رواية احبنى شيطان الفصل الرابع بقلم محمود حمدى
كان صوت الموسيقى عالى جدا..و البنات و الشباب بيرقصوا على الباند فى الملهى الليلى بشارع مأمون بالمهندسين..و الدخان و الكاسات و الجرسونات كانوا من البنات..المكان مشتعل بهرمونات الجنون..
خرج حمادة..و معاه بنت طويلة..حاطة مكياج كتير..عمرها 21 سنة..و باين عليها السُكر..
حمادة بيتكلم فى الموبايل:
-هات العربية انا مستنيك قدام الباب
تهمس البنت الطويلة و ريحة الكحول فايحة من بقها:
-هنروح فين يا بيبى ؟
-نكمل السهرة عندى و لا عندك مانع
و يقرصها من وسطها
تبتسم فى بلاهه:
-زى ما تحب.
تقرب عربية جيب سايقها شاب بشعر اسود طويل داقق على دراعه تاتو لتنين طويل
-يالا يا حمادة
يسند البنت الطويلة و يدخلها على الكنبة الورانية
و يركب قدام
حمادة: اطلع يا شيكو
شيكو: تمام يا بوس
و البنت ورا راحت فى سابع نومة
****
الجيب تجرى بسرعه و هى طالعة مطلع جامد بمنطقة صحراوية..و الانوار منورة جواها و حمادة بيدخن بشراهه و شيكو يغنى مع الاغنية الشعبية فى انتشاء من المخدرات اللى بلعها:
كله ع العادي وانتو زي ولادي متبانوش قصادي اللي يبولق هخطفه واعمله احلى كمين اوعى تصيع يا باي احنا بنضرب بحي يا بني انتو ني ني عاملين عريكة ليه ولع في المكان طب رول وهات جيوان ده صبح فل وريحان ع الصقفة وهات عليه دنيا قتلاني واللي جاني جاني صعب يوم تنساني او تاخد مكاني واحد بس ماليش تاني
تقف الجيب قصاد فيلا فخمة
رجل عريض ضخم له ذقن يرفع ايده : حمادة خدها من البدروم فى حفلة
حمادة : لف يا شيكو هندخل من الباب الورانى
البنت تهمس : عطشانة يا بيبى هات ازازة كمان
يضحك شيكو : سكرانة نيلة ههههههههههه
*****
تدور الجيب مع الطريق و تبقى ورا الفيلا ينزل حمادة و بسرعه يفتح الباب الحديد الرول و يرفعه لفوق يدخل شيكو بالجيب يتلفت حمادة حوالية و ينزل الباب بعد ما يدخل
يظهر الراجل الضخم من باب داخلى:
-البضاعه كويسة
حمادة: بنت نضيفة ح تشوف
ينزل البنت الطويلة
يبتسم الراجل الضخم: لا باين انها نضيفة
ينزل شيكو و يقف جنب العربية الجيب و مايتحركش من مكانة و يراقب اللى بيحصل بصمت
حمادة ماسك البنت برفق
البنت: عشانة يا بيبى
يناولها للراجل:
-روحى مع قاسمهو هيروى عطشك
و يغمز لقاسم
اللى يتناولها منه:
-تعالى معايا مزة ..ح تكونى مبسوطة معنا
يظهر رجلين على الباب..يتناولون البنت و يدخلون بها
قاسم يخرج رزمة من الفلوس الخضراء :
-حسابك يا حمادة
ياخذ المال و يخرج اوراق :
-و دى بطاقتها و الفيزا وكل حاجة عنها
قاسم باعجاب:
-يعجبنى فيك اهتمامك بالتفاصيل " ياخذ اوراقها "
حمادة : مش عاوز تعرف اسمها
قاسم: مش مهم..روح دلوقتى
يقفز حمادة فى الجيب و يسرع شيكو برفع الباب و الخروج من المكان
**********
حمادة يعد جزء من الفلوس
-خد حقك يا شيكو
-تسلم يا صاحبى
يخرج حمادة موبايل تاتش يقلب فية
-موبايل البنت
-ايوة
-لسة بتحتفظ بموبايلتهم
-طبعا دة دليل على البنات اللى بنوردها لقاسم
-طيب لية
-علشان لو فكر يغدر بية يبقى معايا دليل على جرايمة حمادة الدكرونىما يروحش بلاش
-هههههههههههه دماغك سم يا كبير
-المهم اسمعنى كويس..فى بضاعه جديدة
-البت اللى اسمها مروة
-ايوة و معاها بنت تانية صاحبتها اسمها عبير
-تمام
-محتاجك..علشان البت التانية تظبطها معايا
-تحت امرك و اية النظام
-بنات خفيفة الموضوع سهل..نخلص منه بسرعه انا عايز اجهز الفلوس علشان البضاعه
-اوبا الخبطة الكبيرة قصدك
-ايوة..
-و انا معاك طبعا
-هو انا اعرف غيرك هههههههههههههه
*********
تناولنى عبير السندوتش .اقضمة.و ابلع بشفطة من البيبسى.تهمس عبير:
-شايفة الواد اللى هناك دة
من غير ما ابص:
-ماله ؟
-عنيه حتطلع عليكى يا مرمر
-و لا ف دماغى ..خلصى الفطار عوزين نلحق نصور كام مشهد كدة
-مالك مش عجبانى ؟
-منمتش كويس
-و لا فتحتى فيس و لا واتس امبارح..منمتيش لية؟
بلعت ريقى و ميلت عليها :
-اقولك على حاجة و متضحكيش
-قولى
-اصلى..اصلى..و لا اقولك بلاش
-ماتقولى بطلى رخامة
-اصلى بيطلعلى شيطان منهم
غبية مكنش المفروض افتح بقى مع عبير انفجرت فى الضحك
و ساعه عقبال ما عرفت اسكتها
عبير بسخرية: طيب خلاص احكى
-لا انسى احكى و تاخدينى لبانتك فى كل مشوار.. نأورة عليه
******
كانت خططتى انى اروح قرب مول كبير مشهور و اصور
تيك توك لقناتى على اليوتيوب
عبير بتصورنى و شفايفى بتتكلم مع الاغنية و بعمل حركات دلع
و لمحتة
و راها من بعيد
الشاب اللى كان بيبص عليا فى الكافى
واقف
و عنية متسمرة عليا
لكن عرفت اظبط نفسى و اكمل تصوير
********
فى البيت اتجرأت و فتحت اليوتيوب و رفعت الفديو الجديد
و اول ما كمل رفع
جالى تعليق
زى القمر..عوزة القتل
و جنب التعليق اتكتب اسم صاحبة ( ملك الظلام )
نطيت من الخضة
هو جه هنا كمان
حسيت بجسمى برد
كنت خايفة اوى
لكن محصلش حاجة
قعدت تانى
حاولت احذف التعليق
او احظره
لكن من غير فايدة
كتب تانى
شفتك و انتى بتصورى اوعى تتجاهلينى تانى
ياخبر
الشاب اللى كان فى الكافى
و اللى جة ورانا و احنا بنصور جنب المول
بلعت ريقى
يعنى بنى ادم ..و ممكن يكون هكر ..صح هو دة التفسير الوحيد
و رديت علية بغضب:
-يعنى طلعت واحد مخبول و بتعاكس و كمان مريض نفسى و بتطارد الناس فى الشوارع انا ممكن ابلغ عنك البوليس ابعد عنى احسن لك
و قفلت اليوتيوب
و اتنهدت
اوف
كدة هيخاف
و مرة واحدة
حسيت بيه
فى الاوضة
حوالية
ضلمة بتمشى على الحيطان
و السقف
و الارضية
و برودة شديدة
غاضب
و قبل ما تشملنى الضلمة
كنت ناطة برة الاوضة
و سمعت صوت من جوة صرخة غضب
لانى فلت منه
يا واقعه سودة
(تتبع)
بدل ماتدور وتبحث علي الروايات خليها علي تليفونك وحمل تطبيقنا
