 |
رواية نهاية أحزاني الفصل العاشر بقلم عادل عبد اللهالشيخ قاله يا ابني انا مش هاخد فلوس ابدا ولا هطلب منكم انكم تصرفوا اي فلوس .انا مش نصاب يا ابني . شادي قاله اومال قصدك اي ان فك السحر ده مش سهل ؟ قاله اقصد انه هيحتاج جلسات قراءة قران كتير وسفر للمكان اللي السحر ده مدفون فيه .لان سحر يعيش الوقت ده كله اكيد مدفون تحت الارض . بابا وخالي وشادي رجعوا من عند الراجل ده علشان يطمنوا علي حالة اسماء . اول ما دخلوا وشوفت شادي بصيت في عنيه شوفت نظرة الحب اللي كنت بشوفها في عنيه قبل كده . شادي ابتسم وقالي ان فعلا كلام الشيخ مظبوط .سألته شيخ مين وكلام اي ؟ شادي قالي انهم راحوا لواحد شيخ وحكي لي كل اللي قاله الشيخ .وقالي في النهاية انه فعلا اول لما شافني دلوقتي حس ان حبي رجع في قلبه تاني .وانه عنده شعور كأنه كان مسافر ورجع لما السحر انفك . بابا فرح اوي ان انا وشادي رجعنا لبعض وقال لشادي خلي بالك منها وحطها في عينيك انتوا ملكوش الا بعض .وانه هيكون مطمن عليا وانا معاه . بعد ما شادي مشي كنت فرحانه اوي وقعدت اتكلمت انا وبابا .بعدها دخلت المطبخ اجهز الاكل ليا انا وبابا واخواتي . وانا في المطبخ الملعقة وقعت مني علي الارض . وطيت اجيب الملعقة من الارض لكن شوفت تحت الملعقة شكل مخيف علي الارض . الشكل عبارة عن ست شعرها طويل وماسكة في ايدها بنت صغيرة لكن كان شكلها بتصرخ .فعلا الشكل كان مفزع و حسيت اني اترعبت مش مصدقة عينيا اذغ كان حقيقي ولا تهيؤات . ناديت علي بابا علشان يشوف اللي انا شوفته . لكن بمجرد ما وصل الشكل اختفي . وحسيت اني برتعش جامد وبعدها مش حسيت بأي حاجة . لما فوقت من الغيبوبة كنت مرعوبة جدا وخايفة بشكل اول مرة احس به . مرت عليا ايام كانت صعبة اوي .الخوف مش فارقني لحظة واحدة .كنت بخاف من كل حاجة حواليا والرعب في اي حاجة اي صوت يفزعني واصرخ .اي حاجة بشوفها بترعب منها واصرخ . شادي قال لازم نتصرف علشان شيرين تخف .انا مش هسيبها تضيع مني . كانوا خايفين اني اكون اتجننت واموت زي ماما وخالتي وجدتي .خصوصا ان اسماء اختي كانت لسه تعبانه . شادي وبابا وخالي راحوا للشيخ وجي معاهم البيت وفضل يقرا قران كتير . الشيخ قال ان السحر مدفون في مقابر . راحوا كلهم للمقابر و خرجوا السحر فعلا وكان واضح عليه انه اندفن في المكان ده من عشرات السنين . الشيخ بعدها ابطل مفعول السحر .وبعدها انا رجعت لطبيعتي واسماء اختي بردو خفت ورجعت طبيعية . قعدت مع اسماء لما خفت وقولتلها ان انا وشادي رجعنا لبعض علشان اشوف رد فعلها . اسماء قالتلي الف مبروك ربنا يتمم لكم علي خير .اتعجبت من رد فعلها . اتكلمت معاها وسألتها انتي مش زعلانه ؟ قالتلي لا انا عمري ما كنت بفكر في شادي او في الارتباط من اساسه لكن اللي لفت انتباهي له كانت ماما الله يرحمها . قطتي بوسي كمان اختفت بعدها نهائي وبقيت مش بتظهر رغم انها كانت وحشاني اوي ونفسي اشوفها . الاشكال اللي كانت بتظهر علي الارض اختفت نهائيا ورجعنا عيشنا حياة طبيعية جدا لحد ما حددنا ميعاد فرحي انا وشادي . ويوم الفرح كنت اسعد انسانه في الدنيا اخيرا هتجوز الانسان الوحيد اللي قلبي دق له وحبيته .وهبدأ حياة جديدة هتكون ان شاء الله حياة سعيدة بعد نهاية احزاني . انتهت . |
بدل ماتدور وتبحث علي الروايات خليها علي تليفونك وحمل تطبيقنا
