روايه وش تاني الفصل السابع عشر بقلم ليل ادم
مي: طب هو الدكتور أيمن لحق يعرف اي عني علشان يحبني أو يطلب أيدي كمان
محمود: انتي اعتراضك على اي علشان أفهم
مي: الطريقة مش اكتر
محمود: الطريقة الراجل جاي البيت من بابه تقوليلي طريقه
مي: ايو يا بابا بس هوا شاف اي في مي مشفش منه في البنات اللي عرفها طول حياته
محمود: لأ دي بقا ممكن تتكلمي فيها معاه أنا هكون راجل فير معاكي ومتفتح كمان
أنا هكلمه يجي يتغدا بكره معانا وتقعدي تتكلمي معاه لوحديكم ارتحتي خير مرتحتيش ولا كأنه جه ولا حصل اي حاجه
مي: هيا فكره بس هل لو قولت لأ أميره هتسكت انتا بتتكلم في دكتور يعني أول كلامه هتقولها هيا في واحده ترفض دكتور وتعمل مصيبه
محمود: هههههههههههه لأ ملكيش دعوه دي سبيها عندي وبعدين يا عمري انا مش هرميكي والله لو سفير وانتي مش عايزه ولا يفرقلي حاجه أنا عايز اي غير انك تكوني مرتاحه وحبا الشخص اللي هتكملي معاه باقي عمرك
مي: اكتر حاجه بترعبني يا بابا هيا الفكره دي فكره اني هسيبك وهسيب ماما وأحمد واروح اعيش مع راجل في بيته ياعالم ممكن يكون كويس ولا مش كويس فكره انك تنقي انسان يقسم معاك باقي حياتك دي لوحدها ترعب اي حد
محمود: مش هقولك بقا كلام أكلاشيهات عفا عليه الزمان وفتره الخطوبه والكلام ده بس اول حاجه هل نخاف وبلاش نتجوز ونكمل باقي عمرنا كده
مي: اكيد طبعا لا بس خيفا برضوه
محمود: يا حبيبتي أنا عايزك تتعملي طول فتره الخطوبه طبيعي جدا جدا علشان عيوبك تبان قصاده وعيوبه كمان تبان قصادك والله قادر يتخطى العيوب دي وشوف فيكي الخير والعكس صحيح انتي كمان شفتي فيه الخير يبقا اي يمنع
مي: بس يابابا قدر بعد سنه او اتنين خطوبه وعيوبه كتير وخلاص جبت اخري أنا بنت والحاجات دى بتأثر على حياة اي بنت والكلام عليها بيكون اكتر
محمود: يعني علشان كلام الناس والخوف أكمل حياتي مع انسان مش حبا اعيش معاه لا طبعاً هكون بظلمه قبل ما بظلم نفسي
مي: طب لو أنا عملت كده هتقبل
محمود: هعمل قعده معاكي اسمع منك ولو فعلاً كلامك مقنع يبقا كل واحد يروح في حاله طبعاً
مي: عيني ف عينك كده
محمود: هههههههههههه تعالي اقعدي ( وخبط على رجله في إشارة لطلب منه أن مي تقعد على رجله ) انتي عندك شك واحد بس اني عندي حاجه اهم منكم انتوا التلاته
مي: لا طبعاً يا حبيبي
محمود: وغلوتك عندي ما عايز الا اني اشوفك أسعد واحده في العالم كله
مي: ربنا يخليك لينا يارب يا حبيبي
محمود: ويخليكي ليا يارب يعني اكلم الراجل يجي بكره
مي: اللي حضرتك تشوفه
محمود: طب ياله بقا روحي نامي علشان عايز ادخل ل اخوكي
مي : حاضر تصبح على خير
محمود: وانتي من اهل الخير يا حبيبتي
في جانب آخر ❤️👇
أحمد: مين
محمود: أنا يا صايع انتا
أحمد: أتفضل ادخل يا بابا
محمود: ( فتح الباب ودخل ) نمت ولا نتكلم شويه
أحمد: لأ كنت بلعب في التليفون ولو نمت اصحالك يا صحبي
محمود: هههههههههههه ماشي يا عم
أحمد: الزيارة دي مش من فراغ قولي في حاجه ولا هتنام جمبي
محمود: الاتنين
أحمد: طب الأول قولي مالك وبعدين هطلب منك طلب
محمود: ماشي يا عم هقولك
أحمد: قول
محمود: الوقتي اختك جاي ليها عريس أو تقدر تقول في واحد جاي بكره أن شاء الله يقعد معانا ولو اختك وفقت عليه يبقا تمام محصلش نصيب يبقا مفيش حاجه وننسا القصه
أحمد: اعرفه أنا العريس ده
محمود: مش اوي ممكن تعرفه ك شكل بس
أحمد: مين ده
محمود: الدكتور أيمن
أحمد: دكتور كمان دي ولعه معاكم بقا هههههههههههه
محمود: هتضحك وتقلب الكلام هزار هندم اني عملتك راجل ودخلت اتكلم معاك
أحمد: لا ياعم بهزر معاك كمل بس استنا مين ايمن ده
محمود: شوفت الدكتور اللي كان مع أميره في المستشفى
أحمد: اه
محمود: هو ده
أحمد: بيني وبينك هو محترم وكفايه أنه دخل البيت من بابه بس انتا مش شايف أن القصه غريبه شويه
محمود: غريبه في اي
أحمد : يعني من يومين طلب أيدها ع طول
محمود: اهو بقا حكمه ربك هنعمل اي نقوله لأ ونطرده من بره بره ولا ياخد فرصته
أحمد: أكيد لا مفيش حد يقابل طلب ذاي ده بالاسلوب ده بس هو مثلا اتكلم مع مي الأول حصل بينهم حوار
محمود: لأ
أحمد: يعني اتكلم معاك وهو أصلا مكنش يعرف هيا مخطوبه مرتبطه اي حاجه
محمود: اي مرتبطه دي يا حمار انتا
أحمد: مش القصد والله بس المفروض الواحد بيسأل أبل م يدخل البيت يعرف البنت دي دنيتها اي
محمود: اهو بقا شكله كده ملهوش في الصياعه ذايك يا صايع انتا
أحمد : على العموم ربنا يقدم اللي في الخير
محمود: وسع بقا علشان هنام جمبك
أحمد: على فين مش قولتلك في طلب ولا اي
محمود: قول ياعم اللمض
أحمد: كفايه كده على أميره علشان خطري والله هيا عرفه غلطتها وندمت عليها
محمود: أحمد ممكن بلاش كلام في الموضوع ده علشان خطري أنا
باب الأوضه بيخبط ❤️👇
أحمد: مين
اميره : أنا
أحمد: جالك الموت يا تارك الصلاه هههههههههههه
أحمد: ادخلي يا ماما
أميره: محمود بعد اذنك عايزك بره شويه ممكن
محمود: في حاجه يا اميره
اميره: اه معلش
محمود: حاضر اتفضلي
أميره: علشان خطري ادخل نام في اوضتك أنا هنام جمب مي بس حرام انتا محتاج ترتاح
محمود: لأ أنا هنام هنا ادخلي انتي انتي تعبانه
أميره : علشان خطري ادخل اوضتك مش عارفه انام والله فيها بقالي يومين
محمود: اميره علشان خطري بلاش تصعبيها اكتر من كده
اميره: ( مسكت أيد محمود وبدأت تبكي ) علشان خطري خليك جمبي محتاجك اوي
محمود : ( حس بضعف أميره ) ادخلي يا اميره بس أنا هنام على الكنبه يا الأرض بعد اذنك ممكن
أميره:: لأ أنا اللي هنام ع الأرض
محمود: لأ خلاص مش داخل
أميره: خلاص خلاص تعاله
محمود: اتفضلي ادخلي
محمود ؛: ( دخلت الاوضه نمت على الكنبه اللي في وش السرير بقيت حاسس ب أيد أميره كل شويه تيجي تحطها على راسي وترجع تنام تاني ع السرير فضلت كده لحد ما روحت في النوم خالص ولما صحيت لقيت أميره ماسكه أيدي وكانت قعده على الأرض ونايمه جمب مني )
محمود: أميره
اميره : ها اي اجهز الفطار تفطر
محمود: انتي نائمه كده ليه
اميره: مفيش حاجه عادي
محمود: لأ في ما السرير فاضي أهو كده جسمك يوجعك
أميره: كنت محتاجه احس انك جمبي وكنت خايفه اقولك تعاله نام جمبي تخرج بره وتسبني لوحدي تاني
محمود ؛: ( انكسار أميره خلق جويا شعور بالرحمه حاجه بتقولي كفايه كده انتا محتاج تثبت أنها بتحبك اكتر من كده اي ) طب قومي طيب
اميره : اي
محمود: لا قومي مينفعش تقعدي تحت رجلي كده
اميره: والله يا محمود أنا لو أطول اقعد تحت رجليك طول عمري ما هزهق بس تسامحني ومتبعدش عني
محمود: لأ مهما كان انتي كرمتك من كرامتي مينفعش اقبل عليكي كده قومي ياله
أميره: ( قامت وقفت على ركبتها بين رجل محمود وحضنته جامد جدا)
محمود: ( ابتسم ل اميره وأيده عايزه تتحرك تجاه أميره وعقله مانع ولسان حاله بيقول لو مشدتش عليها هتعمل كده تاني ) ❤️❤️
بدل ماتدور وتبحث علي الروايات خليها علي تليفونك وحمل تطبيقنا
