رواية وش تانى الفصل العاشر 10بقلم ليل ادم

 

رواية وش تانى الفصل العاشر بقلم ليل ادم

محمود: احمد علشان خطري ارجع على البيت علشان تكون معاهم وخد الفلوس من مي يا حبيبي واصرف على البيت مكاني متخليش حد منهم يحتاج حاجه ولو الفلوس خلصت أتصل بيا وتعاله نتقابل وخد مني اللي انتا عايزه

أحمد : فلوس اي بس أنا عايز اعرف انتا هتروح فين الوقتي

محمود: والله لو عارف كنت قولتلك بس ممكن انزل في اي مكان جمبينا هنا لحد ما أشوف حل

أحمد: طب ليه يا بابا وبيتك موجود

محمود : علشان مش هقدر أبقا في البيت واميره في علشان مينفعش اطلعها بره البيت وهيا ملهاش مكان غيره علشانكم انتا واختك يا احمد

أحمد: طب اهدا طيب تعاله طيب نشوف هتروح فين وبعد كده ارجع البيت والله

محمود: ياعم أنا نازل هنا أهو

أحمد: ياعم ده مكلف اوي ده انتا كده هتتصل بيا اجبلك فلوس

محمود: مليش نفس اضحك والله ( وخد احمد في حضنه )

أحمد: خلي بالك يا حوده أنا عمري ما اعتبرت انك أبويا بس أنا وخد عليك علي انك صحبي أبل اي حاجه اوعي تزعل انك حكيت معايا في اي حاجه وأنا بقولك السر اللي اتكلمت معايا في مش هيطلع في البيت متقلقش سرك سري يا صحبي بس بلاش الزعل يزيد وتنفصل انتا وماما علشان ساعتها هخسر اهم اتنين في حياتي ومش عارف ساعتها هعمل اي من غيركم ولو أنا عرفت هعمل اي هل مي هتعرف هتعمل اي

محمود: متخافش يا احمد حتا لو حصل أنا مش هسبكم أنا معاكم على طول

أحمد: علشان خطري بلاش حتا تتكلم عن الموضوع ده تاني

محمود: حاضر بس ياله علشان الوقت أتأخر

أحمد: خلاص ماشي سلام

في جانب آخر ❤️👇

اميره: مي أنا قلقانه على اخوكي اتصلي عليه شوفي فين

مي: حاضر هتصل بي

اميره: ولما يجي اتغدي انتي وهوا يا حبيبتي علشان خطري يا مي أنا مليش حد اعتبري نفسك اختي الوقتي بلاش بنتي اقفي جمبي وبلاش احس اني فعلاً دمرت كل حاجه وأنا عارفه اني فعلا عملت كارثه كبيره

مي: أنا معاكي يا حبيبتي والله ومش هسمح ولا ليكي ولا ل بابا أن البيت ده يتخرب

باب الشقه بيخبط

مي: مين

أحمد: أنا يا مي

مي: احمد جه أهو

اميره: الحمد لله افتحي طيب مستنيا اي

أحمد: ( لأول مرة ادخل البيت اشوف في كم النكد ده لأول مرة اشوف ماما مدخلش أحدها في حضني ونضحك والصوت يعلا )

اميره:  مالك يا احمد انتا تعبان

أحمد: لأ مفيش

اميره: ( أبني وأنا عارفه احمد عرف كل حاجه أنا متأكدة) طب اتغدا انتا واختك علشان عايزه اتكلم معاكم

أحمد : في حاجه

اميره: اه

أحمد: أنا مش عايز اتغدا تعالي نتكلم

مي: وأنا كمان يا ماما تعالي نتكلم افضل

أميره: ماشي تعالوا شوفوا انتوا كبرتوا وماشاء الله عليكم بقيتوا فاهمين كل حاجه أنا هتكلم معاكم بكل صراحه ( جبت المصحف وحلفت عليه أبل ما اتكلم وتعاهدت اني اقول الصراحه)

وحكيت كل حاجه حصلت بالحرف لحد يوم ما محمود اكتشف اللي حصل وفتحت الميل الوهمي وعرفتهم كل حاجه حتا كلام شروق صديقتي

أحمد: طب ممكن تهدي وكفايه عياط مش هنحل حاجه على النظام ده

اميره: أنا غلط اوي يا احمد مكنش ينفع اعمل كده حتا لو كان أبوك عمل اي علي الأقل ابوك راجل مهما يعمل راجل في الآخر

مي: لأ يا ماما الخيانه مفيش فيها راجل وست اي خيانه بتحرق الطرف التاني سواء كان راجل أو ست

اميره ؛ انتي مش متخيله انا حاسه ب اي أنا اتفضحت قصاد عيالي وقصاد جوزي والله العظيم أنا ما كنت أتخيل أن ده يحصل حتا لما محمود شك فيا وحظرني فتحت الميل ده وبعت للإنسان ده وقولتله اني عاوزه أنهي كل حاجه علشان بيتي وعيالي بس للاسف حصل اللي حصل

مي: انتي غلطتي في حق بابا مش هنكر ده وبابا غلط في حقك بس غلطتك كانت اكبر

أحمد: أنا مش عارف اقولك اي بس بجد بابا صعبان عليا اوي

اميره : أنا هاخد هدومي وهنزل اشوف مكان اروح في واتصلوا بي خلوه يرجع حرام يترمي في الشارع كده وأنا قعده في عزه باكل واشرب من خيره وأنا ولا حتا استاهل أني اسمع منه صباح الخير

مي: لأ طبعاً بابا لما ساب البيت سابه علشان هوا عارف ومتأكد انك ملكيش حد غيرنا

أحمد: بعدين يا ماما أما اخوتك من ساعت ما باعوا بيت العائلة وهما كارهين بعض هتروحي فين ثم إن بابا والله العظيم قالي أنه ساب البيت علشان هوا هيعرف يتصرف إنما انتي ملكيش حد تروحي ليه

اميره: أنا خسرت كل حاجه أنا المفروض مكنتش عملت كده واحد ذاي محمود اي ست تتمناه اي يعني لما أهمل فيا فتره ما هوا برضوه عليه ضغط شغل وفلوس والتزامات كتيره اوي أنا الشيطان كان ماسك دماغي مش عايز يسبني لحد ما وقعت في اللي وقعت في أقسم بالله يا احمد اني عمري ما غلط الغلطه دي أبل كده أقسم بالله يا مي لو رجع بيا الزمن ما كنت عملت خطوه واحده من اللي حصل ده أنا فضحتكم وقليت بيكم حقك عليا يا محمود وانتا يا احمد حقك عليا يا حبيبي وانتي يا مي بالله عليكي سامحي امك أنا كنت ضعيفة وحسيت نفسي لوحدي والله ( وانهارت في البكاء)

أحمد: ياقلبي والله ما زعلان منك أنا زعلان انك وصلتي ل كده و مكنش في حد جمبك زعلان علشان لما حصل اللي حصل مرجعتيش تطلبي من بابا المساعدة ولا مني وجريتي مع واحد غريب يساعد وانتي متعرفيش مين ده ولا دماغه اي افردي كان طمع فيكي راخر كان اي العمل

مي: خلاص بقا يا احمد علشان خطري متضغطش عليها اكتر من كده

أحمد: ( قعد على ركبته و ضم ايده علي وجه أمه) خلاص والله هتتحال وغلوتك عندي ليها حل بس اهدي

مي: ( قعدت جمب اميره وضمت رأس أميره في حضنها وعلا بكاء أميره جدا ) خلاص علشان خطري هيحصلك حاجه من كتر البكاء

أحمد: هيا أكلت ولا لا قومي

مي: لا من الصبح ولا أكلت اي حاجه

أحمد: طب قومي ياله يا مي جهزي الأكل علشان ناكل مع بعض

اميره: لأ مليش نفس

أحمد: لأ ياله علشان انزل اتكلم مع بابا تاني

أميره: انتا عارف مكانه

أحمد: اه عارف

اميره: طب علشان خطري اجي معاك

مي: ايوه يا احمد فكره حلوه نروح كلنا يمكن نعرف نأثر عليه

اميره: علشان خطري يا احمد اسمع كلامي

أحمد: خلاص ماشي تعالوا نروح
 💐❤️

الفصل الحادى عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال