رواية موقف سيارات الفصل الواحد و الخمسون بقلم حسام يونس
ناهد...تقيمى ليه كان فى صالحه ..أنه قدر يهتم بيه ويلفت نظرى بالاهتمام ده
انا طول عمرى مفتقده الاهتمام ده من اى حد حواليه.
سهام...لا وضحى النقطه دى
ناهد...طول عمر ماما بعدانى عن الناس
أصحابى بتدخل فى اختيارهم
سهام...ايه السبب فى التدخل ده
ناهد...ماما كانت دايما شايفه انى مطمع من الناس اللى حواليه....من حيث الجمال والشياكه حتى من الناحيه الماديه.
سهام...وبابا كمان زى ماما كده.
ناهد...لا الصراحه بس حب بابا ليه ملوش مثيل بابا مش بيقولى غير يا ليدى ناهد
سهام...يعنى اهم حاجه شدتك له اهتمامه وطريقة حبه ليكى
ناهد...بالظبط..وده اكتر شئ شدنى ليه اسلوب حبه ليه..فيه اهتمام ورعايه غير عاديه.
سهام...واهلك وافقوا عليه
ناهد ..ماما لا كانت معارضه جدا...بتقول مش من مستوانا...وهيتعبنى قدام.
بابا رحب وقلى ده اختيارك ودى حياتك
سهام...موقفش قدام المستوى.
ناهد ..لا كان معجب بطموحه لما سمع حكايته.
سهام...والمحيطين بيكى كان رأيهم ايه
ناهد ..تقصدى أصحابى.
سهام...ايوه اصحابكم المشتركين
ناهد...أغلبهم كان متحمس لجوازنا.
سهام...وانتى كنتى مقتنعه بيه كزوج
ناهد...لدرجه الحب لا ...بس كان عاجبنى حبه ليه.
سهام...انتى معشتيش قصه حب قبل كده
ناهد...عشت قصة حب من طرف واحد بس...كان ابن عمى كان أكبر منى بسنتين
لكن عمره ما حس بيه وانا مكنش عندى الجراه انى اقوله عن احساسى ده.
لحد ما فى يوم عرفت أنه هيتجوز واحده زميلته...ويومها بكيت بحرقه
عليه...وبعد كده نسيته أو قولى تناسيته
سهام...كملى حصل ايه بعد كده
ناهد....عصام طلب يقابل بابا علشان يتقدم ليه...قلتله محتاجه اتكلم معاك قبل ما تيجى تتقدم ليه.
عصام...من ناحيه الماده متشليش هم كل اللى هيطلب منى هعمله وزياده
ناهد...لا مش بتكلم عن الماده
عصام...امال عاوزه تتكلمى فى ايه
ناهد..عصام انت اكيد عارف انا بنت مين ومستوايا الاجتماعى ايه...عاوزه بس تعرف انا بجوازى منك هضحى قد ايه
بس كل ده ميهمنيش كل اللى يهمنى
تفضل تحبنى وتصونى.
عصام...حبى ليكى وعد بينى وبين ربنا
مش ممكن اتخلى عنه.
سهام...ليه قلتى الكلام ده
ناهد...حضرتك انا عضوه فى نادى الجزيره وبابا فوق المليونير بشويتين
وعلى استعداد اعيش مع عصام على حسب دخله ...فا مش عاوزه أضحى بالعيشه دى وبعدين حبه ليه يهدى
سهام...يعنى مكنتيش واثقه فيه اوووى
ناهد...دى كانت مخاوف ماما منه ومن ظروفه...فعلاقتنا تتأثر بمستواه الاجتماعى.
سهام...كملى سمعاكى
ناهد...معرفش وقتها وقفت قدام كلام ماما ليه..
المهم جه عصام وقابل بابا واتفقنا على ست شهور على ما نستعد للزفاف ويكون هو جاب شقه ويوضبها.
الست شهور دول عدو عليه وانا فى قمة
السعاده من حب عصام ليا.
زى ما بيقولوا كان بيفطرنى حب ويعشينى حب...وكل يوم هديه شكل
على الاقل بوكيه ورد يوميا.
كان فعلا بيتفنن ازاى يسعدنى
والاهم أن كان وشى حلو عليه...حجم شغله زاد وبالتالى الفلوس كمان ومكنش بيبخل عليه فى اى حاجه.
سهام...وياترى السعاده دى فضلت قد ايه
ناهد...لحد اربع سنين جواز
سهام...تفتكرى فكر فى الانفصال ليه
ناهد...مش عارفه ومش فاهمه ليه
بس يمكن الروتين والملل بتاع الحياه
سهام...يعنى حبه ليكى مقلش.
ناهد...لا خالص هو نفس الاحساس والمشاعر بنا...مازالت بنفس الحماس والقوه.
سهام...طيب ايه حصل وصلكم لكده
ناهد...بالعكس لحد شهرين فاتوا كان مازال بيخدنى معاه اى مكان يسافر له فى الشغل...وحريص على سعادتى وارضائى...وبوكيه الورد يوميا حتى يوم إجازته حريص يكلم المحل يبعت الورد زى كل يوم.
سهام...تفتكرى عرف ست تانيه عليكى
ناهد...لا معتقدتش .
سهام...يعنى السر عند عصام
ناهد ..اعتقد اه
سهام...يمكن موضوع الخلفه
ناهد....عصام..هو كان اقتراحه نأجل خمس سنين نكون اسسنا حياتنا صح.
سهام...طيب اتفضلى حضرتك فى الاستقبال..وابعتيلى عصام اتكلم معاه شويه افهم. منه الخلل ده جاى منين
تحركت ناهد الى الاستقبال وأخبرت عصام أن الدكتوره فى انتظاره
بدل ماتدور وتبحث علي الروايات خليها علي تليفونك وحمل تطبيقنا
