رواية موقف سيارات الفصل الخمسون بقلم حسام يونس
فاتن...الاستاذ عصام وصل ومعه زوجته
سهام...خليهم يتفضلوا
تتقدمهم فاتن إلى مكتب سهام.
تستقبلهم سهام...بابتسامه
وتشاور لهم بالجلوس أمامها .
عصام...انا عصام فكرى ..ودى زوجتى
ناهد المنشاوى...متجوزين من خمس سنين ...واتفقنا على الطلاق
بس ناهد كان عندها رغبه أن نزور حضرتك قبل ما يتم الطلاق.
سهام...وايه سبب التفكير فى الانفصال
عصام...مفيش سبب معين ..بس بعد ما اتناقشنا سوا وصلنا للحل ده.
ناهد...انا مش عاوزه انفصل
عصام...مش اتفقنا خلاص يا ناهد.
ناهد...لا متفقناش دى رغبتك انت
وبناء عليه انا اقترحت نيجى للدكتور
وتقرر هى ايه الحل الامثل.
عصام...بس انا الانفصال قرار نهائى
سهام...بس انا مش مأذون يا عصام
انا اساعدكم على كشف الأسباب
والقرار فى النهايه ليكم.
ناهد...هو ده اللى انا بقوله
سهام...عصام لو سمحت اقعد فى الاستقبال شويه وبعدين هتكلم معاك
يتحرك عصام إلى الخارج وهو ينظر
الى زوجته بامتعاض شديد.
سهام...ايه وجهة نظره لأسباب الطلاق
ناهد...شايف أننا مبقناش مناسبين لبعض
سهام...احكيلى من الاول عرفتوه بعض ازاى.
ناهد...اتعرفت عليه فى حفله عيد ميلاد صديقه...وكنت لسه راجعه من امريكا....بعد ما خلصت دراسه هناك
سهام...كنتى بتدرسى ايه هناك
ناهد...علم نفس
سهام...اشتغلتى بشهادتك
ناهد...لا ابدا...عصام مدنيش فرصه اشتغل.
سهام...كملى التعارف تم ازاى
ناهد...زى ما قلتلك فى حفلة عيد ميلاد
الصراحه مكنتش مركزه معاه
وهو مشلش عينه من عليه...منين ما اتحرك احس بعنيه متباعنى .
وتانى يوم لقيت مكالمه على تليفونى
عصام...ازيك يا ناهد انا عصام فكرى اللى اتعرفت عليكى امبارح فى عيد ميلاد ساسو .
ناهد...اه اهلا وسهلا ..جبت رقمى منين
عصام...اترجيت ساسو واخدته منها
ناهد...فى حاجه يا عصام
عصام...طمعان اعزمك على فنجان قهوه
ناهد...الحقيقه وقتى ضيق ومعنديش وقت اقابلك...بس اوعدك لما أفضى هكلمك .
وعدى كام يوم واتصل بيه تانى
عصام...كل ده لسه مفضتيش يا ناهد
ناهد...الحقيقه لا ...هو فى حاجه ولا ايه لاصرارك ده.
عصام....طمعان نبقى اصدقاء
ناهد...ضاحكه ..ده يشرفنى بس ليه يعنى
احنا يدوب شفنا بعض ميكملش تلات ساعات.
عصام...طيب نقعد واقولك كل حاجه بصراحه
ناهد...اوك بكره نتقابل حاضر
واتقابلنا فعلا وقعدنا سوا
ناهد...خير يا عصام ايه الحكايه
عصام...بصراحه كل اللى اقدر اقوله
انا حاسس أننا ممكن نبقى أصحاب
ياريت تدينى فرصه اقرب منك.
ناهد....ايوه بس الأمور دى مبتجيش بالشكل ده.
عصام...انا حاسس بحاجه بتشدنى اوووى
ليكى.
ناهد...بس انا مش حسه بحاجه ناحيتك
عصام...ادينى بس الفرصه وبعدين احكمى .
ناهد...مش عارفه اقولك ايه
عصام...متقوليش دلوقت ادينى فرصه وبعدين احكمى.
وبعد ما سبته اتصلت بساسو صاحبتى
وسألتها عنه.
ساسو...هو شاب طموح ولحوح اوووى فى اى حاجه بيعوزها..بس اوقات بخاف من طموحه.
ناهد...تقصدى ايه
ساسو...هو شاب فقير بس بطموحه قدر يفتح شركه صغيره للاستيراد
وابتدا يكبر ويظهر وسط الأوساط الراقيه
ناهد..وتفتكرى عاوز منى ايه
ساسو...يمكن عاوز منك الواجهه الاجتماعيه...ويمكن حبك يا ناهد
ناهد...بسرعه كده
ساسو...انا قلت يمكن
ناهد...عموما نشوف هيعوز منى ايه
ساسو...بس خدى بالك من طموحه.
وابتدا عصام يظهر فى حياتى بشكل ملفت صباحا يصبح على الواتس ومساء نفس الأمر ولو قلت ورايا مشوار يتابع معى ذهبت امتى وانتهيت منه امتى وفى أحد الأيام تقابلنا بدعوه منى له كنت عاوزه اعرفه اكتر
ناهد...عصام عرفنى عليك اكتر
عصام...بصى ياست انا عصام فكرى من قريه تبع المنصوره وعندى اخت واحده
متجوزه وعايشه فى البلد...ابويا متوفى
وامى ربنا يديها الصحه.
جيت مصر هنا مع دخولى الجامعه.
وكنت بشتغل وانا بدرس .
ناهد...خريج كليه ايه
عصام...تجاره إدارة أعمال...وفى خلال الدراسه عملت شغل كويس فى استيراد المستلزمات الطبيه...وشربت الشغلانه
ولما اتخرجت فتحت شركه خاصه ليه
وكل يوم بكبر فى المجال ده.
ناهد...عندك كام سنه يا عصام
عصام...عندى واحد وتلاتين سنه
وانتى عندك كام سنه
ناهد...عندى سبعه وعشرين
عصام...مش باين عليكى
ناهد...اعتبره غزل يعنى
عصام..لا دى الحقيقه ...الغزل اللى بجد
انا اقدر اقولك أن كل حاجه فى الدنيا
هى انتى يا ناهد.
ناهد ...مبتسمه مش عارفه اقولك ايه
بس عاوزه اعرف انت شايفنى ازاى
عصام...شيفك القمر فى ليل حالك السواد
انتى ليه معنى كبير لكل حاجه فى حياتى
انا كل اللى بتمناه انك توافقى انك تتجوزينى.
ناهد...جواز مره واحده
عصام...فكرى وثقى انك مش هتندمى
ناهد...ادينى وقت افكر وهرد عليك .
سهام...وقيمتيه ازاى فى تفكيرك
بدل ماتدور وتبحث علي الروايات خليها علي تليفونك وحمل تطبيقنا
