رواية موقف سيارات الفصل السابع والعشرون بقلم حسام يونس
الحاله الحادية عشر
سهام جالسه على مكتبها تحادث فاتن على الهاتف الداخلى
سهام...الحاله وصلت ولا لسه يا فاتن
فاتن....لا لسه ميعادها لسه ربع ساعه وتيجى.
سهام ..اول ما تيجى دخليها على طول
فاتن...حاضر يا افندم
سهام رجعت اللى اللاب توب تدون عليه بعض الاشياء الخاصه بالمرضى لديها
سهام تسمع طرق على الباب
سهام...ادخلى يا فاتن
فاتن ...تفتح فاتن الباب ووراءها سيده فى اوائل الخمسينات...بيضاء البشره مهندمه المظهر وشعر اسود طويل
سهام...اتفضلى يا سهر
تدخل سهر وتجلس أمام سهام على المكتب.
سهام...تحبى تشربى ايه
سهر ....قهوه مظبوطه
سهام....اتنين قهوه يا فاتن لو سمحتى
تحبى نقعد هنا ولا فى البلكونه..يا سهر
سهر ...ياريت فى البلكونه علشان اشرب سيجاره مع القهوه
سهام...تمام تعالى نقعد فى البلكونه
يتحركا إلى البلكونه ويجلسا فى مواجهة بعضهما.
سهر ...منظر بديع اوووى من هنا
سهام...شكلك حساسه وعندك حس فنى
سهر...ميرسى ليكى
سهام....بتشتكى من ايه بالظبط
سهر....ارق وقلق وحالات بكاء كتيره اووى وغالبا من غير اسباب.
سهام....مفيش حاجه اسمها من غير سبب اوقات بيبقى السبب كامن داخل نفوسنا
وبنهرب منه .
سهر ...مش عارفه ويمكن صح
سهام...عرفينى على نفسك من فتره الطفوله لو سمحتى.
دخلت فاتن ومعها صينيه القهوه ووضعتها أمامهما وخرجت من الغرفه
سهر ...اخرجت علبه سجائر من شنطتها واشعلت سيجاره.
سهر ...أسمى سهر ابراهيم والدى موظف وماما اتوفت وانا طفله وهى بتولد اختى الصغيره...وعندى اخ واخت ...بعد وفاة ماما...بيقت انا ست البيت رغم صغرى سنى...وانا فى مرحلة الدبلوم جالى عريس بترشيح من زميل والدى
واتقدم ليا سعيد وبابا وافق...وكتبنا الكتاب وقدم شبكه وسافر علشان إجازته خلاص خلصت.
سهام...يعنى زواج تقليدى جدا
سهر ...ولو فيه وصف فوق التقليدى قوليه....شاب معرفوش ولا يعرفنى حتى المرات القليله اللى كان بيجى يزورنا فيها
كان بيبقى صامت ومش بيتكلم معايا خالص...كل كلامه مع بابا وكلام عام خالص.
اتفق مع بابا خلال السنه دى هيجهز الشقه وهيفرشها طبعا بالتشاور بينا وبين أخته الكبيره.
وهنا فى موقف مش قادره أنساه خالص.
سهام...موقف ايه
سهر ...ارتبكت ووضح عليها التوتر
كنا قاعدين لوحدنا فى الصالون
ومد أيده مسك ايدى وضغط عليها اوووى لدرجه ايدى وجعتنى...وقرب منى عاوز يبوسنى ولكنى جريت بره الاوده
وناديت عليه يجى يقعد مع بابا واخواتى
سهام...هو فرق السن بينكم قد ايه
سهر ...فى عشر سنين فرق بينا
سهام...ليه وقفتى عند الموقف ده
سهر...حسيته شهوانى مفيش احساس
سهام....وكان رده ايه على هروبك منه
سهر...قلى على فكره انا جوزك مش خطيبك.
سهر...قلتله عارفه بس لما نبقى نتجوز وفى بيتنا انا ملكك.
سهام...انتى كنتى نافره منه
سهر...لا خالص بس انا بنت لسه صغيره ومعنديش خبره وهو اتعامل بوحشيه معايا.
سهام...كملى سمعاكى
سهر....وأصر يشتريلى لاب توب علشان
نتواصل مع بعض عليه...وقالى
سعيد...علشان نبقى براحتنا سوا ومش عاوز كسوف انا جوزك ومتغرب
سهر....مفهمتش قصده وقولتله حاضر
وسافر للدوله العربيه اللى بيشتغل فيها
وخلال اول شهر كان بيكلمنى كل يوم
هو قاعد لوحده فى شقه هناك.
وفى يوم طلب منى أن وانا بكلمه اكون بلبس البيت علشان عاوز يعيش معايا فى كل اوقاتى.
قلتله...ايه الداعى منا بكلمه اهو عادى
قلى...يابنتى انتى مراتى وانا فى غربه لازم تهونى عليه غربتى.....99
قلتله....حاضر هحاول
سهام...هو رومانسى
سهر...ياريت كان رومانسى...اللى كان واصلنى منه أنه شهوانى وبس
سهام...اغلب الرجاله كده
سهر....عارفه بس بحب مش شهوه مجرده
سهام...مفهوم وكمان مع صغر سنك وقلة خبرتك.
سهر...تمام قدرتى تفهمينى .
سهام...قبل ما يتقدملك مكنتيش مرتبطه
سهر....لا خالص بس كان فى قبول بينى وبين ابن خالتى هشام.
سهام....قبول بمعنى ايه
سهر...عادى صداقه وحوار مفتوح بينا
سهام...يعنى مكنش فيه اتفاق ضمنى بينك على الحب والجواز مثلا
سهر...لا خالص راعى سننا وقتها
سهام...تمام يعنى اخوه مصحوبه بصداقه
سهر....بالظبط حضرتك بتفهمينى اهو
سهام....لازم افهمك علشان اقدر احدد حالتك.....120
سهر...المهم سمعت كلامه وبقيت أكلمه بلبس البيت ولكن حريصه اوووى فى لبسى يعنى يدوب نص كم مثلا لكن الصدر مقفول والهدوم مش ضيقه
سهام....مفهوم...قوليلى بقى وهشام كان دوره ايه فى الفتره دى
سهر....كنت بحكى الى هشام كل كلامى معاه...وهو اللى فهمنى نيته من فكره اللاب توب وفكرة لبس البيت
وهو اللى اقنعنى أن أسمع كلامه وحددلى طريقه لبسى قدامه فى كاميرا اللاب توب
سهام...دور حيوى يعنى.
سهر ...بالظبط كده
سهام....اشوفك الاسبوع اللى جاى
سهر...حاضر ماشى
سهام...حددى الميعاد مع فاتن فى الاستقبال.
بدل ماتدور وتبحث علي الروايات خليها علي تليفونك وحمل تطبيقنا
