رواية فيروس الفصل الثانى بقلم ليل ادم
عم سيد: ( اللي عمله صابر في القسم النهارده مش هيعدي على خير حبي ل صابر مش خوف منه إنما هو احترام ل صابر رغم أن صابر مسجل وفاقد بس راجل ومحترم عمره ما جه علي حد غلبان بالعكس معظم حبسات صابر كانت بسبب أنه وقف مع حد مظلوم ومعندوش مبدأ الخيانه بس صابر لو حط حد في دماغه أو حط حاجه في دماغه يبقا خلصت خلاص لو حصل اي هيعمل اللي قال عليه )
اسماعيل بيه : سيد انتا الوحيد اللي صابر بيحبه وبيسمع كلامك روح اتكلم معاه عصام بيه حالف لو طلع النهار وصابر في الدايره هنا هيعمله جواب اعتقال علشان خلاص جاب آخره منه روح قوله إسماعيل بيه بيقولك أخرج من الدايره كلها لو مسمعش الكلام يبقا هو اللي جابه ل نفسه
سيد: خلي بالك يا اسماعيل بيه محمد بيه هو اللي شغل دماغ صابر تاني عليه
اسماعيل: اللي حصل حصل يا سيد لو فعلا بتحبه ألحق حذره قبل ما يفوت الأوان
سيد: بعد اذنك يا اسماعيل بيه
في مكان آخر ( كان صابر وصل بيته تاني )
صابر : ( فتح باب الشقه لقا ملك جوه )
صابر: بتعملي اي هنا يابنت المجنونه
ملك : انتي فين من الصبح يا صابر
صابر: كنت في مشوار
ملك : وامبارح كنت فين
صابر: شغال
ملك : صابر الحكومة جت خدتك من هنا الصبح ليه
صابر: اهدي طيب بتعيطي ليه
ملك: رود عليا رجعت تاني لسكه الشمال يا صابر يا خارسه
صابر: وغلوتك عندي ابدا وقفت كل حاجه هما اللي بعتولي علشان ظابط المباحث الجديد كان عاوز يشوفني
ملك: اسمع كلامي ياله نخرج من هنا بلاش المنطقة دي انتا كل ما تتعدل تحصل حاجه ترجعك
صابر: والله ابدا أنا وعدتك مفيش حبسه تاني
باب الشقه بيخبط
صابر: مين
سيد: افتح يا صابر
صابر: عم سيد أنا مش راجع القسم ولا معاك ولا مع غيرك اخر كلام عندي
سيد : أنا جاي اقولك والكلام قصاد ملك اهو لو الصبح طلع عليك وانتا لسه هنا في المنطقة عصام بيه مأمور القسم هيعملك جواب اعتقال
ملك : ينهر اسود عملت اي يا صابر رود عليا عملت اي
عم سيد: معملش حاجه ومش وقته نتكلم اهرب من هنا المنطقة دي بقيت ضيقه عليك يا خرسه امشي أنا جيت اقولك علشان اللي جاي محدش هيقدر يمنعه
ملك : علشان خطري ياله نمشي أنا مش عايزه اخسرك هنمشي صح
صابر: همشي بس هعمل حاجه قبل ما امشي
ملك : هتعمل اي
صابر: مشوار وراجع وبعدين نخرج من هنا ولو ربنا قبل مني التوبه يبقا مش هرجع تاني هنا
ملك : صابر هترجع أكون لميت كل حاجه لينا هنا اوعدني ترجع نمشي على طول
صابر: اوعدك ارجع نمشي على طول
سيد: صابر اوعا تعمل مشاكل تاني ارحم البت دي عيش حياتك بقا يا أخي كفايه صياعه
صابر: خلاص ياعم صابر أنا مبقيتش حابب اصلا جو القلق اللي أنا في ده خلاص وعد مني قدمكو وقصاد ربنا قبلكم اني مش هرجع السكه دي تاني
سيد: وأنا مصدقك اشوف وشك على خير يا خارسه ( وحضن صابر )
صابر: اشوفك على خير يا راجل يا عجوز
سيد : ياله سلام
ملك : سلام يا عم سيد
ملك : رايح فين يا صابر
صابر: مش قولت مشوار وراجع
ملك : ماشي وغلوتي عندك بلاش تعمل في المشوار ده حاجه نندم عليها
صابر: لا وغلوتك مش هعمل حاجه أنا خارج
في مكان آخر
اسماعيل: عملت اي معاه
سيد : خلاص وافق يخرج من المنطقة
اسماعيل: الحمد لله أنا مش بكرهه صابر بس خلاص صابر بقا اكبر مصدر إزعاج للدايره كلها
سيد : اهو الكل ارتاح منه وبرضوا لو مكنش محمد بيه حط الخارسه في دماغه مكنش حصل
اسماعيل: خلاص يا سيد محمد بيه جديد وميعرفش حاجه عن المنطقه واللي حصل كان هيحصل كده كده أنسا
سيد : اقولك على حاجه صابر مش هيسيبه علشان هو عمل في حاجه عمرها ما حصلت مع صابر غير أنه قل منه ده طلعه بره منطقته اللي جه عليها وهو عيل عنده ١٦ سنه
اسماعيل: خلاص يا سيد صابر ماشي وسيب كل حاجه هنا مفتكرش أنه ناوي شر لأي حد
في جانب آخر بعد الساعة ١١ بليل
محمد بيه: ( نزل ركب عربيته متجه إلى منزله لقي ظرف عليه دم فتحه لقي في صور ل منزله وفي سلاح أبيض ومكتوب في
وعدتك اخر عشر سنين من عمري يخصوك صابر الخارسه لو قال وعد مبيرجعش في أنا خارج من الدايره لو ربنا قبل توبتي وليك عمر يبقا الخارسه مسامح في حقه محصلش ولف العمر والخارسه رجع يبقا اخر نفس هتخده مع دقه رجلي في المنطقة يعني يوم ما تسمع أسمي قول الشهاده)
محمد بيه: ( حس بالرعب نزل من العربيه يتلفت حوليه مش لاقي حد رفع تليفونه بكل رعب )
محمد: أميره انتي كويسه والبنت كويسه
أميره: اه مالك يا محمد في اي
محمد: اقفلي الباب عليكي متفتحيش لحد واي حاجه تحصل غلط اتصلي بيا
اميره: محمد في اي
محمد: مفيش حاجه سلام دلوقتي
محمد بيه: ( راح على مكتب اسماعيل بيه ودخل مره واحده)
محمد: أتفرج يا اسماعيل بيه
اسماعيل: اي ده
محمد: الود الصايع بيهددني وبعتلي صور للبيت عندي ومغرق الظرف دم
اسماعيل: رايح فين
محمد: هراجع كاميرات المراقبة اعرف الكلب ده دخل عربيتي اذاي
اسماعيل: قولتلك يا محمد بيه قولتلك
محمد: ويمين الله آخره على ايدي راجع يابني الكاميرات اللي في الاتجاه ده
اسماعيل بيه: ( نجيب الكاميرات كده نجبها كده مفيش اي حاجه صابر مكنش موجود في الشارع أصلا ولا راح ناحيه العربيه باب العربية اتفتح اه وفي حد مد ايده فيها بس وشه مش باين محدش عارف مين ده )
محمد بيه: سيد عايز ميكروباص حالا عندنا نازله
سيد: حاضر يا محمد بيه ثواني
محمد: أنا لسه هستنا أنا نازل معاك ياله
سيد : ( لميت اسرع حمله حصلت في تاريخ القسم كنت بدعي ربنا يكون صابر بره المنطقة وسمع الكلام)
محمد بيه: هو ده بيته
سيد : اه
سيد: ( منظر محمد بيه ورفعه سلاحه بتقول أنه لو شاف صابر جوه هيضربه بالنار ضرب الباب بالرجل ودخل مكنش في حد في البيت كان في ورقه علي التربيزه مكتوب عليها من بره خاص محمد بيه فتحها لقي مكتوب فيها
قولتلك يا محمد بيه الخارسه أد اي كلمه بيقولها وأنا قولتلك خارج بره المنطقة جاي ليه استمتع بحياتك انتا لسه ليك عمر )
محمد بيه: أنا عايز كل يوم حمله تنزل على البيت هنا وعلي اي مكان الواد ده بيروح في لحد ما يقع تحت أيدي سامعين ولا لا
عم سيد والامناء: اه سامعين يا محمد بيه
في جانب آخر
ملك : زعلان يا صابر
صابر: مش عارف
ملك : خايف
صابر: يعني اي خايف
ملك : عمرك ما حسيت انك خايف يا صابر
صابر: هتصدقي
ملك : طبعاً انتي مش بتكدب ابدا يا صابر
صابر: أنا معرفتش الخوف إلا بعد ما دخلتي حياتي وبقيتي جزء مني
ملك : نفسي ربنا يقبل منك التوبه وتتغير يا صابر بجد
صابر: وغلوتك عندي حتا لو الدنيا جت عليا مش هرجع خطوه للي كنت في أنا كده مرتاح
ملك : بقولك اي تعاله نشوف أسم تاني ليك غير إسم صابر الخرسه
صابر: كمان هههههههههههه
ملك : اه طبعاً
صابر: اي هتسميني اي هيثم
ملك : لا سامح
صابر: اشمعنا
ملك : علشان تبقا متسامح مع الناس كلها أن شاء الله واللي جاي يبقا غير اللي راح يا سامح
صابر: طب و الخارسه
ملك : مفيش خرسه من النهارده سامح بس
صابر: طب ده ازاي بس يا بت
ملك : انا هخليك تاخد عليه يا سامح
صابر: خلاص يبقا سامح هههههههههههه
ملك : عارف يا صابر نفسي ربنا يكرمني ب حتت عيل منك
صابر: خليها على الله يا ملك محدش عارف بكره شايل اي
في جانب آخر
محمد بيه: ( طلب من عم سيد ملف صابر الخرسه للمره الثانيه)
عم سيد: أتفضل يا محمد بيه
محمد: أنا ملاحظ أن الود بيحبك يا عم سيد
سيد : يا محمد بيه صابر مفيش حد في القسم كله مش بيحبه حتا عصام بيه بس سبب خلاف عصام بيه مع صابر أنه كان عايز صابر يشتغل معاه وصابر رفض
محمد: مرشد يعني
سيد: بالظبط كده
محمد: بس أنا في حاجه مش فهمها هو اذاي الود اتسجن ٢١ سنه متقطعة على فترات ومع ذالك الود مفيش في خربوش أنا كنت متوقع لما تجيبه وتدخل بي هشوف واحد مش نافع
سيد : لأ خالص ولا حتا علي جسمه دق ولا اي حاجه
محمد: ايوه بس المساجين و المسجلين لازم تلاقي العيل منهم مش نافع ده لو مش متعور بيفرتك نفسه
سيد: صابر الخرسه غير اي مسجل حضرتك ممكن تكون اتعملت معاه بس حضرتك مخدتش فرصه تفهمه
محمد: طب قولي يا عم سيد الود ده دماغه تجيبه يأذي أطفال حريم
سيد: صابر لا يمكن الود ده رغم أن قلبه من حديد ودماغه فالته بس عمره ما عمل حوار وكان الطرف التاني منه حريم أو أطفال
محمد: أتفضل انتا طيب يا عم سيد الوقتي
سيد : بعد اذن حضرتك
في جانب آخر
صابر : اي المنطقه دي يابنتي دنتي لو عوزاني اتحبس رسمي مش هتجبيني هنا
ملك : لا ياسامح إحنا خدنا عهد ملناش دعوه بالمنطقة ولا الناس اللي فيها إحنا مع بعض وبس
صابر: ماشي
صابر: ( عدا علينا في المنطقة اكتر من سبعه شهور محدش شاف مني حاجه وحشه بالعكس كنت محترم مع الجميع محدش هنا يعرف صابر الخرسه المنطقة كلها تعرف اني اسمي سامح الحمد لله ربنا كرمني اشتغلت سواق خاص عند ناس محترمه و كويسه جدا وكمان ملك حامل في شهر كل حاجه بقيت تاخد مكانها الطبيعي فعلاً مفيش حاجه أحسن من الحلال ولا المشي العدل )
(خناقه بين اتنين في الشارع تحت بيت صابر وكان صابر راجع من الشغل في دخلت البوكس خد كل الموجودين في الشارع من ضمنهم كان صابر )
ظابط المباحث: خدلي العيال دي كلها يابني على الحجز
الأمين: تمام يا احمد بيه
صابر: احمد بيه أنا مش طرف أنا لسه راجع من الشغل وطالع البيت لقيت الأمين وقفني وركبني مع الرجاله
أحمد بيه: انتا اسمك اي ياض
صابر : أنا
احمد بيه : مترود بروح امك اي مش فاكر اسمك
صابر: اسمي سامح يابيه
احمد بيه : يا أمين خالد طلعلي كل اللي ف جيب الود ده على مكتبي
صابر: ليه بس كده يا بيه
أحمد بيه : ليه معاك حاجه خايف منها
صابر : لأ أنا هطلع اللي في جيبي محدش يمد ايده بعد اذن حضرتك ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
