رواية اللقاء الأول الفصل الأول
يوووووه انا بقالي نص ساعه ماشيه في المكان ده هو شكلو مقطوع كده ليه مكنش كده انا كل مره بعدي منه مبيبقاش كده خالص، المكان ضلمه اوووي انا خايفه جدا.. دقيقه هولع الكشاف.. الفون فصل ده وقته يااااربي انا لازم أرجع..
وانا راجعه خبطت في شخص وكنت هقع بس هو مسكني بس مكنش باين وشو عشان كان المكان معتم جدا بس كان معاه كشاف قدرت اشوف عينه من الضوء الخفيف ده باين انو غامض جدا...... ربنا يستر
*احم مين انت واي الي جابك هنا وخبطت فيا ليه هااااااااا....(قاطع كلامي)
※علي فكره اسمها حضرتك كمان اكيد مخبطتش فيكي قصد يعني انسان وكان ماشي عادي جدا.
*واي الي جابك هنا طبعا هتقولي صدفه ومش قصدي والجو ده والروايه تتكتب مش كده!
※ رواية اي وجو اي اي قلة الذوق دي هيا فعلا صدفه
*قلة ذوق!
※ايوه قلة ذوق
* لا ده انت وقح بقااا يعني يارب يوم متمني حد يساعدني يكون واحد زي ده
※هما ازاي سايبينك كده مجبوش لزق ليه وقفلو بوقك ده نهائي! او يقطعوا لسنانك حتي
* لاااا بقا انا مش هقدر اتحمل اكتر من كده علي فكره انت قليل الادب، دي مش طريقه تكلم بيها بني ادم، اتعلم ازاي تكون لطيف مع الناس وبعدين ابقي اتكلم يا افندي انت
※ياربي طفله قدامي وساذجه كمان
*انا ماشيه وميرسي اوي لذوق حضرتك.(ييكش تولع)
※اتفضلي بس عايز اقولك انك لو رجعتي هتبقي في خطر اكتر ولو كملتي ممكن حد يطلعلك اسمه ابو رجل مسلوخه!
*انت فاكرني طفله قدامك!
(استفزني جدا وسيبته ومشيت وانا خايفه طبعا مكنش ينفع ارجع لان ده الطريق الوحيد الي بيوصل للبيت ومفيش طريق غيره لاقيت فجأه في شخص مسك ايدي فجأه...بصيت ورايا اشوف مين )
* انت كمان بتمسك ايدي ده انت قليل الادب
※ بس لو تبطلي طولة لسانك دي هنعرف نتفاهم قدري اني جيت اساعدك بالرغم من الي انتي عملتيه معايا ودي كانت قلة ذوق جدا... بصراحه وبعدين هو اي حد ماشي في الطريق ده يبقي عايز يأذيكي او بيراقبك مثلا
* انا معملتش حاجه غلط انا كنت عاوزه حد يساعدني بس انت استفزتني جدا وطريقتك مستفزه..
※انا
*ايوه انت
※ طيب بعد اذنك بقا انا ماشي ابقي دوري علي حد يساعدك
* استني بس!!
※اي تاني
* انا عارفه اني قليلة الذوق جدا وعارفه ان شكلي مرعب جدا وعارفه انك مش طايقني كمان انا اسفه جدا بس كنت محتاجه منك مساعده صغيره....
لو سمحت؛!
※ اتفضلي قولي
*كنت عايزة تليفونك!
※ نعم!
* عايزة اعمل مكالمه لبابا عشان يجي ياخدني!
※ امم قولي كده طيب قولي الرقم.
*012*****50 اتفضل
_ الو
_بابا انا فيولا .....
(حكيت لبابا كل حاجه وعن الشخص الي قابلته وان هو الي اداني التليفون بابا طلب يكلم الشخص ده لما كلمه بابا قالي متمشيش وافضلي عندك وانه جاي وطلب من الشخص يمشي عشان مش واثق فيه وخايف عليا بس الشخص ده ممشيش!)
※اسمعي بقا لو فاكره اني هسيبك ف المكان ده لوحدك تبقي غلطانه
*بابا قال لازم تمشي يعني لازم تمشي
※خلاص استني باباكي وناخد رأيو ف الموضوع اي رايك!!؟
*لا طبعا هو انا اعرفك اصلا
(عمل الكشاف في وشي فجأه وقال علي فكره انتي جميله اووي)
* علي فكره انت شخص مستفز
※اسمي ادم
*مسألتش عن اسمك
※ انا كلية الطب وانتي؟
* ايه يعني في كلية الطب معاك حصانه يعني وبعدين وانت مالك لو سمحت اقف وانت ساكت
※حاضر بس يعني اي ڤيولا!؟
* وانت عرفت اسمي منين بقا
※ انا سمعتك وانتي بتكلمي باباكي
*ياربي ارحمني.. بابا جه الحمدالله
الاب: انا مش قولتلك تمشي
ادم: انا اسف بس مقدرتش اسيبها لوحدها وحضرتك شايف المكان شكلو عامل ازاي
االاب: شكرا يابني انا مقدر الي انت عملته والحمدلله انك طلعت شاب كويس والا بنتي كانت ضاعت دلوقتي
ادم: العفو ياعمي دي اقل حاجه ممكن اعملها
الاب: يلا يا فيولا
فيولا: شكرا علي المساعدة
ادم: بنظرة اعجاب: العفو♥
(ياتري هقابلها تاني).....
( مشيت ساعتها واتمنيت نتقابل تاني اكيد الصدف هتجمعني بيها تاني)
(منزل ادم)
(دخل ادم البيت واحتضن امه)
ادم: وحشتيني ياست الكل
االام: يلا قولي اتاخرت ليه ومتغيريش الموضوع
ادم: اممم انتي عامله اكل اي النهارده
االام: ادم
ادم: طيب خلاص انا استسلمت هقولك
(حكيت لماما علي كل حاجه والبنت الي شوفتها وفضلنا نتكلم حوالي ساعه واكتر كمان ماما كانت بتسمعني وهيا بتبتسملي عشان ماما كانت امنيتها الوحيدة انها تلاقي ليا عروسه وتشوف احفادها حواليها يملو عليها البيت نسيت اعرفكم بنفسي انا ادم دكتور جراحة قلب.. انا في تانيه طب وبشتغل في مستشفي الصبح واخر اليل بشتغل بيوتي سنتر في شركه طبعا عشان المرتب مكنش كويس اطرين اشتغل تاني عشان اجيب العلاج لماما طبعا خدوني عشان لغتي الانجليزيه كويسه جدا طبعا بقضي يومي الصباحي في المستشفى بين المرضي و اخر الليل بقضيها ارد علي مكلمات واحل مشاكل الناس بالنسبة للشركه والخطوط.
انا "ادم سيف الدين "بصراحه انا مش مؤمن بالحب نهائي لانه مجرد فكره غبيه بالنسبالي ان الشخص يحط نفسو في صندوق اكاذيب واحتيال وانك مش هتعرف تفرق بين الشخص الكاذب والشخص الصادق معاك عشان كده انا جبان في الموضوع ده بخاف ادخل في علاقة حب وتطلع وهميه وانا الشخص اللي هيخسر في الاخر. طبعا هتقولو ليه فكرت كده بصراحه كنت بشوف الناس حواليا بيحصل معاهم كده كنت بدخل المستشفى الاقي معظم الحالات حالات انتحار كنت استغرب جدا ازاي قصتهم تنتهي بالطريقة دي طريقه بايخه اوووي اووه نسيت اقولكم حاجه انا عايش مع مامتي مامتي عندها64 سنه عندها مرض مزمن وبتعاني من الحساسيه الصدريه بتاخد بخاخه وماشيه عليها بقيت حياتها اسمها (اعتماد) اما بالنسبة لبابا اسمه (سيف) ف هو اتوفي في حادث، طبعا الحادث ده كان مقصود لبابا واقرب الناس ليه غدرو بيه عشان الشركه الي بينهم والفلوس افتكرو لما بابا يموت هيقدرو ياخدو نصيبو ف الشراكه الي بينهم بس طبعا ده محصلش لاني لحد دلوقتي القضيه بتاعت بابا متقفلتش كل مره كان القاضي بيقفل القضيه كنت بفتحها تاني عشان اخد حق بابا.... سمعتو قصتي.!!! لسه القصه مخلصتش
االام: ادم انا مبسوطه جدا اوصف لي شكل البنت دي شكلها عامل ازاي قول اسمها اي بيتها فين عشان نتقدم لها
ادم: حيلك حيلك اهدي بس انا معرفش غير اسمها وبس اسمها فيولا
الام: اسمها حلو اوووي بس هنتقدم لها ازاي وهشوفها ازاي
ادم: انا واثق اني هقابلها تاني الصدف هتجمعنا..!
بس بصراحه البنت دي عنيده جدا ولسانها طويل
الام: هههههه انا فرحانه اوي اخيرا في حد بقا في دماغك
ادم: طب مش هنقوم ناكل ولا اي
(فضلنا قاعدين وبنضحك ودي كانت اول مره اشوف ضحكت ماما مرسومه علي وشها، دخلت اوضتي عشان انام لان عندي شغل بكره كالعاده مش هاجي البيت غير الساعه 11)........
ادم: صباح الخير ياست الكل
االام: صباح النور ياحبيبي يلا عشان تفطر
ادم: تسلم ايدك ياست الكل
الام: ربنا يخليك ليا ياحبيبي وميحرمنيش منك ابدا
ادم: ويخليكي ليا يا ست الكل
الام: اوام كده خلصت اكلك
ادم: مانتي عارفه بقا اكل المستشفي هو الي عمل فيا كده
الام: ربنا معاك ياحبيبي ويوقفلك ولاد الحلال يارب
ادم: اشوف وشك بخير ياماما
الام: في رعاية الله ياحبيبي
(خرجت وجريت بسرعة عشان الحق العربية الشغل بتاعي قبل مفوتها زي كل مره........ اوووف يادي النيله فوت العربيه تاني هطر استني نص ساعه عشان تيجي اي مواصله.... قومت اشتري قهوتي ورجعت قعدت ف مكان الانتظار وانا قاعد بشرب القهوه في عربيه جت بس للاسف لو ركبت العربيه دي مش هوصل المكان بالظبط هطر اخد مواصله تانيه مش مهم بقا عشان شكلي هتاخر لو استنيت اكتر من كده مبدهاش بقي ربنا يستر........ وقفت العربيه وركبت وقعدت جم بنت مكنش في غير المكان ده الي فاضي
ادم: انا اسف ممكن اقعد هنا
البنت: .....
ادم: شكلها بتعييط! (قعدت جمبها وفضلت ابص لوشها هيا كانت قاعده جمب الشباك بس لاقيتها بتعيط جامد جدا وحبيت اساعدها بس مش عارف ازاي)
ادم: منديل!
البنت: لا شكرا مش عاوزة
ادم: هو حضرتك بتعيطي ليه؟!
البنت: وانت مالك بتدخل في حياة الناس ليه
ادم: بس بس انا اسف جدا بس كنت حابب اساعدك واانا غلطان جدا وبعتذرلك تاني
البنت: شخص مستفز ده وقتك
ادم: حضرتك بتقولي حاجه؟؟
البنت: ايوه بقول انك تسيبني اعيط براحتي
ادم: ( هيا بتكلمني بضهرها كان وشها ناحية الشباك بالظبط مكنتش قادر اشوف شكلها) ادم وهو سرحان امتي هقابلك بقا!.....
البنت: افندم اي قلة الذوق دي
ادم: انا اسف مكنتش بكلم حضرتك الكلام مكنش ليكي واظن كفايه اوووي لحد هنا واحترمي اسلوبك ها
( البنت لفت وشها بعصبيه وكان عينيها مليانه بالدموع)
ادم: انتي!!!
فيولا: هو انت! انت بتطلعلي منين ياعم انت
ادم: اكيد مش عفريت مثلا
فيولا: وانت بقا متعود تسال كل واحد هو مالو!!؟
ادم: انا مواريش غير اني احل مشاكل الناس
فيولا: كانت صدفه مهببه لو سمحت عايزة انزل هنا
( فيولا نزلت وبصراحه المره دي قررت مسبهاش نزلت معاها عشان الحقها)
فيولا: دي تاني مره تمسك ايدي المره الجايه هقطعهالك
ادم: علي فكره اسمك فيولا والاسم لطيف جدا بس انتي بترعبيني بجد انتي مش لطيفه زي اسمك ليه!
فيولا!:( تفكر..... دي مش اول مره حد يقول اني مرعبه او مش لطيفه) (فيولا افتكرت صحابها لما كانو بيتنمرو عليها) في لحظة سكوووون
ادم: انا اسف مقصدتش ازعلك بس كنت بهزر عادي يعني انا كنت اقصد عشان....(فيولا قاطعته)
فيولا: انا غلطانه اني وقفت معاك وافتكرتك شخص كويس بس انت طلعت شخص شرير انت طلعت زيهم انا متمنتش اني اقابل شخص زيك ابداااا انت شخص مريض ومعقد
(جريت فيولا وهيا بتعيط وادم واقف مصدوم من الكلام هو مش فاهم هيا قالت ليه كده)
_ياتري انتي كمان زيهم!
( ادم دخل كافيه وفضل قاعد يفكر ف كلام فيولا ومضايق جدا لدرجة انه فوت الشغل بتاعو...!)
في الكافيه:
ادم:....
فيولا: انا اسفه
ادم: لا عادي!! (اادم قام وساب الكافيه)
فيولا:( لا منا مش هسيبك المره دي بقا غير لما تسامحني)
فيولا: مسكت ايدو عشان توقفو: استني بس ممكن نتفاهم
ادم: جايبه الجراءه دي منين سيبي ايدي( بعصبيه)
فيولا: انا اسفه انا كنت عاوزه اقولك اني مقصدتش اي حاجه وان دي كانت لحظة غضب وجايه اقولك اني حاسه بالذنب.. انا اسفه عن ازنك( وهي تبكي)
ادم: استني وانا ميرضنيش انك تمشي زعلانه برضو انا كمان اسف
فيولا: شكرا اانا همشي عشان اتاخرت
ادم: عندك مانع اعزمك علي قهوه!
فيولا (بغضب): بمناسبة اي ان شاء الله
ادم: اهو شوفتي لسانك رجع تاني اهو
فيولا: انت مستني مني اني اوافق بصفتك اي اصلا
ادم: صديق!
فيولا: مبصاحبش.. عن اذنك
( مشيت فيولا وفضل ادم واقف مكانو مذهول منها)
ادم: اكيد هنتقابل تاني 💙
بدل ماتدور وتبحث علي الروايات خليها علي تليفونك وحمل تطبيقنا
