 |
رواية من الجاني القضيه العاشرة 10 الفصل العاشر 10 بقلم محمود الامينمساء الخير واهلا بيكم في حلقه جديدة من سلسلة من الجانى؟ النهارده حلقة قوية أتمنى من الجميع المشاركة في حلها قبل نزوله الساعة 9 ونص مساءا ... #من_الجانى؟ الجريمة المرة دي شنيعة وصعبة بكل ما تحمله الكلمة من معنى.. شخص خلص على أتنين بطريقة بشعة تدل على الإنتقام والقسوة الأول كان راجل كبير في الخمسين من عمره ميت على السرير دون أثار مقاومة ولكن اللي خلانى أقول أنها جريمة قتل هى عثورنا على الجثة التانيه ودي كانت لطفل عنده بالتقريب 7 سنوات كان مرمى في بدروم البيت الدنيا وقتها أتقلبت وطلبت فى أقرب وقت تحريات عن المجنى عليهم وإستعجال تقرير الطب الشرعى والصفة التشريحية ورفع البصمات.. وكانت النتيجة كالاتى ... المجنى عليه الاول اسمه صفوت عبد الغفار بيشتغل عطار وليه عطارته الخاصة تحت بيته.. حالته المادية نقدر نقول مقتدر حالته الاجتماعية متزوج من اتنين.. عنده من مراته الأولى سيد وعماد.. ومن مراته التانية كان عند زياد وده المجنى عليه التاني ومعنديش حاجة اقولها عليه عشان هو طفل عنده 7 سنين لكن التحريات اثبتت كلام خطير جداً.. الحج صفوت كتب كل حاجه بأسم زياد وده بسبب إكتشف إنه مراته الأولى كانت بتخونه وكان ماشي في اجراءات الطلاق ورغم إن تحليل الDNA أثبت إن سيد وعماد ولاده لكنه برضو حرمهم من الميراث وعشان كده تعتبر الزوجة الاولى صابرة عبد الغفار هي المشتبه الأول تاني حاجة في شخص بيمتلك عداوة مع الحج صفوت وهو الحج عطا وده تاجر زي صفوت بالظبط وعطا كان مصمم يشتري بيت صفوت رغم رفض صفوت أكتر من مرة وفي كلام طلع في المنطقه وقتها إن بيت صفوت تحته آثار وعشان كده المعلم عطا كان عايز يشتريه والمشتبه بيه رقم 3 هو تربى البلد الحج عرفان وده بسبب إن زوجة المجنى عليه الاولى صابرة عبد الغفار كانت على زمته قبل ما الحج صفوت يتجوزها وفي كلام كده إنها كانت بتخون الحج صفوت مع جوزها الاولانى الحج عرفان ... تقرير الطب الشرعى قال إن المجنى عليه الاول مات مسموم بسم بطئ المفعول بجانب خنقه في اللحظات الأخيرة والمجنى عليه التانى مات اثر اصطدام آله حادة في رأسه لعدة مرات وعن رفع البصمات للاسف القاتل قام بمسح البصمات من الموقع بشكل نهائي ... وهنا بدأ التحقيق مع التلاتة _ المتهمة.. صابرة عبد الغفار إنتى متهمة بقتل طليقك وإبنه.. ما قولك؟ _ محصلش يا بيه أنا في بيت أبويا من يوم ما طلقنى البيه _ يعني مخرجتيش من بيت أبوكى خالص _ لأ يا بيه _ بس اقوال الشهود من أهل المنطقة قالوا إنك كنتى بتخرجي عادى _ عادي كنت بجيب طلبات وبرجع تاني _ متأكده؟ _ أيوة طبعاً .... _المتهم التانى.. الحج عطا سالم.. إنت متهم بقتل الحج صفوت وإبنه.. ما قولك؟ _ قتل.. قتل إى أعوذ بالله؟ _ في ناس بتقول إنك كنت عايز تشتري بيت الحج صفوت بالاجبار _ محصلش يا بيه أنا عرضت عليه أكتر من مرة صحيح بس هو رفض.. بصراحة البيت كان عجبنى _ بس بعض الاقوال بتقول إن البيت تحته آثار وهو ده سبب إصرارك لشراء البيت _ آثار.. أنا مالى ومال الأثار يا بيه أنا في حالى ومعرفش غير اللي قولته _ تمام ... _المتهم التالت.. عرفان التربي.. إنت متهم بقتل الحج صفوت وإبنه.. ما قولك؟ _ ضحكتنى يا بيه أنا أقتل.. أنا أه تربى وبتعامل مع جثث بس مستحيل أقتل ده كلام فارغ _ طيب إى علاقتك بصابرة عبد الغفار؟ _ طليقتى يا بيه _ بس يعني مش على علاقة بيك؟ _ علاقة إى عدم المؤاخذة يعني؟ _ إى دماغك ليه راحت لبعيد كده؟.. أنا قصدى شوفتها بعد طلاقها منك _ لا يا بيه _ طيب وتقول إى في أقوال الناس اللي شافتها رايحة نواحى الترب بليل _ والله معرفش اسألوها هى.. يمكن جاية تزور أمها؟ _ بليل؟ _ ها.. بتقول إى يا بيه؟ _ جاية تزور أمها بليل؟ _ معرفش والله متسألوها هى _ أمممم.. طب تمام ... في ناس بتكدب منهم عشان تبعد الشبهة عنها لكن في حاجه في تقرير البصمات غفلنا عنها واللى هي إنه مفيش كسر في اي باب في البيت عرفتوا من الجانى؟ ... أتمني الكل يشارك في الحل عشان أنزل تاني.. دمتم في آمان الله .. #محمودالأمين . حل القضيه العاشر من هنا |
تعليقات
