رواية موقف سيارات الفصل الثانى و الخمسون بقلم حسام يونس
دخل عصام إلى سهام مكتبها وجلس أمامها.
عصام...خير يا دكتوره ناهد قالت انك عوزانى.
سهام...زى ما فهمت من ناهد انك كنت مغرم اوووى بيها لحد قريب.
عصام...فعلا.
سهام...طيب ايه حصل يخليك تفكر فى الانفصال.
عصام...هى اتغيرت ومبقتش زى الاول
سهام...اتغيرت من ناحية ايه بالظبط
عصام...فى كل حاجه من حيث الشياكه مثلا مبقتش تهتم بنفسها ..وعندك مثلا بريقها كشخصيه انطفى.
سهام ..ياريت توضح اكتر
عصام ...مبقتش ناهد اللى درست فى أمريكا ولا بقت ناهد بنت المليونير
تحسى فقدت ثقتها بنفسها...رغم أن ظروفنا الماديه فى تحسن مستمر
بس للاسف كل ما ظروفنا تتحسن هى بتتغير لست عاديه...وكمان بقت متعلقه بيه اكتر وبقت شكاكه اوووى
سهام...وفين دورك انت معاها علشان ترجع زى الاول.
عصام...اتكلمت معاها كتير لكن للاسف
كل ما اكلمها تبكى واحس على ملامحها باندهاش من كلامى.
سهام...والاندهاش ده سببه ايه
عصام...سببه بدايه علاقتنا كنت انا اللى بشحت الحب والاهتمام...لكن دلوقت الوضع بقى بالعكس.
سهام...وده ليه
عصام...انشغالى بالشغل من جهه وقلة ثقتها فى نفسها.
سهام..عاوزه اجابه محدده منك
انت بطلت تحبها.
عصام...بحبها جدا ...ومفيش ست فى حياتى غيرها
سهام...يعنى تستاهل منك محاوله تانيه
عصام...صدقينى حاولت كتير ...42
سهام...انت كده تقصد أن الشخصيه
اللى عملتلك انبهار مبقتش موجوده
عصام...بالظبط بس فى نفس الوقت مش عاوز اكمل معاها...لان اى كلام مش هيغير فيها شئ...لانى لفت نظرها اكتر من مره
سهام...طيب نحاول محاوله ونشوف وهيبقى الكلام واضح هندى نفسنا فرصه وهناجل الانفصال شويه..وبعدها نشوف الوضع.
عصام..صدقينى الوضع هيبقى زى ماهو
سهام...هتحاول من غير ضغوط منك
واللى ربنا كتبه هيكون..حرام الحب اللى بينكم ده تضحوه بيه.
وبعدين خد بالك هى اتغيرت من باب انك تحس انها ست عاديه مش عاوزه تحملك اى ضغوط ولو نفسيه.
عصام...بس انا عاوز الست الشيك اللى عرفتها وبحس أنها بتشدنى معاها لفوق مش هى اللى نزلت معايا لتحت قبل ما اتجوزها.
سهام...لكل إنسان شخصيته ومفهومه للحياه...ولازم يكون بينكم حوار اول بأول علشان الأمور متكبرش بينكم للاسوء.
عصام...هحاول بس انا عارف النتيجه
سهام...لازم تكون المحاوله بصفو نيه ومن القلب يا عصام
عصام...أن شاء الله
سهام...عندك وقت تستنى بره شويه
على ما اتكلم معاها كلمتين وبعدها تمشوا
قام عصام وتحرك للخارج
ودخلت ناهد إلى سهام .
سهام...انا قدرت اقنعه تاخدوه فرصه تظبطوه فيه حياتكم.
ناهد...يعنى عرفتى منه سبب قراره ده
سهام...مقلش سبب مباشر..بس انا فهمت السبب من بين السطور.
ناهد..وايه بقى السبب ده.
سهام...السبب بأختصار...فى اسلوبك انتى
ناهد...بمعنى ايه
سهام...اول ما عرفك كنتى الليدى ناهد
ودلوقتي انتى بقيتى ست عاديه
ناهد...عاديه ازاى
سهام...بمعنى مبقتيش بتهتمى بنفسك زى الاول..وبقيتى ملهوفه عليه على عكس الاول كان هو اللى ملهوف.
ناهد...المفروض دى حاجه تبسطه.
سهام...لكل إنسان تفكيره...بمعنى أدق
كنتى الاول استايل يتباهى بيه..وعندك ثقه فى نفسك تشده ليكى.
ناهد...تقصدى ارجع زى الاول فى معاملتى ليه.
سهام...بالظبط ده اللى المفروض تعمليه
وتقنعيه بموضوع الخلفه...علشان يكون فى جديد فى حياتكم.
ونقطه تانيه اتعاملى معاه بثقه
ناهد...يعنى هو عاوزنى اتعامل معاه
من فوق.
سهام...أيوه ترجعى الليدى ناهد
ناهد ...مفهوم يا دكتور
سهام..اشوفكم بعد شهر من دلوقت
ناهد...شكرا يا دكتور
وخرجت ناهد من المكتب ...وذهبت إلى عصام فى الاستقبال
ناهد...انا هروح روح انت بقى شغلك
عصام...طيب السواق يوصلك وبعدين يجيلى الشغل.
ناهد...لا انا هروح لوحدى متعطلش نفسك
عصام مستغربا موقفها ولكنه ابتسم لها وظل يرمقها بنظره وابتسامته
الى ان خرجت من المشفى
بدل ماتدور وتبحث علي الروايات خليها علي تليفونك وحمل تطبيقنا
