رواية وش تانى الفصل الرابع عشر بقلم ليل ادم
مي: دكتور أنا ممكن ادخل اشوف ماما أمتي
الدكتور: لا خلاص الحمد لله بقيت أحسن الوقتي وممكن اكتبلها على خروج بليل كمان
مي: الحمد لله شكرا لذوقك يا دكتور
الدكتور: انتي مفيش معاكي حد من امبارح انتي اكلتي حاجه طيب
مي: لأ أنا تمام وبابا واخويا في الطريق وجاين الحمد لله
الدكتور: طب اتفضلي طيب أنا عندي بريك الوقتي تعالي اتغدي معايا
مي: مش هقدر والله شكرا لذوقك
الدكتور: على اي بس طب لو احتجتي اي حاجه أنا في المكتب بتاعي اخر الممر ده
مي: خلاص ماشي الف شكر لحضرتك على اهتمامك
في جانب آخر 💐💐👇
كان وصل الأب و احمد
محمود : مي ماما مالها
مي: الحمد لله بقيت أحسن اي ده مالكم عاملين كده ليه
أحمد: كنا بنمثل فيلم الأرض بعيد عنك
محمود: ( بص ل احمد وضحك ) إحنا ف اي ولا ف اي يامنيل انتا
مي: صحيح مالكم بجد
محمود: بعدين يا مي المهم اي اللي حصل
مي: معرفش بس ماما اغما عليها مره واحده اصلا
أحمد: هيا كانت فين أبل م ترجع البيت
مي: كانت في الحسين رجعت كانت حاسه بهبوط علشان بقالها يومين ولا أكلت حاجه ولا شربت حاجه دخلت اعملها أكل خرجت لقيتها وقعه في الأرض اتصلت على الاسعاف لما محدش منكم رد عليا
محمود: طب الدكتور قال اي
مي: فقر دم وهبوط حاد بس كان معايا الوقتي وقالي الحمد لله بقيت تمام وممكن يكتب علي خروج كمان
أحمد: طب كويس يعني ممكن ندخل نشوفها
مي : مش عارفه بس ممكن نروح نسأله
أحمد : هوا في
مي : المكتب بتاعه اخر الممر ده
أحمد : خلاص تعالي نسأل
محمود: أنا جاي معاكم
أحمد: ياعم انتا مش زعلان منها خليك انتا هنا
محمود: يابني بطل لماضه بقا واسكت
مي : بس يا احمد بقا صحيح ياله نروح نسأل يا بابا
علي باب الدكتور واقفين محمود بيخبط
الدكتور: اتفضل
محمود: لو سمحت يا دكتور إحنا تبع الحاله اللي
الدكتور : اه عارفتكم من الانسه اللي معاكم
محمود: اه بنتي مي
الدكتور: اه اتفضل ااقدر اساعد حضرتك اذاي
محمود: هوا ينفع ندخل نشوفها ولا خطر عليها
الدكتور: اه طبعاً اتفضلوا مفيش مانع
محمود: ماشي شكراً يا دكتور
في جانب آخر ❤️👇
محمود: ياله خد اختك وادخل شوف امك واقعدو معاها شويه
أحمد: وانتا
محمود: لأ ياله ادخلوا انتوا
أحمد: ماشي
مي: بس اوعا تمشي يا بابا
محمود: يعني همشي واسيب امك كده وانتوا مش فاهمين حاجه
مي: معلش أنا أسفه
محمود: لا ياحبيبتي مفيش حاجه ادخلوا ياله
دخل احمد ومي غرفه أميره
أحمد: كده تخضينا عليكي كده
اميره: تعاله وحشتوني اوي
مي: وحشتيني حاسه اني بقالي سنه مشفتكيش
اميره: حقك عليا يا حبيبتي حقك عليا يا احمد أنا اللي عملت كده فيكم وفي ابوكم أنا اللي هديت بيتي بنفسي وبأيدي
أحمد: على فكره بابا بره
اميره: بجد
مي: اه والله بره
اميره: طول عمره قلبه طيب حتا وأنا كسره قلبه مبيعرفش يأسا ابدا ربنا يخليه لينا يارب و يرزقك ب راجل ذاي ابوكي كده يا مي
مي : هوا في ذاي بابا
اميره: للأسف عرفت متأخر
أحمد: طب أنا عندي خطه
اميره: اي
أحمد: نطلع نقوله كلم ماما عايزاك وانك تعبانه وكده وحولي تتكلمي معاه يمكن يلين معاكي
اميره: بس مش هيدخل
مي: لأ دي بتعتنا إحنا بقا معلش
أميره: ياريت تعرفوا
أحمد: طب ياله يا مي
في جانب آخر 💐🤍👇
أحمد: مي اعملي نفسك حزينه ومتأثره عايز بابا يشوفك يتخض
مي: ياعم اعيط لو عايز
أحمد: لا كفايه نكد انتي اصلا لما بتصدقي تعيطي
محمود: مالكم انتوا الاتنين في اي
أحمد: تعبانه اوي ربنا يستر
محمود: مش الدكتور قال إنها تمام
مي: ادخل بقا قولها تسكت عماله تعيط وتوصينا على بعض
محمود: توصيكم على بعض دي كلها على بعضها ٣٢ سنه
أحمد: بتقولك علشان خطري سامحني علشان لو حصلي حاجه اكون مرتاحه
محمود: اي ده هوا في اي
مي: ماما صعبانه عليا اوي هيا اه غلطت بس اتعذبت اوي
أحمد: اه أول مره تشوفها احس انها فعلاً حزينه بجد أنا خايف عليها اوي والله تحس ان كلامها كلام فراق بجد
محمود: ل تعمل في نفسها حاجه مكنتوش سبتوها لوحدها
أحمد: قالت مش عايزه حد معاها وطلعتنا بره
محمود: ليه
مي : والله م أعرف بس هيا اكتر حاجه قالتها خلي ابوكم يسامحني وميزعلش مني أنا مستهلش محمود أصلا ودعتلي ربنا يكرمني ب راجل ذايك
محمود : خليكم ادخل ابوص عليها
مي : بالله عليك بلاش تزعقلها علشان تعبانه اوي
أحمد: اه يابا خلي كل حاجه بعد ما نطمن عليها
محمود: خلاص ماشي
محمود: ( وقف علي الباب عايز اخبط وحاسس أن في حته في قلبي كبيره وجعاني منها مش عايز اهدم بيتي بس مش عارف أكمل في اذاي وهل اللي حصل ممكن يحصل تاني اللي خان مره يخون ألف مره مش عارف اعمل اي وف عز تفكيري سمعت صوت أميره من جوه بتقولي محمود انتا وقف علي الباب وأنا معملتش اي حاجه ولا خبط حتا )
محمود: اه
اميره: تعاله اقولك حاجه بعد اذنك
محمود: عايزه اي يا اميره
الفصل الخامس عشر من هنا
بدل ماتدور وتبحث علي الروايات خليها علي تليفونك وحمل تطبيقنا
