 |
رواية من الجاني القضيه السابعه 7 الفصل السابع 7 بقلم محمود الامين#من_الجانى اهلا بيكم في حلقة جديدة من سلسلة من الجاني.. حلقة النهاردة من القضايا اللي ظهرت فيها ادلة قلبت الدنيا في المحكمة! انا المقدم سعيد إسماعيل.. لسه منقول جديد لمديرية أمن الجيزة ويمكن نقلي ده جيه في نفس توقيت جريمة قتل رجل من رجال الاعمال القضية اللي اصبحت بمثابة لغز حير الكل وخلاهم يشكوا في نفسهم واقدر اقول اني كنت من المحظوظين عشان تم اسناد القضية ليا.. كنت فرحان جداً عشان دي القضية دي هتكون سبب ترقيتي ان شاء الله .. فتحت ملف القضية وقريت الاسم / سيد الراعي السن / 50 سنة توفي في تمام الساعة العاشرة مساءا في يوم 30 مارس 2021 متأثرا بأعراض كورونا ولكن تم اكتشاف ان هناك شبهه جنائية.. حيث انه بعد تشريح الجثة وجد انه مسموم بسم بطئ التفاعل داخل الجسم وتم اتهام 3 افراد وهم زوجة المجني عليه التي كانت علي خلاف معه وتحاول الطلاق منه عامل الدليفري والذي قام المجني عليه بإهانته بسبب تأخير اوردر طعام شريك المجني عليه والذي كان يريد فسخ الشراكة معه بسبب مشاكل شخصية ... قفلت ملف القضية واستدعيت ال3 اشخاص عشان اخد اقولهم بنفسي.. وحضر ال3 وبدأنا التحقيق .. زوجة المجني عليه _أسمك وسنك وعنوانك؟ _ مريهان حسن الطيب.. 45 سنة.. المعادي _ اي سبب الخلاف بينك وبين المجني عليه؟ _ الخيانة.. كان بيخوني كتير وسامحته بس مفيش فايدة _ طلبتي منه الطلاق فرفض فقررتي تخلصي منه؟!.. مش كده _ لأ... محصلش أنا طلبت منه الطلاق وبس وهو رفض وكنت هرفع عليه قضية خلع _ اي سبب تواجدك في مطعم بيتزا شهير رغم عدم حبك للاكلة حسب معرفتنا من مصادر مقربة منك _ كنت مع واحدة صحبتي بتجيب اوردر من هناك _ تمام.. بس خليكي عارفة انك هتستدعي تاني _ تمام .... عامل الدليفري _ اسمك وسنك وعنوانك؟ _ حاتم عبد الحميد.. 27 سنة.. مصر القديمة _ اي علاقتك بالمجني عليه واي سبب الخلاف؟ _ علاقتي بيه زي اي عميل.. والمشكلة كانت سوء تفاهم وخلصت _ سوء تفاهم اي بس يا راجل؟.. ده مسح بيك الارض قدام الناس كلها _ استحملت اكتر من كده يا باشا مجتش عليه _ عاوز تفهمني أنك مفكرتش تنتقم؟ _ لأ يا يباشا عشان احنا متعودين علي كده _ طيب واي خلاك تهدد المجني عليه بالقتل في رسالة وجدت علي تليفونه؟ _ مجرد كلام لحظة عصبية مش اكتر _ اممم.. تقدر تتفضل ... شريك المجني عليه _ اسمك وسنك وعنوانك؟ _ محمد مهدي.. 55 سنة.. المعادي _ سبب الخلاف مع المجني عليه؟ _ خلافات في الشغل وخلافات بسبب ابنه اللي سبب لبنتي صدمة عصبية بعد ما سابها يوم فرحها _ وكان اي رد المجني عليه؟ _ وقف مع ابنه للاسف.. وبالنسبالي معدش فارق معايا حتي لما عرفت انه مات _ بس انت هددت المجني عليه في الشركة بالقتل لو ابنه قرب من بنتك _ ده صحيح ولو اي حد مكاني كان هيقول كده برضو _ اممم.. تمام تقدر تتفضل ... التلاتة عندهم دافع.. والتلاتة مشتبه فيهم لكن في شهادة من مالك محل البيتزا.. أن حاتم مكنش مظبوط الفترة الاخيرة وكان بيتكلم في التليفون كتير وعلي طول متعصب بجانب ان صحبة الاستاذة مريهان واللي كانت معاها في محل البيتزا قالت ان مريهان كانت بتفكر ازاي تخلص منه ... تفتكروا بعد الكلام ده.. من الجاني؟ ... #محمودالأمين حل القضيه السابعه من هنا |
تعليقات
