رواية فيروس الفصل العاشر و الاخيربقلم ليل
انتها الجزء التاسع على خيانه من احمد ومحمد بيه ل صابر ونصب كمين لوقوع صابر متلبس ب بضاعه المعلم سالم
صابر : ( بمجرد نزولي من العربيه كانت وصلت مكالمه من عم سيد قدرت افتح قبل ما التليفون يتاخد مني ) ألو
عم سيد: حصل يا صابر
صابر: تمام سلام انتا
طلعت فعلاً من العربيه اكياس المخدرات وتم القبض على صابر والمعلم سالم وقبل مغادرة مكان الوقعه كان عصام بيه وصل وتم القبض على محمد بيه وأحمد بيه لحيازه كلا منهم خمسه كيلو من المخدر
صابر: مش قولتلك يا محمد بيه وجودي في دماغك هيدمر دماغك
محمد بيه: ياض أنا كده كده طالع بس انتا مش طالع لو الدنيا اتقلبت
صابر : وحياتك عندي ما حد طالع منها غيري وبكره تشوفوا
وبعد الترحيل الي النيابة تم الحكم علي الجميع أربع ايام على ذمه التحقيقات
المعلم سالم: وبعدين يا صابر اخرتها اي
صابر : حبل المشنقه يا معلم هيا دي عايزه سؤال
المعلم سالم: ينهار اسود مفيش اي حل
صابر: ( كنت بضغط على المعلم سالم بكل الطرق علشان تيجي منه وفعلاً حصل ده وكل شيئ ماشي زاي ما خطت ليه )
صابر: في حل بس المبلغ اكبر مما تتخيل
المعلم سالم: حل اي قولي وأنا اتصرف
صابر : أنا عارف واحد ليه أصحابه في الطب الشرعي لو قفشوا ممكن يخلو البودره ماده ونطلع منها الجلسه الجايه كمان
المعلم سالم: ( بفرحه كبيره ) طب ومستني اي متكلمه
صابر: أكلمه يعني
المعلم سالم: اه طبعاً
صابر: ( التليفون لما بنزل نيابه بيكون في الحجز استنيت لحد ما رجعت من النيابه وخدت التليفون) خليك جمبي علشان تسمع الكلام يا معلم
سالم: مش محتاج اسمع أنا ضمنك يا صابر بس بسرعه اتصل
صابر :: ماشي ثواني بتصل
صابر : ألو كارم
كارم : مين معايا
صابر: أنا صابر الخرسه يا كارم
كارم: يابني اختفيت فين أنا خلصت المصلحة اللي سبتها معايا
صابر: علي كام
كارم : ٢٠
صابر : الله اكبر طب قولي اصحابك بتوع المعمل الجنائي لسه موجودين
كارم : معمل جنائي اي
صابر : طب كويس أنهم موجودين علشان عايزك في مصلحة
كارم : مصلحة اي ومعمل جنائي اي صابر أنا كارم المجنون
صابر : منا عارف بس اسمع أنا اتخدت ومعايا ٣٠ كيلو بودره عاوز التحليل بتاعهم يطلع اي حاجه أن شالله بودره تلج
كارم : صابر أنا مش فاهم حاجه
صابر: اه بالله عليك ياسطا عشر دقائق وهكلمك قولي عايزين مني كام والموضوع ده ينتهي
كارم: ( فهمت متأخر أن صابر بيعمل حوار على حد بقيت ماشي معاه في الكلام)
صابر: ايوه الله ينور عليك خليك على كده معايا يا كارم اوعا تبيع اخوك
كارم: لالا رقبتي يا خرسه عيب عليك
صابر: سلام
المعلم سالم: قالك اي
صابر : عشر دقائق وهتصل بي قول يارب
المعلم سالم: بس اي موضوع أحمد بيه حافظ ده ولا مين محمد بيه ده كمان واي علاقتك معاهم والناس دي فعلاً ليها في القصه
صابر: هو انتا فاضي للكلام ده يا معلم خلينا في المصيبة اللي احنا فيها ( وبيتصل على كارم )
كارم: اي يا صابر
صابر : اي عملت اي
كارم : على الكيلو مليون يا صابر والله ده اخر كلام عندهم
صابر : لا ياعم اقفل اقفل إحنا نتشنق احلا سلام
المعلم سالم: في اي بس يا صابر قفلت مع الراجل ليه
صابر: ده بيستعبط يا عم كيلو اي اللي عليه مليون جنيه
المعلم سالم: ياخبر اسود وبعدين
صابر : ولا قبلين بقا اشوفك في الجحيم هيا تكه وتنتهي قوي قلبك علشان الاحمر جاي جاي
المعلم سالم: احمر اي لا ادفع ادفع
صابر : تدفع اي انتا معاك ٣٠ مليون يامعلم
سالم: هما مش في التحقيق قالو عشرين كيلو بس
صابر : ياعم ٣٠ أنا اللي ناقل بأيدي
سالم: ادفع برضوه
صابر : يا معلم دول بيخدو الأول فوق
سالم : اتصل على صحبك ده
صابر : ماشي ثواني
كارم: اي يا خرسه
صابر : موفقين
كارم : الفلوس توصل النهارده علشان الدنيا تمشي اسرع
صابر : اي يا معلم
سالم : خلي يروح البيت وانا هتصرف بس هيقعد معاهم لحد المغرب بالكتير تكون الفلوس كلها كامله
كارم: ٣٠ مليون
صابر : ياعم عرفنا دنتا عيل متتعشرش
كارم: العنوان اي
صابر : خود -------------------------
كارم: سلام ( الوقتي بس عرفت ليه صابر كان عاوز يبدل البودره ب ماده متتعرفش أنها مش بودره إلا قبل اسبوع يابن اللعيبه يا خرسه )
صابر : خود كلم البيت بقا وأكد عليهم وتابع مع الناس علشان عندي مشوار أنا
المعلم سالم: رايح فين
صابر : لحد الاوضه التالته وجي
صابر : يا أمين خالد
الأمين: اي يا صابر
صابر : عايز ادخل الاوضه التالته
الأمين : اللي انتا عايزه في التحفظي ونازل بعد الطبور
صابر: ينزل على هنا
الأمين: صابر عصام بيه موصي عليك اوي بلاش مشاكل
صابر : أنا المشاكل يا عم خالد لو محدش منهم جالي هنا الحجز كله مش هينام أنا كده كده هلبس احمر ومش فارقه معايا اخد اي حد في سكتي
الأمين: خلاص ياصابر هنزلهم عندك بس اسكت
صابر : اهو ( وحط ايده علي بوقه )
وعلي منتصف الليل كان فعلا محمد بيه وأحمد بيه عند صابر في الحجز
صابر : ( قام وقف قصاد الباب استلم المستجدين ) نورتو الحجز يا بشوات اعرفكم ب نفسي انا صابر الخرسه ابن الحرام العقباوي تربيه الإصلاحية أنا الكبوس اللي عمر ما حد منكم فكر في ( وراح قصاد احمد بيه ) مش كنت عاوز تعرف الخرسه تبقا امي ولا مين حالا تعرف ( وشد احمد بيه من رقبته )
أحمد بيه: خلاص ياصابر حقك عليا معلش
صابر : علي الدره ( الدره تبقا حمامات الحجز ) لو شوفتك براها هقطع وشك ( لف وشه تجاه محمد بيه) اتكيفت
محمد بيه: فعلاً ابن حرام
صابر. : جمب اخوك في الدره
محمد بيه: ( بص ل صابر بكل غلا )
صابر : اي في حاجه ياروح امك
محمد بيه: لا مفيش
رجع صابر قعد مكانه
المعلم سالم: الفلوس مع صحبك يا صابر
صابر : احسن برضوه استنا كده خود ياض انتا وهو ( علي احمد بيه ومحمد بيه )
أحمد بيه: اي ياصابر
صابر : انتو مش حمل الدره تعاله انتا كمان اقعد جمبنا يمكن اكسب ثواب فيكم
أحمد بيه: زاي ما رمتنا طلعنا منها
صابر : معايا واحد في الطب الشرعي لسه مكلمينه خد مننا ٣٠ مليون الكيلو عليه مليون وهيقول على البودره ماده اي جاي منكم
أحمد بيه: ينهار اسود يعني عاوز مننا ١٠ مليون
صابر : لو مش عاوزين خلاص
محمد بيه: أنا معايا تلاته مليون أول عن اخر
أحمد بيه: وانتا ليه عايز تساعد منتا ممكن تاخد الفلوس وتخلع
صابر : صح ارجع بقا على الدره
محمد بيه: ما فعلاً اي يضمن انك مش بتضحك علينا
صابر : أنا كنت عاوز افصلكم بس من الشغل وعملت ده وكده كده أنا هخرج من هنا محدش هيلمح طرفي يعني سوء خرجت انتا وهوا أو لأ ولا يفرقلي
أحمد بيه: طب أنا ومحمد معانا سبعه مليون والله ما في جنيه تاني
صابر : استنوا كده
أحمد بيه: بيعمل اي
المعلم سالم: سيبه بقا بيكلم الراجل
صابر: اكارم
كارم : اي يا صابر
صابر : بقولك اي في كمان عشره كيلو بس والله ما في معاهم إلا سبعه مليون مفيش جنيه تاني
كارم : لا صعب اوي يا صابر منتا عارف
أحمد بيه: قولو ممكن امضي وصل لحد ما اطلع
صابر : ها قولت اي
كارم: هشوف وهقولك
صابر : كارم منتا لسه واخد تلاتين يعني مشي الدنيا ياعم في اي
كارم: خلاص أنا هتصرف يا صابر بس أنا عاوز الفلوس الوقتي يمكن لما ادخل بالمبلغ كامل تزغلال عينيهم والدنيا تمشي
صابر : اي يا بشوات
أحمد بيه: هات التليفون طيب
صابر : طب استنا هخليك تلم كله مره واحده وتمشي
كارم : تمام ماشي سلام ( يخربيت امك يا صابر دنتا فتشت البهوات كلهم هههههههههههه)
صابر. ؛ كل واحد فيكم ليه مكالمه بس اللي هتتصل بي خليه يبعت كارت شحن ب ١٠٠ جنيه ها
أحمد بيه: حاضر حاضر
صابر : وانتا كمان ياعم يابو عيون خضره
محمد بيه: ياعم ماشي
صابر : ( وفعلاً قدر كل واحد منهم يوصل اكبر مبلغ يقدر عليه ووصلت الفلوس ل كارم )
يوم نطق الحكم 👇
حكمت المحكمة علي صابر والمعلم سالم تبرئة الاتنين لعدم ثبوت حيازة ماده مخدره
فرح جدا محمد وأحمد بيه لأن كلام صابر طلع صح بس اتصدموا لما اتنطق عليهم الحكم وكل واحد منهم لبس ١٠ سنين
المعلم سالم: ( حضن صابر) مبروك يا صابر
صابر : الله يبارك فيك يا معلم
محمد بيه: ( جري علي صابر صابر قفشوا من رقبته وزنقو في حديد القفص وقاله ) مش قولتلك كده كده أنا خارج وعدتك ب اخر عشر سنين من عمري بس لقيت اليوم من عمري غالي عليك خليتك انتا تاخد العشر سنين مع نفسك ( ونده على احمد بيه) قضي المده على خير يمكن تخرج بدري ياض
وتم سحب كل واحد منهم سالم وصابر الي القسم وتم الإفراج عنهم بعد طبور العرض أما احمد بيه ومحمد بيه تم نقلهم إلى سجن وادي النطرون لقضاء المده
بعد خروج صابر كان في انتظاره كارم 👇
كارم: يابن اللعيبه هههههههههههه
صابر : معاك كان كده ياض
كارم : ٥٧ مليون جنيه
صابر : كده عنب اوي خود السبعه وهات الخمسين
كارم: حلو اوي كده بقا يا خرسه المبلغ ده لو عشنا عمر على عمرنا ما هنعمل نصه
صابر: خلست يا كارم من النهارده سامح مفيش خارسه تاني حد الله بيني وبين خطوه حرام تاني في حياتي
كارم: اشوف وشك على خير يا صابر
صابر : اشوفك على خير يا اخويا
كارم: صحيح هتعمل اي مع توفيق الصاوي
صابر : هو أنا مقولتلكش
كارم: لأ
صابر : أصله في مايو
كارم: اي ده ازاي
صابر : عصام بيه بعد ما قعدت معاه ونزلت اتصل بيا ورجعني وقالي هبعت معاك واحد من رجالتي يصور توفيق الصاوي وهو بيسلمك العربية انتا تخرج من هنا وهوا يتكلبش من هنا
كارم ؛ اي ده ما العربيه اتبدلت من بدره ل ماده
صابر : يا حمار دي عربيه بنفس النمر بنفس المواصفات واحده راحت مع عصام بيه والتانيه المفروض تروح علي المعلم سالم
كارم: انتا بقا قولت نعمل مصلحه وتبدل البضاعه ب ماده
صابر : الله ينور عليك
كارم ؛ طب وعصام بيه
صابر : ماله
كارم : ما كده بقا ليك عنده حق منتا خرجت سالم وهو مش عايز كده
صابر : هو أنا مقولتلكش برضوه
كارم: لا هههههههههههه
صابر : ما توفيق الصاوي طلع مش جدع واداني نص البضاعه مضروبه ياعم
كارم: يابن الجزمه وشربها
صابر. : وبلع وراها حبايه كمان هههههههههههه
كارم : علي حق يا خرسه
صابر : اشوفك بخير يا كارم
كارم: اشوفك بخير يا خرسه
وبعد ما مشي صابر ومعاه الفلوس اتصل على عم سيد
عم سيد: ألو
صابر : انتا فين يا راجل يا عجوز انتا
عم سيد: أنا قصادك بالعربيه اهو
صابر : مش قولتلك هتخلص متقلقش
عم سيد: حمدالله على السلامه يا خرسه
صابر : البت عملت اي
عم سيد: جابت أدهم يتربا في عزك يارب
صابر : شبهي ياعم سيد
عم سيد: نسخه منك يا خرسه
صابر : وديني بسرعه ياعم سيد نفسي اخد الواد وأمه في حضني
عم سيد: هههههههههههه ربنا يخليكو لبعض ياصابر
صابر. : عمري ما هنسا وقفتك جمبي يا راجل يا طيب انتا
عم سيد: أنا رايح خلاص يا صابر اوعا ترجع تاني للسكه دي علشان خطري اوعا ملك تندم انها سابت الدنيا كلها وجتلك يا صابر البت دي عملت علشانك كتير اوي اعمل علشانها انتا مره واحده يا صابر
صابر: خلاص ياعم سيد من النهارده مفيش صابر الخرسه من النهارده سامح سامح وبس
عم سيد: بمناسبة سامح دي أمسك
صابر : اي ده
عم سيد: خليت واحد حبيبي في السجل المدني عملك البطاقه دي سليمه متقلقش هههههههههههه
صابر: سامح محمد السيد
عم سيد: اه منا اسمي الحقيقي عمك محمد السيد
صابر: هههههههههههه كده بقيت سامح شرعي
عم سيد: ومفيش عليك حتا محضر مشاجره مش بلاوي زرقا
صابر: عوض ربنا حلو اوي بس لما تمسك على السليم مش معنا انك قولت اتوب وارجع والحياة عماله تتعك أن ربنا مقبلش التوبه بس لازم يكون في اختبارات ولو صمدت فيها وفضلت ماسك علي السليم ربنا هياخد أيدك ويحطك في المكان اللي انتا حابب تروح في بس انتا امسك علي السليم مهما كانت الدنيا صعبه
عم سيد: صح كده الله ينور عليك بس المهم اي تمسك على السليم يا سامح
سامح: اللي فات مات واللي جاي جاي يا عم سيد ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
تمت
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
