رواية موقف سيارات الفصل التاسع والاربعون بقلم حسام يونس
داليا ...اخدت شقه اودتين وصاله وبقيت اعتمد على زوجة البواب فى شراء ما احتاجه حتى لا انزل الشارع ويجدنى هانى خصوصا وانى اخدت كل اللى حيلته وهربت واكيد هيدور عليه ومش هيسكت لحد ما يلاقينى.
وكان كل همى انى أولد بالسلامه وبعدها اشوف هعمل ايه... المبلغ اللى معايا كويس
يعيشنى مستوره حوالى سنه..وده غير الدهب اللى معايا.
سهام...مفكرتيش تشتغلى
داليا...فكرت بس كل همى أولد قبل هانى ما يعطر فيه.
سهام...اظن فايز ظهر فى الفتره دى
داليا...فعلا ظهر بالصدفه فى حياتى
سهام...ظهر ازاى فى حياتك
داليا...كنت قريت اعلان فى الجورنال عن الجمعيه اللى شغال فيها هى كانت خاصه بالايتام..وكنت فكرت اتبرع بمبلغ بسيط كده للجمعيه دى...وبالفعل اتصلت بيهم يبعتوه مندوب يستلم منى المبلغ.
وكان المندوب ده فايز ...وحسيت منه بقبول وانجذاب ناحيتى.
واستغليت الموقف وشرحت له ظروفى بدون تفاصيل .
سهام...قولتيله ايه
داليا...قولتله أن جوزى مات فى حادثه
وضاعت كل الاوراق اللى تثبت جوازى منه...وحكيت ليه حكايتى كلها قبل كده فى البلد...وتعاطف معايا جدا
ومدى احتياجى للعمل بعد الولاده لكى اربى المولود.
فايز...يعنى مشرفه حضانه مناسب ليكى ولظروفك
داليا...اه مناسب اوووى لان صعب اسيب المولود بعيد عنى خصوصا وهو رضيع
واتفقنا أنه هيشغلنى بعد ما اقوم بالسلامه.
وحدث شئ من الالفه بينا...وكان بيزورنى على فترات .
وفى يوم حكى ليه كل ظروفه
سهام...وايه هيا ظروفه
داليا...هو من محافظه تانيه وملوش حد فى مصر خالص...وجاه مصر يبحث عن فرصة عمل واشتغل فى الجمعيه دى
سهام...فعلا ظروفه مناسبه ليكى اوووى
داليا...اهم ما لفت نظرى فيه أنه مؤدب اوووى وعمره ما بصلى بصه وحشه.
فى يوم كان عندى وقالى
فايز...عندى ليكى عرض اتمنى يعجبك
ويناسب ظروفك...واتمنى اكتر انك توافقى عليه.
داليا...عرض ايه يا استاذ فايز
فايز...نتجوز واقيد مولودك باسمى
وننتقل من هنا لشقتى ونعيش فيها ونكون اسره سوا
داليا...فاجأتنى بطلبك ده
فايز...اتمنى تكون مفاجأه حلوه
داليا...حلوه اكيد بس محتاجه افكر فى عرضك ده.
فايز...خدى وقتك بس كل ما رديتى بسرعه كان افضل .
داليا...ممكن افهم ليه
فايز...اولا هنتجوز عند محامى علشان نعرف نسجل المولود بأسمى.
داليا...اه علشان كده يعنى.
فايز...هيجيلك بعد تلات ايام تكونى فكرتى...ولازم تعرفى أن موافقتك هتكون يوم ميلادى يا داليا...ونظر فى عينى ولمعت عيونه بدمعه من عينه
داليا...أن شاء الله بعد تلات ايام هرد عليك .
والصراحة عرضه كله مغرى اوووى خصوصا وأنه هيسجل المولود باسمه
بس كان كل قلقى أن هانى يظهر فى حياتى ويدمر حياتى ويهد علاقتى
بفايز.
وجالى فى اليوم الثالث
فايز...وصلتى لايه يا داليا.
داليا...موافقه يا فايز بس ليه رأى
فايز...خير يا داليا.
داليا...الجواز الرسمى يكون بعد الولاده
ولازم تعرف انى مش هفرط فى المولود ده ابدا.
فايز...ولا انا عمرى افكر فى كده ده هيبقى ابنى أو بنتى ...مش هيتربى فى حضنى...أفرط فيه ازاى
داليا...اتفقنا تمام.
فايز...خلاص نروح للمحامى بكره...وبعد ما نخلص عند المحامى نروح تشوفى الشقه علشان ننزل تنقى اوده نوم جديده
داليا...معاك حق علشان نشوف ممكن ناخد ايه من العفش ده معانا
فايز...هعدى عليكى بكره بعد العصر.
داليا...حسيت بسعادة غامرة...أن ربنا هيعوضنى خير عن كل اللى فات.
كل اللى كان بيقلقنى ظهور زفت هانى
وتانى يوم جه فايز واخدنى إلى مكتب المحامى...وتم الزواج .
وبعدها روحنا على شقته وكانت فى نفس المنطقه اللى فيها مكتب المحامى
واول ما دخلنا الشقه أخرج فايز من جيبه اسوره ذهبيه والبسنى الاسوره فى يدى وقبل يدى قبله كلها حنان .
وكانت الشقه معقوله ومقبوله...وفرحت بها اوووى...وبعد ذلك ذهبنا الى معرض موبيليا...واخترنا سويا اودة نوم جديده
ومشت كل الامور بخير وسلام.
والى أن حان موعد الولاده عشت معه فى الشقه ..فى سعاده بالغه وكان فايز نموذج للراجل اللى تتمناه اى ست.
ويوم الولاده كان معايا فى المستشفى كا اى زوج ينتظر مولوده ورزقنا ربنا بابنتنا
وسعادته بها كانت ملفته جدا كأنها من صلبه.
ومضت بيه الحياه الى أن جاء اليوم اللى كنا بنتعشا فيه فى مطعم ...ولقيت هانى قدامى...وتهجمت عليه اريد قتله ولكنه جرى من امامى واختفى...رغم انى اخدت فلوسه وهربت إلا أنه لم يقدر على الوقوف امامى ...ومن يومها انقلبت عليه كل المواجع.
ولم أستطع أن أقول إلى فايز اى تبرير
لذلك الموقف وأبتدت جوايا عقدة ذنب اتجاه فايز .
سهام...داليا انتى ضحيه سوء اختيارك
واظن فايز ميستهلش منك انك تجرحيه
وبنتك تستاهل منك انك تحافظى على بيتك.
انتى كل اللى حصلك أساسه اليتم
فا عتقد لازم تكونى حريصه أن بنتك تعيش وسطكم فى هنا وسعاده
العلاج اللى هكتبهولك ده هيساعدك انك تهدى .
وبابى مفتحلك اى وقت تحتاجينى فيه
خلى بنتك دايما قدام عينك قبل أى قرار أو تصرف تضرى بيه نفسك.
بدل ماتدور وتبحث علي الروايات خليها علي تليفونك وحمل تطبيقنا
