روايه موقف سيارات الفصل الرابع بقلم حسام يونس
فى الميعاد المحدد
. وصل جمال إلى المشفى وصعد إلى مكتب الدكتوره سهام...وطلبت له الدكتوره فنجان قهوه...وجلسوا فى الانتريه.
سهام...طمنى ايه الاخبار
جمال...الاخبار عند حضرتك نجوى كانت عندك واكيد حكتلك.
سهام...عاوز اسمعك انت ...انطباعك أنت على نفسك.
جمال...للاسف خذلتك وخذلت نفسى.
سهام ...كمل كلامك سمعاك.
جمال...قدرت اسيطر على نفسى مع الولد واخدت خطوات كويسه معاه...على الأقل مبقاش بيخاف منى طول ما انا قدامه.
سهام ...ده خطوه مهمه اوووى فى علاقتك مع الولد.
جمال ..صلحت مع الولد وبوظت الدنيا مع نجوى.
سهام...ده اللى عاوزه أفهمه منك...هو الموقف يستاهل انك تشك فى مراتك وتجرحها للدرجه دى.
جمال...منصور ده عجوز متصابى وسيرته وسمعته فى المكتب مش كويسه خالص.
سهام...بس الطرف الأقوى عندك نجوى حب العمر نجوى حريصه عليك وعلى حياتكم سوا
جمال...انا زعقت شويه وسبت البيت ونزلت...ومن يومها مشفتهاش...طول ما هى فى البيت قافله عليها الباب
سهام...انت لما زقتها اتخبطت فى الدولاب ووشها ورم وساب علامه فى خدها...وكونها مفيش رد فعل اظن دى انسانه عاقله وشاريه اوووى.
جمال...انتى بتتكلمى جد...انا زقتها ونزلت مقصدتش كل ده.
سهام..بس مقتنع انك غلطت
جمال...مقتنع اه...انا اللى غاظنى انها شايفه أن اللى عملته عادى ...ودى اكتر حاجه بتعصبنى.
سهام ..جمال انت عندك صراع نفسى فى كل حاجه علاقتك مع ابوك ومعاناتك معاه فى طفولتك
الا انك بتعمل نفس الشئ مع ابنك
حتى قهر امك من ابوك واحساسك أنه للسيطره مش اكتر ...الا انك بتعمل نفس الشئ مع نجوى
الصراع بقى انك مع الوقت شايف أن ابوك فى قسوته كان صح وأنه عدل من سلوكك وغير نمط حياتك
وبالنسبه إلى نجوى ده سلوك ذكورى عموما وبتستغل حب نجوى وحرصها عليك غلط او بمعنى أدق بتدلع بزياده.
يعنى تغلط وعارف أنها هتسامح
وخوفى أن الأمور توصل معاها لنفاذ صبرها أو طاقتها تخلص فى حبها ليك.
جمال...والحل يا دكتوره
سهام ...الحل جواك انت يا جمال
جمال...ممكن توضحى اكتر.
سهام ...بالنسبه لابنك اعتقد انك لقيت الحل خلاص انك قدرت توزن الأمور بين القسوه والحنيه...انك قدرت تخلق حوار بينك وبين ابنك.
جمال..والحل مع نجوى .
سهام ...لما تيجى نجوى نشوف هى قررت ايه.
جمال ...قررت ايه فى ايه
سهام...بعد ما حكتلى اللى حصل قالت إنها بتعيد حساباتها فى حياتكم سوا.
وده اللى انا خايفه منه
جمال...وضع وشه فى الارض
سهام...زى ما قلتلك خايفه نفاذ صبرها معاك.
جمال.. تقصدى ممكن تطلب الطلاق
سهام...اعتقد ممكن اه
جمال...لا ارجوكى وانتى هتنخلى عننا.
سهام ...جمال قلتلك بلاش تعمل الكارثه وتحلها بأسف بسيط.
جمال...انا مقدرش ابعد عن نجوى
مقدرش اتحمل بعدها عن حياتى.
رن جرس التليفون الداخلى
سهام...رفعت السماعه..ايوه هاتيها بعد عشر دقائق
وضعت السماعه ثم قالت
سهام ...هى وصلت ...بص بقى
انا هقترح انكم تدوا لبعض فرصه تانيه ...وانك فى الفرصه دى هتتغير كليا...ها موافق.
جمال...مندفعا فى الرد موافق
سهام ...زى ما قلتلك لازم تبقى مقتنع من جواك للتغير.
صوت خبط على الباب
سهام ...ادخلى يا فاتن
دخلت فاتن ووراءها نجوى
سهام ...قامت حيت نجوى وجذبتها إلى الانتريه...واجلستها ثم قالت
سهام...بصوا يا جماعه انتم محترمين اوووى وحبيين بعض اوووى ولكن فى بعض الحاجات الصغيره بتقع منكم...انا يقترح عليكم تدوا لبعض فرصه بجد
فرصه تكتشفوا فيها نفسكم الاول
وتكتشفوا فيها بعض...مع شويه طولة بال منكم مع بعض احنا مش فى حرب علشان نتصيد فيها الأخطاء لبعض.
كمان فى حاجه مهمه تحاولوا توفرلوها وقت من حياتكم
نجوى وجمال فى نفس واحد ايه هى...
سهام ...ضاحكه لازم يوم خاص بيكم تخرجوا فيه سوا تتنقشوا فيه
لازم يبقى فى بينكم حوار
ونصيحه مهمه ليك يا جمال لو حسيت انك متوتر قبل ما تتكلم عد لحد خمسه فى سرك وبعدين اتكلم
الموضوع ده هيساعدك كتير انك تسيطر على اندفاعك.
تحبوا تيجوا هنا تانى امتى..اسبوع ولا اتنين ولا تلاته ولا اتصل انا فى الرابع احدد ميعاد اجى اشرب معاكم الشاى.
جمال...أن شاء الله تيجى تشربى معانا الشاى.
قامت سهام حيت جمال..ثم حيت نجوى واحتضنتها وهمست لها
بيموت فيكى .
بدل ماتدور وتبحث علي الروايات خليها علي تليفونك وحمل تطبيقنا
