.jpeg)
رواية انا وابن خالتي الجزء الثالث الفصل التاسع بقلم عمرو راشد
هاا ياريت حد يقولي هنعمل ايه؟ ماما مخطو*فة والله أعلم هيحصل فيها ايه واحنا قاعدين ومش عارفين نعمل ايه؟
" مروان رد عليا
هنروح نجيبها طبعا يا هند وهي دي فيها كلام
= ازاي؟،، هنجيبها ازاي تقدر تقولي؟
انتي بتسأليني انا؟،، ما عندك هارون وشاهر اهم هما اللي المفروض يتصرفو
" شاهر رد عليه وقال
شاهر مين؟،، هو في حد اسمه شاهر غيري هنا؟
" هارون بص له وقاله
انا وانت اللي هنروح نجيبها يا شاهر
= طب ربنا معاك وينصرك
ماهو انت جاي معايا
= جاي مع مين؟،، يا هارون انا تعبت والله،، ولوسيندا دي مش بتمو*ت اصلا،، دي مهك*رة الحياه
ام هند ست كبيرة ومتستحملش البهدلة مش هينفع تقعد هناك كتير
= نروح نتخط*ف مكانها يعني ولا نعمل ايه؟
" عبدالله دخل بينهم في اللحظة دي وقال
انا شايف يا جماعة اننا نتصالح مع لوسيندا اصل احنا بالشكل دا مش هنعرف نكسبها،، من رأيي اننا نعمل معاهدة صغيرة كدا وهي ترجع خالتي واحنا نبني القصر بتاعها اللي اكيد دلوقتي اتهد
" شاهر رد عليه
عايزنا نروح نتصالح مع لوسيندا عشان تحس اننا مش عارفين نحار*بها وتقضي علينا صح؟
= انا مجرد بقترح حل يعني
اسكت عبدالله عشان كلامك مثير للمشاكل
" هارون رجع يكمل كلامه
انت اللي هتروح يا شاهر و هترجع ام هند
= وبعدين نهرب على الجزيرة السعيدة اللي هنخلف فيها ولاد وبنات ومن غير ما حد يأذ*ينا
انا عامل حسابي متقلقش
= هتجيب حد معانا؟
" هارون خرج من جيبه مفتاح حديد شكله قديم جدا شبه اللي كان معانا و مد ايده بيه ل شاهر اللي بص للمفتاح بإعجاب وقال
انت جبته ازاي؟
= من ضمن كنوز الحروب ال اس دخلناها في العالم بتاعنا لكن عمري ما استخدمته
" مروان دخل في الحوار وقال
هو المفتاح دا بيعمل ايه يا جماعة؟
" هارون رد عليه
دا بيخلي اي كائن حي تحت سيطرتك،، حيوانات أو نباتات او حتى بني آدمين
= حلو أوي دا،، طب ما نستخدمه ونخلي لوسيندا واللي معاها تحت سيطرتنا
مش هينفع طبعا لأنهم تحت سيطرة ابليس،، لكن احنا نقدر نستخدم المفتاح دا على اي حد تاني
= وهو المفتاح دا بيشتغل ازاي
بمجرد ما تغر*ز المفتاح في جسمك
= يعني ايه؟،، هطع*ن نفسي بالمفتاح؟
بالظبط
= يا هارون مانا كدا همو*ت
متقلقش ثم انت مين قالك انك انت اللي هتستخدمه ؟
= اومال مين اللي هيستخدمه؟
" هارون بص ل عبدالله،، عبدالله بدأ يبصلنا كلنا و هو مستغرب
انتو بتبصولي ليه؟
" هارون رد عليه
انت اللي هتروح مع شاهر يا عبدالله وهتستخدم المفتاح
" شاهر اتكلم وقال ساعتها
يا هارون انا كدا هقلق أكتر،، دودي هييجي معايا انا ازاي بالعقل كدا؟
" هارون كان لسة هيرد ولكن عبدالله قاطعه و رد على شاهر
وانا فيا ايه غلط عشان مروحش معاك؟
= اسم دودي دا اكبر غلط
عشان انا مش اسمي دودي،، أنا اسمي بودي
= ايوا مانا قولت دودي،، مش هتفرق
" بعدها شاهر بص ل هارون وقاله
انا مش هروح معاه انسا
= مالو عبدالله يا شاهر؟،، ماهو كويس اهو
يا هارون دا مش عبدالله،، دا دودي و دودي يبقا حبيب سوسو
" عبدالله قام وقف وقال وهو بيزعق
ملكش دعوة ب سوسو
" شاهر رجع يبص ل هارون وقاله
اهو شوفت
" في اللحظة دي انا اتكلمت وقولت
يا جماعة ممكن تحترمو الموقف اللي احنا فيه شوية،، أنا امي مخطو*فة ومش عارفة هرجعها ازاي،، ياريت تقدرو اللي انا فيه وكفاية اوي اللي انتو بتعملوه دا
" هارون قام وقف ساعتها وقال
وانا كلامي اخير ومفيش رجوع فيه،، شاهر وعبدالله هما اللي هيروحو
" شاهر قام وقف و رد عليه
وانت هتدواي جرا*حهم يعني ولا هتعمل ايه؟
= لازم حد يأمن هنا وهناك
طب ما تروح انت هناك وتسيبني انا هأمن هنا كويس اوي اوعدك
= الكلام انتهى يا شاهر،، لوسيندا دلوقتي في القصر بتاعها
" بعدها هارون اخد المفتاح من على الترابيزة ووقف قدام عبدالله
اللي هعمله دا هيأ*لمك شوية هما ثواني وهتتحسن
= انت هتعمل ايه؟
" عبدالله مكملش جملته و هارون غر*ز المفتاح في جسم عبدالله،، عبدالله كان بيصرخ بشدة من الو*جع وشوفت حاجة اشبه بالكورة لونها احمر ظهرت في جسم عبدالله وبدأت تنور ولكنها اختفت بسرعة بعد ثواني،، هارون سحب المفتاح من جسم عبدالله وحطه في جيبه تاني،، عبدالله رجع ل طبيعته ووقف بشكل عادي جدا،، هارون ساعتها قاله
كدا انت تقدر تتحكم في اي حاجة بإشارة واحدة منك
" عبدالله ابتسم و وبدأ يبص لنفسه بإعجاب بعدها رفع ايده ووجهها ل شاهر اللي استغرب وقاله
ايه يسطا في حاجة؟،، انت هتجرب فيا انا ولا ايه؟
" عبدالله وجه ايده ناحية الفازة وشاور ب ايده ل فوق وفعلا الفازة اترفعت ل فوق،، شاهر ساعتها انبهر وقال
يا جماعة في جن معانا في الشقة
" مروان رد عليه
انت اساسا من الجن مستغرب ليه
" بعدها عبدالله نزل ايده تحت وبالفعل الفازة وقعت على الأرض واتكسر*ت،، لقيته بعدها بص على طبق الفاكهة اللي موجود على السفرة و شاور ب ايده عليه ولقيت فعلا طبق الفاكهة طار في الهوا،، شاهر قرب من عبدالله وطبطب عليه وقاله
كفاية يا عبدالله،، كفاية يا حبيبي،، يا بخت من قدر وعفي
" هارون اتكلم في اللحظة دي
اعتقد انكو دلوقتي جاهزين
" شاهر بص ل عبدالله وبعدها علطول شاهر اخد عبدالله واختفى
" لقيت نفسي قدام قصر لوسيندا،، مشينا انا وشاهر لحد ما دخلنا،، شاهر قالي ساعتها
بفكر اعمل اشتراك في القصر هنا عشان شكلنا هنيجي كتير الفترة الجاية
= لا هنا تلاقيه غالي،، روح شوف جنينة البستان بيقولو اتجددت وبقت احلى
يااه جنينة البستان دي مروحتهاش بقالي كتير فعلا
" بصينا قدامنا وشوفنا لوسيندا نازلة من على السلم وهي مبتسمة وقالت
متتخيلوش يا جماعة زيارتكم دي بتسعدني قد ايه
" شاهر رد عليها وقال
كتر خيرك يا فندم،، أنا شاهر شهير الشنهور واسم الشهرة شاهر شهير الشنهوري
= اتعرفنا احنا قبل كدا يا شاهر
زيادة تأكيد
= جايين ليه؟،، محدش يقولي عشان ام هند
في البداية بس أنا أحب انك تقوليلي مين المهندس الشاطر اللي صلح القصر،، بسم الله ما شاء الله يعني انا سايبه من ساعتين وهو بيتهد على دماغك،، مين اللي عمل دا؟،، المقاولين العرب ولا مين؟
" لوسيندا ضحكت وقالت
لا لوسيفر هو اللي عمل كل دا
" شاهر بص ليا وقالي
هو ابليس اشتغل مع المقاولين امتا؟
" لوسيندا قاطعته وقالت
بالمناسبة هو موجود وعايز يشوفك أوي
= اهلا وسهلا خليه يتفضل
مش قدامنا يا شاهر،، أنا هاخد عبدالله ونطلع فوق عقبال ما تخلصو كلامكو
= هتعملو ايه فوق؟
هنمارس الرياضة
= لا لو رياضة تمام مفيش مشكلة،، ربنا معاكو
" لوسيندا سكتت فجأه واتحولت ابتسامتها ل غضب،، أما شاهر كان باصص على شئ خفي في ركن من اركان الفيلا وفجأه شاهر خرج من الجسم البشري اللي كان فيه واتحول ل شكله الحقيقي،، ساعتها سمعت صوت مرعب وغليظ جدا جدا،،
أنتم جئتم إلى العرين والآن لن تبصرو نور الشمس مجددا
" كل حاجة في القصر بدأت تتحرك،، القصر بينهار بالكامل،، شاهر لقيته طار و راح على الركن اللي كان باصص ناحيته اما لوسيندا كانت بتقرب ليا،، كان جنبي تمثال ساعتها رفعت ايدي ووجهتها ناحية التمثال بعدها وجهتها على لوسيندا،، التمثال طار عليها لكنها رفعت ايدها قبل ما يلمسها ووقفته بعدها ابتسمتلي وقالت
كنت عارفة ان هارون معاه مفاتيح تانية
= وايه رأيك؟
" ساعتها رفعت ايدي الاتنين ووجهتها ناحيتها وصرخت لقيتها طارت في الهوا ل ورا و رجعت بسرعة كبيرة جدا لدرجة انها اخترقت الحيطة ساعتها بصيت ورايا كان باب القصر مفتوح،، حركت ايدي ناحية الباب وفعلا الباب اتشال من مكانه بعدها وجهت ايدي ناحية الزرع والأشجار اللي موجودة برا ولقيتهم بيتحركو وبيقربو من القصر،، لكن ساعتها حسيت ب خبطة قوية جدا على دماغي،، وقعت على الأرض وحاسس اني بغيب عن الوعي ولما بصيت شوفت ان لوسيندا هي اللي عملت كدا ب تمثال كان موجود في القصر،، اما شاهر آخر حاجة شوفتها انه كان بينز*ف دم اسود و آثار المعركة باينة عليه،، لوسيندا لقيتها بتسحبني من رجلي وماشية،، مكنتش قادر أقاوم ولا اعمل اي حاجة،، فجأه لقيت مروان طاير،، للحظة حسيت ان دي تهيؤات لكن فعلا مروان كان طاير بأجنحة،، دخل القصر و طار ناحيتي وشال لوسيندا من على الأرض و رماها بعيد،، في اللحظة دي شاهر جري عليا بسرعة وسحبني من على الأرض،، مروان جري ورانا وطار عشان يخرج برا القصر لكن فجأه لقيته وقف في مكانه وهو في الهوا،، بعدها اترما على الأرض بقوة شديدة جدا،، صرخت
مروااان
" كنت لسة هجري عليه لكن شاهر شدني من ايدي وفجأة حسيت ب دوخة بسيطة،، غمضت عيني وفتحتها لقيت نفسي رجعت ل شقة خالتي تاني،، شاهر كان رجع للجسم البشري،، قربت منه و ضر*بته في صدره
انت ايه اللي عملته دا،، ازاي هنسيبه هناك؟
= كنت عايزني استنا عشان نمو*ت صح؟
" هند قامت من مكانها وقالت
مروان فين يا عبدالله؟
= البيه سابه هناك وخلانا نمشي وهو واقع في الأرض والله اعلم ايه اللي حصله
" هارون قرب من شاهر وقاله
الكلام اللي بيقولو عبدالله دا صح؟،، وفين ام هند وفين مروان؟
= ابليس كان هناك وهو اللي كان بيحار*بنا،، دقيقة كمان ومكنتش هرجع لا انا ولا عبدالله
ف تسيبه هناك معاهم؟
" هند اتكلمت وهي بتعيط
يعني ايه،، مروان و امي خلاص كدا راحو؟،، انتو لازم تتصرفو
" شاهر بص ل هارون وقاله وهو بيزعق
مكنش ينفع تستخدم مفتاح الطيران على مروان يا هارون،، كان لازم انت اللي تكون معانا
" هارون رد بصوت عالي
واسيبهم هنا لوحدهم عشان نقدمهم طبق جاهز ل ابليس صح كدا؟
" اتكلمت انا وقولت
طب يا جماعة الوضع دلوقتي اصعب،، هنعمل ايه؟
" هارون رد عليا وقال
هي مستحيل هتعمل فيهم حاجة بس الأهم دلوقتي هما فين؟
" سمعت ساعتها صوت تليفون بيرن،، هند خرجت تليفونها وقالت
دي نمرة غريبة
" بعدها ردت وهي فاتحة الاسبيكر و سمعت صوت لوسيندا وهي بتقول
هاي هند،، أتمنى أن الوقت يكون مناسب،، طبعا انا بعتذرلك على اللي حصل دا بس متقلقيش جوزك و امك بخير،، لو عايزاهم يخرجو وهما لسة عايشين تجيلي ومعاكي هارون وشاهر بس،، هارون وشاهر قصاد امك ومروان،، مقولتليش بقا أنتي بتحبي امك اكتر ولا مروان!!!
#
بدل ماتدور وتبحث علي الروايات خليها علي تليفونك وحمل تطبيقنا
