رواية موقف سيارات الفصل السابع والاربعون بقلم حسام يونس
فى الموعد المحدد ذهبت داليا وزوجها
قابلتها سهام بحفاوه
سهام...عامله ايه الاسبوع ده
داليا...كويسه ومش كويسه
سهام...خير ايه حصل
داليا...يعنى أهدى من الاسبوع اللى فات
بس بنتى بقت تخاف منى وطول الوقت بعيد عنى مش بتدخل عندى الاوده غير لما يرجع ابوها من الشغل..زايد انى طول الوقت نايمه
سهام ..معلش النوم ده بسبب العلاج اللى بتخديه.
داليا...فايز كان عاوزك بعد ما اخلص
سهام...وماله ينور
داليا...اكيد هيسالك مالها
سهام...هرد عليه طبعا ..بس الكلام اللى بنا ده سر ...لو عرفه يبقى انتى اللى قررتى تقوليه
داليا...امال هتقولى ايه
سهام...توتر نفسى من حكاية هربك من البيت...وان الراجل اللى كان فى المطعم
شبه زوج امك...اظن هو عارف حكايته
داليا...ايوه عارف
سهام...اطمنى متقلقيش...كملى بقى حكايتك.
داليا...مرت الايام وانا سعيده مع هانى
لحد ما فى يوم كان نايم واخدت تليفونه
اقلب فيه لقيت فيديوهات رقص ومغنى ودخان ازرق مالى المكان ..وهنا بس عرفت معنى مطعم سياحى كان يقصد كباريه...ولكنه جمل الكلمه.
ولما صحى اتكلمت معاه
داليا...هانى عاوزه اجى معاك الشغل
هانى...لا مينفعش الستات اللى عندنا مش كويسين.
داليا...يعنى ايه مش كويسين
هانى...يعنى بيقعدوه مع رجاله ويرقصوا علشان يخلوا الرجاله تعمل تربيزه عاليه فى الفلوس.
داليا...وهو ده المطعم .
هانى...لا ده كباريه بس دى الشغلانه اللى لقتها يا داليا.
داليا...حبيبى انا مش عارفه اشوفك ولا اقعد معاك..كمان فلوسها قليله
هانى...اصبرى شويه المدير وعدنى هينطقنى من مكانى لمكان أعلى
داليا...يارب تبقى حاجه مريحه وفلوسها احسن عاوزين نتجوز يا هانى.
وبعد اسبوع جه هانى فرحان من شغله وجيبلى معاه فستان وانسيل دهب هديه
وفرحت بيهم اووى دى اول حاجه يشترهالى هانى من شغله
داليا...تسلم يا حبيبى تعيش وتجبلى
هانى ...نفسى اجبلك الدنيا كلها يا قلبى
داليا...انا كنت بقول كنا رحنا اتجوزنا يا هانى.
هانى...عن قريب هنروح ..بس اوصل للمكان اللى بحلم بيه.
داليا ...امال الفلوس دى منين
هانى...اتنقلت فى الشغل ..بس مش اللى فى دماغى
داليا ...طيب فهمنى
هانى...متشغليش بالك بكره هنلعب بالفلوس لعب.
وبتدور الايام ووضعنا المادى بيتحسن وكترة هدايا هانى ليه
وانا كنت فى منتهى السعاده مع هانى
سهام...مقلقتيش من كتر الفلوس مع هانى.
داليا...قلقت جدا...وبقيت اخاف من بكره ومن عواقب شغله.
لحد ما فى يوم اتصل بيه من بره..وقالى ألبسى علشان اخدك وننزل نتعشى بره
وبعد ساعه جه وكلمنى من تحت البيت وكلمنى قلى انزلى...ونزلت له لقيته قاعد فى عربيه جديده وشيك
جريت ركبت جانبه
داليا...اش اش ايه دى
هانى...عربيتنا. اشترتها بالقسط...واتنقلت للمكان اللى نفسى فيه
داليا...بجد يا حبيبى
هانى..بجد وكمان ايه شغلها تلات اربع ايام فى الأسبوع.
داليا...عباره عن ايه الشغلانه دى
هانى...صالة قمار
داليا...قمار...مش حرام يا هانى
هانى...القاهره هنا مفيهاش حلال وحرام
وبعدين ده الشغل اللى قدامى...وبعدين كلها كام اسبوع ونتجوز.
داليا...اللى تشوفه
هانى...ليا عندك طلب كمان
داليا...طلب ايه يا هانى
هانى...ادينى الدهب اللى معاكى كله
علشان محتاج سيوله معايا...ومتقلقيش هعوضك باكتر منه قدام شويه
وبعدما رجعنا من بره أعطيته علية الدهب كلها.
وبعد شهر رجع بدرى من عمله متعور ومكسر شكله اتخانق مع حد
حاولت اعرف منه ايه اللى حصل
ولكنه فضل يراوغ فى الرد ويقولى بعدين يا داليا
بعدها بيومين حضر إلى البيت رجل ذو هيبه ومعاه ثلاث راجل آخرين
واول ما داخل ازحنى من أمامه ونادى على هانى...وحضر هانى بخطى متردده
هانى ...اهلا رياض بيه
رياض...اللى حصلك ده قرصة ودن
علشان تبطل تتنصح على اسيادك
انا جيت بس اقولك انت عارف لو مسدتش الوصلات اللى انت ماضى عليه هحبسك.
هانى...مهم خدوه منى كل الفلوس اللى كانت معايا...وخدوه منى العربيه كمان
رياض...مش كفايه انت ماضى وصلات بربع مليون جنيه وخد بالك حبسك مش كفايه عندى...وهقتلك بعد ما احبك
داليا...بعد كل اللى اخدتوه عاوز تحبسه ليه هو عمل ايه لده كله.
رياض...انتى مين يا حلوه
هانى...دى مراتى يا رياض بيه
رياض...جوزك استنصح بعد ما شغلته وعلمته اصول الشغل.
داليا...مش فاهمه قلى عمل ايه
رياض...بقى يلعب لحسابه على تربيزة القمار...ويكسب الفلوس لنفسه
داليا...يعنى خدت الدهب تبيعه علشان تلعب بفلوسه.
رياض...لولا تظبيط التربيزه...ولكان يكسب قرش....بس يظهر أنه قليل الاصل
داليا...بس هيجبلك الفلوس منين
رياض...وانسى أن اى محل يشغله خلاص
فضحته بقت بجلاجل...لكن انا ليه فلوس
وهخدها ولو بالدم...واوعى تفكر تهرب علشان متعجلش بموتك.
داليا..معلش اديله فرصه على ما يلم الفلوس.
رياض...قدامك شهر من دلوقت اكتر من كده انت المسؤل عن اللى هيحصل.
سهام...اشوفك الاسبوع اللى جاى
وواظبى على العلاج
ابعتى الاستاذ فايز
بدل ماتدور وتبحث علي الروايات خليها علي تليفونك وحمل تطبيقنا
