوقتي هي بتعمل كده ليه ؟ وبتدافع عني ليه ؟لحد دلوثتي مش لاقية تفسير . بس رغم اني متأكدة ان بوسي مسكونة لكني بحبها اوي ومش خايفة منها . وبالليل خالتي دخلت تاخد شاور في الحمام و فجأة انقطعت الكهرباء وانطفت الانوار . سمعنا خالتي بتصرخ من جوه الحمام !! بابا جري وقالها افتحي الباب واخرجي لكن هي فضلت تصرخ ومش بترد عليه وهو حاول يفتح باب الحمام من بره مش عارف . اخويا كان قاعد خايف و بيبكي واسماء اختي كانت بتصرخ وتبكي من الرعب . بابا اضطر انه يكسر باب الحمام ودخل كانت خالتي اغمي عليها علي الارض . بابا لفها في ملاية السرير وشالها ودخلها اوضتها وحاول يفوفها من الغيبوبة . اول ما فاقت فضلت تصرخ بصوت عالي كتير لحد ما اغمي عليها تاني . بابا اتصل بدكتور صاحبه وطلب انه ييجي البيت يكشف عليها . الدكتور قال انها عندها صدمة عصبية شديدة ولازم تتنقل للمستشفي فورا . اخدناها وروحنا بيها المستشفي وفعلا اتحجزت هناك . في المستشفي كان خالي ومراته وشادي معانا . حاولت اكلم شادي علشان ننهي الخلاف اللي حصل بينا . لكن شادي قالي انه راح المستشفي علشان يطمن علي عمته بس لكن كل اللي بينا انتهي وقلع دبلة الخطوبة . اتصطدمت من كلام شادي وعينيا اتملت بالدموع لكن اتماسكت قدامه وابتسمت والدموع في عينيا وقولتله اه فعلا عندك حق ربنا يوفقك يا ابن خالي . تركتهم كلهم في المستشفي ورجعت البيت وبحر من الدموع نازلة من عنيا ورميت نفسي علي السرير منهارة . لكن سمعت صوت بيناديني ويقولي معلش ...متخافيش .انا مغاكي . ببص حواليا مفيش اي حد في الشقة غيري !!! الصوت ده منين ؟؟ دي مش تهيؤات .. انا متأكدة !!!!! وفجأة تظهر بوسي تاني قدامي .مسكتها وقولتلها انتي هتجننيني !! انتي بتروحي فين وبترجعي ازاي ؟ بوسي بقيت بتلاعبني زي ما تكون عاوزة تضحكني . انا كنت حاسه بكده .لكن فجأة افتكرت شادي وافتكرت اني لازم ارجع له كل الهدايا اللي هداني بيها .ومن الهدايا دي كانت بوسي !! بصيت لبوسي وقولتلها معلش يا بوسبوس النهارده اخر يوم ليكي هنا معايا لازم ارجعك لشادي علشان احنا خلاص فسخنا الخطوبة . لكن اللي حصل بعد كده شئ لا يصدقه عقل . يتبع ........... الفصل السادس من هنا |
رواية نهاية أحزاني الفصل الخامس 5 بقلم عادل عبد الله
تعليقات