رواية موقف سيارات الفصل الثامن والعشرون بقلم حسام يونس
مر الاسبوع وحضرت سهر
ودخلت المكتب عند سهام...وحيتها واخذتها إلى البلكونه وجلسا سويا
سهام...شكلك النهارده افضل من المره اللى فاتت.
سمر...المره اللى فاتت كنت متوتره شويه
سهام...والنهارده أهدى يعنى
سهر... الحمدلله
سهام...انتى دى طريقه لبسك دايما
سمر...حضرتك لماحه اوووى ...اصل هشام ابن خالتى عزمنى على الغدا بره النهارده.
سهام...هشام ده متجوز
سهر...اه متجوز ومخلف كمان...بس عاوزه اقول لحضرتك هشام ليه حاجات كتير اوووى بأختصار هشام اخ وصديق والأهم أنه مرايتى وبثق جدا فى ارائه.
سهام....وهو انتى بالنسبه ليه ايه.
سمر...صدقينى لو قلتلك مش عارفه
لان دايما انا اللى بحتاجه...ودائما هو اللى بيسأل عنى ويطمن عليه...فى بينا كيميا غريبه وعجيبه.
سهام...نرجع لحكايتك
سهر....فى خلال السنه الاولى دى تم توضيب الشقه بأكتر ما كنت بحلم
واخر السنه نزل ورحت استقبلته فى المطار انا واخته...واستغل الموقف وحضنى وهو بيسلم عليه وباسنى من خدى.
سهام...ده شئ طبيعى يا سهر...انتى بس اللى واخده منه موقف.
سهر...يمكن....المهم حدد هو وبابا ميعاد الفرح بعد عشر ايام.
وبالفعل نزلنا اشترينا فستان الفرح انا وهو واخته...وصحيح كان جايب ليه شنطه كلها لانجيرى خاص ليه...كانت كل تصرفاته بتاكدلى أن احساسى بيه صحيح...وخلال الفتره دى اتاكدت اكتر
سهام...تقصدى ايه
سهر...كترت خروجتنا...ولحظات نظراته لأى ست أو بنت فيها جوع ونهم لجسمهم
سهام ..ضحكت انتى مركزه بزياده وهو شكله اوفر برده فى نظاراته.
سهر...المهم سعيد عملى كل شئ يسعد بيه اى بنت وجينا ليوم الفرح اتعمل فى مركب سياحيه على النيل وكانت ليله حلوه جدا.
وطلعنا من الفرح مباشرة على المطار سافرنا إلى شرم الشيخ قضينا عشر ايام عسل تقريبا مخرجناش من الفندق لأى نزهه...سعيد كان مصر يعوض كل فترات شبابه اللى عدت بدون ست معاه.
سهام...المهم انتى احساسك كان ايه طول العشر ايام دول.
سهر....والله انا كنت مبسوطه جدا لانه كان بيحاول يبسطنى دايما إنما لو تقصدى عن ليله الدخله تعايشت معه ومع الوضع على انى مراته وخلاص..إنما احساسى الداخلى كان احساس باهت اللى هو ولا مبسوطه ولا حزينه.
وبعد العشر ايام رجعنا بيتنا ومرت بينا الايام لحد ما جه ميعاد رجوعه إلى شغله
وبالفعل سافر سعيد ...وبقيت انا لوحدى فى البيت.
وكان وقتى فى بعد سعيد بقضيه مابين شقتى وزياره بابا خميس وجمعه كل اسبوع...ويوم بزور أخته مره فى الأسبوع
وفى الفتره دى اتعودت على شرب السجاير وباقى الاسبوع فى شقتى علشان سعيد بيكلمنى فيديو وطبعا لكى أن تتخيلى المكالمه بيبقى شكلها ايه معاه
سهام...اظن حب فى حب
سهر...فعلا بس حب من بتاع سعيد
سهام...بس اظن بقى فى بينكم حب
من خلال العشره .
سهر...فعلا أيقنت أنه زوجى حلالى وكمان علشان أسعده بالحاجه اللى بيحبها.
وفى خلال الفتره دى اكتشفت انى حامل
والصراحة انبسطت اوووى للحمل ده
وسعيد لما عرف فرح اوووى وكان بيخاف عليه اوووى علشان البيبى.
ونزل سعيد على ميعاد ولادتى...وعمل سبوع لاول مولود لينا وسماه احمد على اسم والده.ومضى معنا سعيد إجازته
ولاحظت عليه انشغاله عنى عما هو معتاد معى...والصراحه لم اهتم بالسبب
إلى أن سافر إلى البلد التى بها عمله
وعدت عليه الايام إلى أن اخبرنى سعيد أن استخرج باسبور لى يشمل ابننا علشان يبعت ياخدنا اليه وفهمت منه أننا سوف نجلس فتره هناك ولم ننزل مصر طول الفتره اللى جايه.
وأثناء إجراءات استخرج الباسبور اكتشفت انى حامل.
وانهيت استخراج الباسبور وسافرت إليه
وكان يقيم هناك فى شقه فاخره للغايه
حيث أنه مهندس كبير فى تلك الشركه
ومع النقله الجديده دى اكتشفت سعيد كأنه انسان تانى خالص.
سهام...بمعنى ايه ياريت توضحى
سهر...بقى عصبى اوووى ودايما صوته عالى وعلى اقل حاجه بيتعصب واكتشفت أنه بيكلم ستات كتير على النت...وواجهته بكده قالى دول قريبه اللى فى مصر بيتواصل معاهم عادى
وحان موعد الولاده ...وانجبت ابنتى سالى...ومع ولادة سالى انفصل سعيد عنى فى غرفه أخرى حتى يقدر على الصحيان بدرى مع دوشه الصغيره سالى
سهام...واقتنعتى بكلامه
سهر...اقتنعت اه بس اكتشفت أنه علشان يستمتع بكلام ستات النت براحته.
سهام...وعديتى الموضوع برده
سهر....عديته اه لان عمرى ما حسيته كزوج وزوجه.
سهام...حتى بعد العشره دى
سهر...للاسف اه مقدرتش أحسه
سهام...كملى وبعدين
سهر...تنظر إلى ساعه الحائط
سهام...مستعجله
سهر...قدامى نص ساعه وهشام يجى
المهم...فضلنا كده طول اقامتى فى البد دى هو فى اوده وانا فى اوده ...ولما كان بيعوزنى بيطلبنى عنده فى الاوده.
سهام...مكنتوش بتخرجوا سوا هناك
سهر...خروج مشاوير الماركت للدكتور وبس إنما فسح والكلام ده لا
سهام...على فكره الوضع ده يقول ان هو كمان واخد منك موقف..مش انتى بس اللى واخده منه موقف.
سهر ..الصراحه كان ليه طلبات فى علاقتنا مش بوافق عليها خالص.
سهام ...تقصدى ممنوع شرعا
سهر...أسلوبه ككل ...وصعب اتكلم فيها
سهام...تمام مفهوم...يعنى واضح أن انتم الاتنين بتتعاملوا مع بعض على انكم زوجين والسلام.
سهر...تقريبا اه ده اللى اكتشفته مع الوقت.
سهام....اشوفك الاسبوع اللى جاى أن شاء الله
سهر...أن شاء الله
بدل ماتدور وتبحث علي الروايات خليها علي تليفونك وحمل تطبيقنا
