رواية موقف سيارات الفصل الاول بقلم حسام يونس
فى إحدى الإماكن البعيده فى القاهره الكبرى قررت الدكتوره سهام انشاء مشفى للعلاج النفسى..
هى استاذه جامعيه فى مجالها...واختارت مجموعه منتقاه من تلميذها الذين تخرجوا لمساعدتها فى اداره المشفى.
الدكتوره سهام خمسون عام متزوجه من دكتور جراح مخ واعصاب..اسمه مختار.
ليس لديها اولاد ولا تهتم بذلك الامر
فعملها بطغى على كل شئ فى حياتها كذلك زوجها لا يتكلم فى ذلك الأمر.
فمشاكل المرضى وحكايتهم تستحوذ على اهتمامها دائما.
ولذلك اختارت ذلك المكان البعيد لتقيم فيه المشفى.
واختارت اسم البركن للمشفى بفلسفه غريبه حيث البركن مكان للسيارات..لكى تستريح فيه السياره من ضجيج الموتور والمواتير المجاوره..واستراحه أيضا لمن يقودون تلك السيارات .
انها فلسفه غريبه ولكن عقلها ارتاح لتلك الفلسفه.
سهام دكتوره مميزه فى الطب النفسى مما جعلها من العلامات النابغه فى مجالها.
وذلك جعل وزاره الداخليه تتعاقد معها لمعالجه بعض الحالات الخاصه لبعض المذنبين.
نعود إلى بعض الحالات التى تعاملت معها سهام ووصلت معهم إلى الطريق الصحيح نفسيا.
الحاله الاول...جمال
جمال رجل فى الخامسه والثلاثون من العمر رجل انيق ووسيم دخل المشفى توجه إلى الاستقبال وتكلم مع الموظفه المختصه وأخبرها أنه لديه حجز للمقابله مع الدكتوره سهام..اتصلت الموظفه بالدكتورة تخبرها بحضور جمال فى الموعد المحدد.
وأشارت له الموظفه إلى مكان الدكتوره..تحرك إليها وطرق باب الغرفه واذنت له الدكتوره بالدخول
ودخل إليها وكانت الدكتوره تجلس على المكتب..وطلبت منه الجلوس أمامها فأخذ يتجول بعينيه فى المكان حيث الغرفه بها المكتب وانتريه فخم فى إحدى الأركان...وباب اخر لبلكونه وبها ترابيزه وكرسيان والبلكونه مكسوه بالورود والزهور..وتطل على جنينه الفيلا...بادرته الدكتوره بعدما فتحت اللاب توب الذى أمامها
سهام ..اسمك وسنك ووظيفتك وتلفونك الخاص.
جمال...أسمى جمال الألفى خمسه و تلاتين سنه...صاحب شركه برمجيات.
سهام ..فى حاجه معينه بتشتكى منها.
جمال...الحقيقه مش عارف بس انا جاى ليكى بعض إلحاح من زوجتى انى اجى لدرجه هددت بالانفصال لو فضلنا على وضعنا الحالى.
سهام...وايه هو الوضع الحالى يا جمال..اللى يخلى المدام توصل للتهديد ده.
جمال ...انى بقيت عصبى اووى حتى فى اتفهه الامور.
سهام ...وليه المدام مجتش معاك
جمال ...المفروض كنا هنتقابل هنا...مش عارف مجتش ليه.
سهام...كويس انها مجتش يهمنى اسمعك لوحدك.
جمال...اقول ايه
سهام ...اتعرفت انت والمدام ازاى.
جمال... اتعرفت على نجوى من حوالى اتناشر سنه كنا زملا فى شركه برمجيات وكانت نجوى فاتنه بمعنى الكلمه جمال وشياكه وعيله
وكل عيون شباب الشركه عليها من جمالها..وهى هادئه الطباع ولا تلتفت لكل من حولها.
الى أن ظروف العمل جمعتنى بها فى تصميم برنامج هام لإحدى الشركات الكبرى..وأصبحت محسود من كل شباب الشركه لقربى منها بهذا المشروع...ومع الوقت تقربنا من بعض اكتر إلى أن تجرأت وعزمتها على العشاء فى إحدى الأمسيات
وسرح جمال بذكرته فى ذلك اللقاء
جمال ...انا مبسوط انك وفقتى على دعوتى للعشا.
نجوى ..وانا كمان مبسوطه انى معاك يا جمال.
جمال...اكيد بتسألى نفسك ايه سبب دعوتى ليكى.
نجوى..اكيد عندك افكار جديده للمشروع بتاعنا.
جمال...الصراحه لا خالص .
نجوى ...ايه ده امال ايه سبب الدعوه دى مطعم فخم وشيك وورد ومزيكا هاديه .
جمال..أخرج من جيبه علبه قطيفه وفتحها أمامها وأخرج منها خاتم دهب شيك للغايه.
ارتبكت نجوى ونظرات عينها حائره بين وجهه وبين الخاتم.
نجوى ...لا ممكن توضح ايه ده
جمال...أمسك بيدها وادخل الخاتم فى اصبعها ونظر إلى عينيها.
انا عاوز اتجوزك يا نجوى.
نجوى...انت بتقول ايه يا جمال
جمال.. بحبك وعاوز اتجوزك.
نجوى...انت غريب اوووى .
جمال...ليه غريب علشان بحبك.
نجوى ..لا علشان مش بتضيع وقت .
جمال...واضيع وقت ليه انا بحبك وحاسس انك بتبدلينى نفس الشعور.
نجوى..منكرش انك لفت نظرى بس مخدناش وقتنا نفهم بعض اكتر.
جمال...نفهم بعض واحنا سوا...نقرب من بعض واحنا جنب بعض..وأمسك يدها بين يديه ونظر إلى عينيها.
ياريت تخديلى ميعاد من والدتك اجى اتقدم لك.
نظرة إليه مبتسمه وكأنها تحتضنه بين رموشها.
وعاد إلى الدكتوره وغمرنا الحب وتمت الخطبه وكنت سعيد اوووى معها وكذلك هى وفى خلال اول سنه افتتحت مكتب خاص لى ولكنها فضلت أن تستمر هى فى الشركه الأخرى حتى تكبر شركتى وحتى تستفيد من راتبها الكبير فى تلك الشركه.
جمال...المشكله زى ما بتقول سهام
انى مركز مع الولد اوووى...ويتدخل فى اموروه بزياده.
فجأه رن جرس الهاتف وكان الاستقبال يخبر سهام أن نجوى حضرت وتريد مقابله الدكتوره
أذنت لها سهام بالدخول
ودخلت نجوى إلى مكتب سهام
وجلست نجوى أمام جمال..ووجهت له كلامها...كويس انك جيت.
جمال...جيت لانى عاوز اكمل عمرى كله معاكى ومع اولادنا.
تدخلت سهام فى الكلام الحقيقه انا اتكلمت مع جمال شويه ومحتاجه اتكلم معاكى شويه.
نجوى ..انا واثقه انا جمال اتكلم بكل صراحه معاكى.
سهام ..وانا واثقه انك كمان هتتكلمى بكل صراحه...جمال لو سمحت اقعد شويه فى البلكونه المنظر من البلكونه رائع...على ما اتكلم شويه مع نجوى.
وتحركت سهام من مكانها وأشارت إلى البلكونه بيدها ..وقالت تحب تشرب حاجه .
جمال ...قهوه مظبوط.
سهام ..رفعت سماعه التليفون وطلبت من الاستقبال فنجان قهوه مظبوط..ونظرة إلى نجوى تشربى حاجه.
نجوى كوبيه ميه لو سمحتى.
تحركت سهام إلى تلاجه مكتب فى حجرتهاواخرجت منها زجاجه ميه وتحركت بها إلى الانتريه وطلبت من نجوى أن تتحرك وتجلس أمامها على الانتريه...بالفعل تحركت نجوى إلى الانتريه..وهى تنظر إلى جمال فى البلكونه ووجدته سارح فى جمال الطبيعه حيث الخضرا والأشجار والسماء صافيه.
سهام..انا سمعاكى اتفضلى
نجوى...مش عارفه اقول ايه.
سهام ..من بدايه معرفتك بيه
نجوى..كنا زمايل فى الشغل قبل ما يفتح شركه خاصه بيه..كان غير كل الزملاء كان شيك وأنيق وطموح
ونظرته ليه غير الباقيين شدنى بهدوءه ونظرته ليه كان كلها كلام صامت ولكنها معبره اوووى ..لحد ما طلب ايدى للجواز ووافقت. والصراحة كان زوج مثالى حنون وكريم رومانسى فوق الوصف..كان بيتفنن فى اسعادى بشتى الطرق.
سهام ..امال ايه حصل للى وصلتوله ده.
اتت القهوه مع موظفة الاستقبال..ودخلت بها إلى جمال.
نجوى ...بعد ما خلفت ابنى الكبير ابتدأ سلوكه يتحول بقى عصبى وبيتلكك على اتفهه حاجه علشان يعمل مشكله...ابتدأ ياخد جنب منى ومن البيت ككل.
سهام ...معندكيش مبرر لده.
نجوى ...ابدا حاولت اتكلم معاه بس مفيش فايده .
لدرجه قسمنا لفرقين انا والولد فريق وهو فريق...وبقى يتهمنى انى هتلف الولد بأسلوبى ده.
سهام..اسلوب ايه بالظبط.
نجوى ...بديهى كنت باجى فى صف الولد وأدافع عنه.
سهام ..سرحت لبرهه ثم قالت
عندك فكره عن طفوله جمال.
نجوى ..خالص مش بيتكلم عنها ابدا حتى علاقته بأهله معرفش عنها حاجه لأنهم من ارياف الغربيه.
سهام...لازم انكش معاه المنطقه دى..ياريت تستأذنى انتى علشان يبقى براحته فى الكلام.
قامت نجوى وتحركت نحو البلكونه
وقالت إلى جمال انا هروح الدكتوره لسه عاوزاك...حرك جمال راسه بالموافقه...وتحركت سهام إلى البلكونه وجلست أمامه.
سهام ...اجبلك حاجه تشربها.
رفض جمال وظل ينظر إلى سهام
جمال...قالت ايه نجوى.
سهام ...قالت جمال الراجل اللى تتمناه اى ست.
انفرجت ملامحه بأبتسامه .
سهام...نرجع الى كلامنا قبل ما تيجى نجوى.
جمال ..اتفضلى.
سهام ..علاقتك ايه بأبوك
سرح جمال لحظه وسقطت دمعه من عينيه.
سهام ..لازم تبقى واضح مع نفسك قبل منى ده لو حريص على نجوى وابنك.
جمال استأذن يشعل سيجاره.
سهام .. اتفضل كويس أننا قاعدين هنا مش جوه.
بدل ماتدور وتبحث علي الروايات خليها علي تليفونك وحمل تطبيقنا
