 |
رواية عكس عكاس الفصل الاول 1 بقلم ندي عبد العزيزالبارت الأول # عكس عكاس لا بقا ما انا زهقت مش هفضل كده طول العمر احب حد مش عارف اني عايشه معاكوا على الكوكب اصلاً يارب انا أي اللي شدني ليه بس هو انا غاويه وجع قلب انا تقريباً كده حبيت لوح تلج تعالوا اعرفكوا عليا وعلى اللي مجنني ده انا شذى عندي 24 سنه بشتغل في شركة استيراد واللي بتكلم عنه ده ضياء زميلي في الشغل او انا اللي واخده بالي انه زميلي في الشغل لكن هو ميعرفش اني عايشه على الكوكب اصلاً بدأ اليوم وصحيت بنفس الروتين العادي بتاعي اتوضيت وصليت وقرأت الوِرد بتاعي وطلعتلهم برا شذى : صباحو فل على عيون احلى الناس خالتي (منى ) : صباح الف على عيونك عمر (ابن خالتي ) : صبح صبح يا عم الحج اه صحيح نسيت اقولكوا اني عايشه مع خالتي من ساعة ما ابويا وامي ماتوا وانا صغيره وعمر ابن خالتي واخويا في الرضاعه كمان وجوزها متوفي يلا نكمل الحوار عشان مطولش عليكوا شذى : انت مش نازل الشغل ولا أي عمر : النهارده الجمعه يختي انتِ شكلك لسه مفوقتيش شذى : اهه بجد نسيت دربكة الشغل بقا نستني عمر بغمزه : دربكة الشغل بردوا اللي نستك شذى : ايوه طبعاً امال هيكون أي عمر : مفيش حاجه شذى بهمس : بطل بقا عشان ممكن أوقف خطوبتك من سلسبيل على فكره عمر : لاا انا حرمت انا مش ناطق تاني انا أخرس اصلاً شذى : ايوه كده ناس متجيش إلا بالعين الحمرا تعالوا معايا بقا اعرفكوا على سسبيل اللي بنتكلم عنها دي سلسبيل صاحبة شذى في نفس سنها وبتشتغل معاها في نفس الشركه وهي وعمر بيحبوا بعض واتقرأ فاتحتهم ولسه هيعملوا الخطوبه اه صحيح سلسبيل عندها اخ اسمه محمود يلا نرجع لروايتنا تاني منى : يلا بطلوا رغي ووشوشه انت وهي وقوموا حضروا الفطار عمر : انا مالي هي اللي تحضر الفطار انا احضره ليه شذى : نعم يا خويا وانت متحضرهوس معايا ليه على ايديك مقش الحنه منى : بس منك ليها وانت قوم حضر معاها الفطار دلعوني اليوم اللي قاعدين فيه بدل ما أبو ورده يشتغل شذى وعمر : حاضر ودخلوا المطبخ عشان يحضروا الفطار شذى : امك دي ولا كأنها لقيانا على باب جامع عمر : مين سمعك دي لقيانا قدام معبد يهودي مش جامع شذى : طب يلا انجز عشان نخلص بسرعه ونفطر وننزل انا وانت وسلسبيل نتمشى شويه عمر : ماشي يختي خلصوا عماي فطار وفطروا مع بعض وشذى كلمت سلسبيل وقالت ليها انهم هينزلوا ووافقت بعد فتره كانوا قاعدين في الكافيه هما التلاته شذى بتصنع الجديه : في الحقيقه انا جمعتكم النهارده عشان مش فاضيه بكره عمر : يخربيت سماجتك يابت سلسبيل : نتكلم جد بقا انت وهي مالك يا شذى شذى : شوف الرقه والحلاوه وهي فاهماني مش زيك عمر : انجزي يابت وقولي مالك شذى : تفتكروا انا غلطت لما حبيته عمر : من ناحية شذى : من ناحية ان هو مش عارف اني عايشه معاكوا على الكوكب اصلاً انا كنت مفكره ده كله في الأول لعب عيال وهنسى وكده بس لقيت ان الموضوع بقى جد معايا اوي ومش عارفه انساه مع ان محصلش بينا أي موقف يشدني ليه او يجذب انتباهي سلسبيل : بصي هو الحب مش بإيدينا القلوب دي بتاعت ربنا طلاما انتِ مش بتعملي حاجه غلط او تغضب ربنا زي مثلاً انك تحاولي تفتحي كلام معاه او تلفتي إنتباه ده مش حرام وبعدين ادعي الدعاء بيغير الأقدار عمر : عايزه اقولك ان هو لو نصيبك هيجيلك ولو بعد قد أي ثقي بس في ربنا وإحسني الظن بيه شذى : ونعم بالله ثم أكملت انا بحبكوا اوي مش عارفه انا من غيركوا كنت هعمل أي عمر وسلسبيل : مكنتيش هتعرفي تعمل حاجه شذى بضحك : والله ما بهزر فعلاً انا مش عارفه لو انتوا مش معايا كان هيحصلي أي عمر بضحك : مبحبش أتكلم عن نفسي كتير سلسبيل بحب : ربنا يحفظك لينا يا قلبي عمر : طب مفيش ليا انا كمان واحده ربنا يحفظك ليا يا قلبي سلسبيل بكسوف : اتلم يا عمر شذى : اعملوا حساب اني سنجل بائس طيب ده أي الذل ده عمر : بس يا بائسه شذى : طب يسيدي شكراً يلا بقا روحوني مش عايزه اقعد معاكوا عمر : كده تاخدي غرضك مننا وترمينا سلسبيل بضحك : اه والله يا اخويا خدتنا لحم ورمتنا عضم شذى بضحك : طيب يلا انت وهي قدامي يا تروحوني يا تودوني الملاهي عمر : انتِ كده هتيجي عليا انا بخساره بس مش هقدر ارفضلك طلب يلا بينا على الملاهي سلسبيل وشذى : هيييييه يلااا راحوا الملاهي وقضوا وقت كبير اوي فيها وجابوا غزل البنات وهما مروحين شذى قالت شذى : انا قررت قرار عمر وسلسبيل : استر يارب شذى : انا قررت ............................ عمر : نعم ياختيييي كده البارت خلص ياحلوين تفتكروا شذى قررت أي واي اللي خلى ردة فعل عمر تبقى كده نتقابل في البارت التاني إن شاء الله سؤال النهارده : من هو النبي الذي لُقب بصادق الوعد #كتابات # NADA ABD ELAZIZ الفصل الثاني من هنا |
بدل ماتدور وتبحث علي الروايات خليها علي تليفونك وحمل تطبيقنا
