رواية موقف سيارات الفصل الثالث و الخمسون بقلم حسام يونس
الحاله العشرون
سهام فى مكتبها تقرأ فى كتاب ...ورن جرس التليفون الداخلى.
فاتن..فى واحد جبوه ناس وتعبان جدا مش قادر ياخد نفسه.
سهام...هاتيه بسرعه
فاتن أشارت إلى الرجال الذين احضروه بأن يتحركوا معاها إلى مكتب سهام
وبالفعل ادخلوه المكتب إلى سهام
سهام...لو سمحتوا استنوا بره
واحضرت جهاز الضغط وقاست له الضغط...وعرفت انها نوبة هلع قويه
وقررت تحاول تخرجه منها بالكلام معه
حتى تنتهى تلك النوبه
سهام...مش تعرفنى عليك
المريض...ابتدا يتكلم بصعوبه..انا كرم الشرقاوى .
سهام...عندك كام سنه
كرم...عندى خمسين سنه
سهام...بتشتغل ايه
كرم...بشتغل كل حاجه واى حاجه
سهام...ايوه اسمها ايه الشغلانه دى
كرم...مخلصاتى...بيسموها مخلصاتى
ولاحظت سهام أن كرم ابتدا يهدأ
فقاست له الضغط مره اخرى وعرفت أن حالته استقرت.
سهام...الحاله دى جتلك قبل كده.
بقالى شهرين بتيجى كل يومين تقريبا
وأخرج من شنطه كانت معه اشاعات وتحليل كتيره واعطاها إلى الدكتوره
اخذتها منه وتفحصتها ثم قالت
سهام...معندكش اى مرض عضوى
كرم...هو ده فعلا كلام كل الدكاتره
اللى رحتلهم...لحد ما اخر واحد شار عليه
اجيلك بالاسم...بس للاسف وانا فى طريقى ليكى جتلى نفس النوبه دى
سهام..عندك فوبيا من حاجه معينه
كرم..يعنى ايه فتوبيا دى
سهام...اسمها فوبيا ودى حالة خوف من حاجات معينه زى الضلمه الاماكن المرتفعه...الاماكن المغلقه الضيقه
كرم...انا مش بخاف من حاجه من دى خالص...والخوف مش وارد فى حياتى
سهام...الإنسان الطبيعى طبيعى أنه يخاف مهيش حاجه تقل من اى انسان.
كرم...لا مش بخاف طبيعى.
سهام...علاجك يا كرم محتاج كذا جلسه
كرم...هنعمل ايه فى الجلسه دى.
سهام..هتحكيلى عن نفسك شويه لحد ما نوصل لسبب النوبه اللى عندك دى
كرم...لو هو ده علاجى موافق.
سهام...بس ليه عندك طلبين
كرم ...طلبين ايه
سهام...اولا لما تدخلى تسيب سلاحك بره ميصحش تدخل عندى ومعاك سلاح.
والتانى تيجى لوحدك مش لازم الرجاله بتوعك يبقوا معاك.
كرم...لا مينفعش انا هسبهم بره أو فى العربيه بره.
سهام...تمام اتفقنا...هتيجى من بعد بكره علشان عندى حالات كتير دلوقت
وانت خارج عدى على الاستقبال...وحدد الميعاد معاهم بعد بكره هيشوفوا الوقت الفاضى ويقولولك.
كرم...قام واقفا خلاص هاجى بعد بكره
وانصرف سعيد إلى حد ما بعدما لاحظ
راحته بعدما تكلم مع الدكتوره.
وذهب إلى موعده التى حددته فاتن له
وقبل الدخول أعطى مسدسه الخاص إلى مساعده وأمرهم بالجلوس فى السياره
لحين انتهائه من الجلسه.
دخل كرم إلى مكتب سهام واول ما دخل خلع چاكت البدله لكى ترى سهام أنه
بدون سلاح...فا ابتسمت سهام له وقالت
سهام...اتفضل اقعد
كرم ..جلس أمامها مبتسما...ثم قال
امبارح جتلى النوبه وكانت متعبه اوووى
سهام...عاوزه اقولك نوبه الهلع دى مش بتموت ولكن اعرضها مؤلمه شويتين
كرم...طيب مفيش اى حاجه الحاله دى
اصل تعبها مؤلم اوووى
سهام...مطلوب منك لما تجيلك الحاله دى
تفضل تاخد نفس طويل من مناخيرك
وتطلعه من بوقك...وتفضل تعمل كده لحد ما نفسك ينتظم وتهدى.
كرم...كده بس
سهام...مؤقتا لحد منشوف السبب ايه
كرم...هو السبب مش واضح
سهام...مش قلنا هتحكيلى من طفولتك
لحد دلوقت ..واكيد بعد ما تحكى هنعرف السبب وهترتاح.
كرم...اول حاجه فاكرها من وانا صغير
خناق ابويا وامى ليلاتى بسبب سكر أبويه وعدم انتظام شغله وطبعا مفيش فلوس للاكل والمعيشه.
ابويا كان متجوز واحده تانيه بس قاعده
فى البلد وبعدين اتجوز امى ولما اتولدت
قرر يجى مصر ..وجينا مصر بس الأمور كانت اصعب من البلد ..وده كان بيخليهم
يتخانقوا يوميا بسبب ومن غير السبب
وفى يوم ابوى كان بيتخانق مع امى وانا اتدخلت بحوشه عنها...فمسكنى من ياقتى وجرجرنى وحبسنى فى الحمام ...وطفى النور عليه لأن مفتاح النور كان جنب باب الحمام...ومن الموقف ده اتولد كرهى لابويه...وهو كمان كان بيعاملنى بقسوه
فى كلامه وفعله وكل حاجه كان بيضربنى عليها.
سهام...كان سنك ايه وقتها
كرم...كان عندى عشر سنين وقتها.
سهام...كان ايه احساسك لما حبسك فى الحمام .
كرم...خفت فى الاول ...لكن كان احساس
مهين اوووى..ومش بيروح من بالى ابدا
لحد ما فى يوم كانوا بيتخانقوا سوا
وخبطها بالسكينه فى بطنها...وماتت امى
وانا واقف عاجز مش عارف اعمل ايه
بدل ماتدور وتبحث علي الروايات خليها علي تليفونك وحمل تطبيقنا
