رواية اسرار المنزل الفصل الرابع بقلم ليل ادم
حازم : نور أنا نازل ومش هتاخر عليكي
نور : رايح فين منتا قاعد
حازم: الراجل النقاش كان ليه باقي حساب نازل اتحاسب معاه
نور : هو أنا ينفع اجي معاك علشان خطري
حازم : خايفه ولا اي
نور : ها لا مش خايفه بس عايزه انزل بقالي اسبوع مش بخرج من البيت
حازم : طب ممكن انزل المشوار ده ولما ارجع اخدك وننزل
نور : خلاص ماشي اللي تشوفه
حازم : (نزلت لحد باب العمارة بس بصراحه قلبي مكنش جايبني اني امشي و اسيب نور طلعت تليفوني رنيت عليها )
نور : ألو
حازم : ألبسي عبال ما اطلع اخدك
نور : ثواني وهكون جاهزه
حازم : ماشي ياله
نور : سلام
حازم : ( البت لما صدقت ياعيني اللي شاغل بالي الوقتي أنا اذاي هقعد مع عم احمد من غير ما نور تحس اي حاجه غريبه طلعت مفيش عشر دقائق كانت نور فعلا لبست خدتها ونزلت ركبنا العربية)
حازم : أول ما نوصل خليكي قعده في العربيه لحد ما أتحاسب مع عم احمد وبعد كده اخدك وهمشي
نور : مفيش مانع
حازم: وخلي بالك ممكن الموضوع يطول شويه
نور : مفيش مانع بس أنا في حاجه معلش
حازم : قولي
نور : هو مش حساب النقاش كان خلصان من قبل ما يخرج من الشقه لتكون ناسي بس
حازم : لا هو فعلا كان خلص بس لما راح شقه واحد صحبي عمل فيها شويه شغل بقا ليه حساب تاني و صحبي قالي هتعامل معاك وانتا اتعامل معاه
نور : طب في حاجه تانيه ممكن تعملها علشان خطري
حازم: طبعاً يا حبيبتي قولي
نور : تسأله عن الشقه
حازم : قصدك اقوله يعني اني هبيع الشقه
نور : لا تسأله عليها يعني لو كان شاف حاجه فيها حصل معاه حاجه غريبه مثلا يمكن تصدقني
حازم : يعني أنا مش مصدقك هصدقك لما عم احمد يقولي تصدقي والله كده ازعل منك
نور : مش قصدي بس نفسي احس انك مصدقني نفسي احس الرفض تجاه الشقه جاي مني ومنك علشان بجد طول ما الرفض مني لوحدي حاسه اني تقلت عليك وشيلتك فوق طاقتك
حازم : لا والله يا حبيبتي الرفض مش منك لوحدك أنا رفض اكتر منك
نور: يعني اي
حازم : الراجل جه استني لما ارجع نكمل كلامنا
نور : ماشي
في جانب آخر 👇
احمد : استاذ حازم عامل اي
حازم : الحمد لله يا عم احمد انتا عامل اي
احمد : ألف مبروك علي الجواز وعبال ما تفرح ب أولادك يارب
حازم : حبيبي تسلم أتفضل اقعد يا عم احمد
احمد : يزيد فضلك
حازم : قولي بقا يا عم احمد بما يرضي الله اي اللي حصل معاك في الشقه دي
عم احمد: شوف يا استاذ حازم أنا تاني يوم بعد م اخدت من عربون الشغل خدت معايا عامل من السوق قولت ينضف الشقه علشان لما تشتري المون و الصنيعيه تنزل تبقا الدنيا تمام المهم الواد العامل ده شكله كده محترم جدا وبتاع ربنا لقيته دخل عليا في البلكونه وقالي خلي بالك ياعم احمد الشقه دي مش كويسه سألته ليه بتقول كده قالي أنا بسمع وبشوف ومتأكد من اللي بقوله ولو كان معاك حد تاني النهارده غيري كان سابك ومشي ضحكت وقولت ده عايز قرشين زياده المهم قولتله خلاص روح شوف شغلك وخلصنا اليوم والدنيا تمام نزلنا الشارع افتكرت اني ناسي مفاتيح العربية فوق طلعت اجيب المفاتيح وأنا واقف على الباب بتاع الشقه سامع صوت دوشه وكركبه جايه من جوه الشقه مع أن مفيش حد جوه شويه وبقيت سامع صوت ضحك بس مش طبيعي ضحك مرعب ربك والحق رفعت التليفون رنيت على الولد العامل اللي كان معايا أقل من خمس دقائق كان وقف جمبي سألته اي اللي بيحصل جوه ده معقول في كده قالي افتح الباب قولتله بلاش ل نتأذي قالي افتح بس هتشوف اللي مش طبيعي بجد فتحت الباب فعلا لقيت مكتوب على كل حيطان الغرفه نفس الجمله مكتوبه بالدم والشقه كانت مرعبه بشكل مش طبيعي وخيالات كتير بتجري في الشقه سامع صوت نفس حد وقف ورا ضهري مع أن مفيش حد غيري انا والعامل ده
حازم : جمله اي اللي كانت مكتوبه على الحيطان
عم احمد: غادر
حازم : ( نور قالت إن الكلمه دي كانت مكتوبه في الورقه اللي أنا لقيتها فاضيه مش مكتوب فيها اي حاجه)
عم احمد: المهم سألته قولتله نعمل اي قالي اطلع بره ياعم احمد بعد اذنك ولو سمعت صوتي انقطع أو بطلت ذكر افتح الباب وطلعني بره وخدني تحت بأسرع طريقه مهما كان اللي بيحصل اوعا تبص وراك قولتله يابني ملوش لازوم ياله ننزل قالي لأ حرام صاحب الشقه دي شاب محترم وكويس
حازم : استنا استنا هو يعرفني منين أصلا
عم احمد: أنا عايز اقولك أن الولد ده قالي أسمك ثلاثي وشكر فيك جدا
حازم : لأ بقا أنا عايز اعرف الشب ده بس كملي الأول اللي تم
عم احمد: دخل فعلاً الشقه وكنت وقف بره سامع صوته عمال يقرأ بعض آيات القرآن وكان بيقول كلام سليماني بالنسبالي مش مفهوم بس وانا وقف بره الشقه كنت سامع كم أصوات بجد يرعب وكانت شايف خيالات خارجه من شقتك جري ومره واحده مبقيتش سامع صوت عمران
حازم : عمران ده العامل مش كده
عم احمد: اه
حازم : وبعدين عملت اي
عم احمد: بيني وبينك قلبي مكنش حمل اي حاجه هشوفها بعد ما افتح الباب رعب بجد ربك والحق حاجه من عند ربك فتحت الباب ودخلت بقيت عمال أنده على عمران في كل مكان في الشقه ولا شايفه ولا سامع صوته لقيت باب الحمام مقفول وسامع صوت كأن في خناقه جوه كبيره وبالصدفة من زجاج الباب لمحت طيف عمران فتحت الباب لقيت عمران واقع على الأرض شديته وخرجت بره لقيت باب الحمام اتقفل وسمعت صوت مرعب خارج من جوه الحمام وقفت عمران وخدته وخرجت لسه هقفل باب الشقه قالي لا سيبه متخفش مفيش حاجه في الشقه الشقه بقيت كويسه بس الحمام في واحد تقيل اوي مش عارف اعمل معاه حاجه خالص
حازم : وبعدين
عم احمد: قولتله ياعم إحنا نرجع العربون و بلاها من الشقه دي قالي لا متقلقش اهم حاجه طول ما انتا شغال في الشقه باب الحمام مقفول ميتفتحش وبالله عليك اتكلم مع صاحب الشقه وقوله الشقه دي محتاجه حد يكون تقيل يصرف كل اللي فيها النهارده الخطر في الحمام لكن بعد كده هيكون في كل مكان في الشقه ولو تملكوا من الشقه هيكون نهاية اي حد يفكر يدخل فيها
حازم : وانتا لما كنت شغال محصلش معاك اي حاجه
عم احمد: بصراحه لا حتا العمال و الصنيعيه كنت بأكد عليهم محدش يفكر يلمس باب الحمام
حازم : علشان كده كنت ممسمر
الباب ولما كنت بسألك كنت بتقولي علشان محدش يستعمله من العمال
عم احمد: مش عايزك تزعل بس والله كنت على أمل أن الموضوع ده ينتهي قبل ما تدخل بيتك
حازم : أنا عايز اوصل للشاب ده بعد اذنك يا عم احمد
عم احمد: عمران
حازم : اه ممكن
عم احمد: حاضر والله استنا مني مكالمه النهارده أن شاء الله اكون حددت ميعاد بينكم
حازم: مفيش مانع أنا مستني منك مكالمه
عم احمد: تمام تأمرني ب اي حاجه تانيه
حازم : حبيبي تسلم يا عم احمد
عم احمد: السلام عليكم
حازم : وعليكم السلام ورحمه الله وبركاته
حازم : ( راجع العربيه بس عقلي كله وفكري اني لازم احكي كل حاجه ل نور علشان تكون حريصه كل الحرص بدال ما تعمل حاجه تتسبب في أيذئها عاوز احكي ومش عايز احكي خايف الموضوع يكبر في عقلها وتبتدي تتخيل كل حاجه حوليها أنها بسبب الموضوع ده وفي نفس الوقت خايف مقولش تعمل حاجه تقلب الدنيا عليها مش عارف اعمل ايه 🔥
بدل ماتدور وتبحث علي الروايات خليها علي تليفونك وحمل تطبيقنا
