 |
رواية نهاية أحزاني الفصل الثالث 3 بقلم عادل عبد اللهالحلقة الثالثة اختي اسماء قعدت هدأتني لحد ما نمت وانا جوه نفسي بتمني اني اصحي اشوف قطتي بوسي قدام عنيا تاني . بعد اليوم ده بدأت تحصل حاجات غريبة اوي في البيت لدرجة بقبت حياتنا جحيم بمعني الكلمة . تاني يوم الصبح صحيت وكان نفسي اشوف القطة بوسي لكن مش شوفتها . قولت يمكن اكون فعلا كنت بحلم او تهيؤات .نزلت روحت الجامعة وحكيت لاصحابي علي موضوع بوسي .واحدة صحبتي قالتلي انها سمعت ان القطط احيانا بتكون ارواح ناس ماتوا واحيانا بتكون جن وظاهر في صورة قطط . بدأت افتكر حاجات كانت بتحصل معايا من زمان وانا صغيرة .وان بعد موت امي كان في قطة كانت بتجيلي تلعب معايا . كانت بتعمل معايا حاجات غريبة اوي .لما كنت بعيط كانت بتحط ايديها عليا كأنها بتطبطب عليا وتضمني زي ما تكون امي . لما روحت البيت وانا طالعة علي السلم شوفت بوسي قاعدة قدام باب الشقة مستنياني . فرحت اوي وشيلتها علي ايدي وفتحت الباب ودخلت وانا فرحانه اوي . خالتي لما شافتني ماسكة القطة وداخلة استغربت اوي وقالتلي اي ده !!! انتي جبتيها منين ؟ هي مش ماتت ؟ قولتلها لا مش ماتت .انتي مش سمعتي قبل كده ان القطط بسبع ارواح ؟ وضحكت . خالتي بصت عليا وقالتلي انتي بتتريقي علي خالتك يا شيرين !!! قولتلها العفو يا خالتي .انا بقولك زي ماسمعت . الغريبة ان القطة المرة دي فضلت معانا في الشقة كذا يوم وكل اللي في البيت شافوها وكانوا مستغربين ازاي بعد ما ماتت تظهر تاني . لكن خالتي المرة دي بقيت تستني البيت يفضي وتمسك القطة تعذبها . لحد ما في يوم القطة خرجت من الشقة ورجعت معاها قطط كتير ودخلت الشقة قلبت كل حاجة من مكانها في الارض . خالتي اتغاظت اوي .نزلت اشترت سمك وحطت فيه سم وقدمته للقطط .قدام باب الشقة . بابا لما رجع البيت شاف قطط كتير ميته قدام باب الشقة ومنهم قطتي بوسي . بابا سأل مراته عن القطط دي وهي حكت له اللي حصل وانها سمتهم . بابا اخدهم وراح دفنهم في مكان بعيد . بقلم /عادل عبد الله رجعت من الجامعة وسألت علي بوسي بابا خاف يقولي انها ماتت فقالي انها خرجت ومش يعرفوا راحت فين . في الليلة دي دخلت نمت كالعادة بعد ما خلصت مذاكرتي وكان الكل خلاص ناموا . وانا نايمة وغرقانة في النوم صحيت علي صوت صراخ عالي اوي . قومت مفزوعة من النوم .خرجت انا واخواتي وبابا شوفنا خالتي واقعة في الارض مغمي عليها . بعد ما فاقت سألناها اي اللي حصل قالتلنا انها قامت من النوم ولما خرجت من الحمام شافت راجل طويل شكله مرعب . بابا قالها اكيد انها كانت تهيؤات مش اكتر . لكن خالتي اقسمت بالله انها شافت راجل ومتأكدة انها مش تهيؤات . بابا قالها عموما سواء كانت تهيؤات او لاء شغلي قران كتير في البيت وان شاء الله مش هتحصل حاجة وحشة تاني . كان عندي امل ان قطتي بوسي ترجع تاني لكن عدا كذا يوم ومش رجعت . وفي يوم شادي كان بيزورنا في البيت فخالتي قابلته وحش اوي . شادي زعل اوي واشتكي لباباه ومامته وقالي انه مش هيزورنا في البيت تاني . بعدها بكام يوم عرفت من هند اخت شادي ان اسماء اختي راحت تزورهم لوحدها وكانت عاملة ميك اب كامل ولابسه اشيك حاجه ودخلت البلكونه مع شادي وفضلوا يتكلموا اكتر من ساعتين وكل ما كان حد يدخل عليهم يقطعوا كلامهم . بقيت محتارة مش عارفه اعمل اي ؟ واختي اسماء كانت عاوزة منه اي ؟ المفروض تعرف انه خلاص كده اختارني انا وخطبني انا .ويعدين هي لسه صغيرة وفي اولي ثانوي ليه تفكر في الخطوبة دلوقتي ؟ وهي الدنيا اضيقت عليها مش لاقيه الا خطيبي وتبصله ؟؟ المهم عملت نفسي مش اعرف حاجه واتكلمت مع شادي عادي جدا في الفون وهو مش جاب سيرة موضوع اختي خالص . ولما شوفت اسماء قولتلها عاوزين نروح عند خالي ابو شادي من فترة واحنا مش زورناهم .وسألتها هي اخر مرة زارتهم امتي لكنها دارت عني وقالت ان من زمان مش زارتهم لكنها اتهربت وقالت انها مش فاضية الايام دي تروح تزورهم علشان مذاكرتها . موقف شادي كده بقه غامض اوي بالنسبالي . الغريبة ان مرات بابا بعد ما كانت بتقابل شادي وحش راحت عندهم البيت واعتذرت له وطلبت منه انه يرجع يزورنا تاني . وفعلا يوم الاجازة شادي جي البيت عندنا وخالتي قابلته كويس جدا وبعد ما اتغدينا كلنا مع بعض دخلت اعمله قهوة لكنها قالتلي اقعدي انتي مع خطيبك وانا هعمله القهوة بتاعته . لاحظت عليها انها بتتلفت و مش عاوزه حد يشوفها وهي بتعمله القهوة . انا كنت مش فاهمه هي بتعمل كده ليه !! لكنها وهي جايبه القهوة فجأة ظهرت بوسي مش عارفين ازاي وجريت مسكتها من رجلها فالقهوة وقعت من خالتي علي الارض . خالتي بقيت هتتجنن ومسكت القطة وكانت عاوزة تدبحها بالسكين لكن انا وشادي مسكناها بالعافية عنها . الاغرب من ظهور القطة بوسي المفاجئ هو اننا واحنا ماسكين خالتي علشان مش تدبحها كانت بوسي واقفة علي مسافة مننا وبتبص علينا وفجأة نزلت الدموع من عنيها . ببص في عنين بوسي لقيت دموعها دم !!!!!!! يتبع .......... الفصل الرابع من هنا |
بدل ماتدور وتبحث علي الروايات خليها علي تليفونك وحمل تطبيقنا
