رواية احبنى شيطان الفصل الثانى بقلم محمود حمدى
بحب لسانك
كم اتمنى قطعه
*****
طلع محمود بعد ما قفل الورشة..دخل الشقة
-خلصتى الغدا يا اما..عاوز اكل و انام شوية قبل ما انزل تانى الورشة
صوت امه من المطبخ:
-ايوة خلاص..و النبى يا حودة شوفلى البت مروة فين
-يادى هبابة
فتح الاوضة
لقى هرم مبنى باللحاف فوق السرير
-بتعملى اية يا هبلة انتى
من تحت اللحاف
-نايمة
-و فى حد ينام قاعد كدة..اوسرة..شوفى امك..لخصى..عاوز اتغدى
يمشى
ترفع مروة الغطا
تتلفت فى خوف
و تلمح اللاب توب و هو مقفول على التربيزة
تتنهدى.اوف
اما حتت مقلب..لعب باعصابى ابن اللذين..قال شيطان قال
" تقول لنفسها "
*********
خلصنا الغدا و محمود قام ينام و امى قالتلى:
-ع المواعين يا حيلتها
-بس انا.......
-مابسش مش كفاية هربتى منى ف عمل الملوخية
قمت
دة ظلم دة
كل ما افتكر اللى حصل فى الحمام مع الصنبور
بس انا عارفة ان الصنبور دة مفوت اكيد صدفة
رجعت زى العبيطة من كتر خوفى قفلت اللاب و استخبيت تحت اللحاف
هو فى شياطين بتطلع بالنهار كدة
و تكلم الناس عينى عنك
اكيد اتجننت
اوف.اخر حلة . اتنهدت
انشف ايدى
امسك الموبايل
حمادة مرنش و لا حتى رسالة
يخربيت العربية اللى واكلة دماغة
كدة يا حمادة العربية اهم منى
رجعت اوضتى. امى نامت هى كمان
اتاوب
اقعد
امد ايدى افتح اللاب مترددة
خايفة الصراحة
اية اللى انا بعمله دة..اكيد دة مقلب
اشغل اللاب..صفحة الفيس مفتوحة لسة..كل حاجة طبيعيه
فتحت الشات الرسايل زى ما هى من ( ملاك الظلام )
نفسيتى هديت كتير بعد ما قلبت شوية فى الفيس و كلمت صحباتى البت عبيرهتفوت عليا ننزل شوية بالليل عوزة اصور فديو جديد لصفحة اليوتيوب بتاعتى
ياة دماغى تقيلة الفتة و اللحمة و الملوخية عملوا شغل عوزة انام
****
بحلم..
كأنى ماشية فى حديقة الازهر و ماسكة الموبايل و بصور الورد و الزهور..نفس المكان اللى قابلت فية حمادة اول مرة
عارفة انى بحلم
اول مرة من اول الحلم احس بيه كدة انه حلم
يعنى غريبة صح اكيد الغدا التقيل هو السبب
شفته
حمادة جاى عليا
ياه زى زمان
مبتسم اوى سنانه البيضا بتضوى..ابن ناس بصحيح
بسرعه معرفش ازاى يمكن علشان حلم لقيتنى ساندة بضهرى على شجرة
و حمادة بيهاجمنى
مرمر..حبيبتى..وحشتينى اوى
عاوز يبوسنى
معرفش بس حسيتة مش هو..مش حمادة..دة حلمى..و بالرغم من كدة دى مش تصرفاته..
زقيته :
-مالك يا حمادة بتعمل كدة لية
وحشانى فاض بيا
و فعلا باسنى من دقنى و...
زقيته ..غريبة حسيت فعلا بانى بزقة حلم غريب اوى كانه واقع
و شتمته
انت زبالة انت فاكرنى رخيصة زى البنات اللى تعرفهم قبلى
لسانك سافل
بحب لسانك
كم اتمنى قطعه
يا نهار اسود دة بيتكلم زى المجنون اللى مسمى نفسة ملاك الظلام
وشة
وشة بيسيح
ملامحة بدوب
لالالالالا صحونى عوزة اصحى
و طلعت اجرى زى المجنونة
الحلم مش عاوز يخلص لييييييييييييه!!!!!!!
*****
لفيت
قصادى باب الخروج
و بوم
خبطت فية
من غير ملامح
جه قصادى من العدم
ماهو حلم لا دة كابوس
مسكنى من كتافى بغل
و ضغط جامد
جتلك فى شكل الحشرة اللى بتحبية
و برضوا مش عجبك
انا مستلطفك من زمان
من ساعة ما وقعت عنيا عليكى
و انتى بتقفى قصاد المرايا
و ف الحمام
و ف الصور
صرخت:
-انت مجنون مختل سيبنى سيبنى اوعى بعيد
*****
ديييييييب
وقعت من فوق السرير
محمود كان معدى قصاد باب الاوضة
ضحك:
-عيلة و الله لسة بتقعى من فوق السرير و انتى نايمة قومى يالا اعمليلى كوباية شاى عاوز انزل
و من الشارع سامعه صوت اذان المغرب
اتعدلت على الارض
نزلت زرع بصل و اللحاف معايا
قمت
رفعت اللحاف
حسيت بوجع على كتافى الاتنين
قربت من المرايا
و رفعت الكم
يانهار
كل كتف علية علامة صوابع حمرا
نتيجة الضغط عليهم جامد
هو فى اية
!!!!
(تتبع)
بدل ماتدور وتبحث علي الروايات خليها علي تليفونك وحمل تطبيقنا
