روايه موقف سيارات الفصل الخامس بقلم حسام يونس
Parking
الجزء 5
الحاله الثانيه
سهام على مكتبها...وامامها اللاب توب الخاص بها تدون عليه بعض ملاحظات الحالات.
جرس الهاتف الداخلى يرن..ترفع السماعه..وتقول خليها تتفضل..وترجع إلى اللاب توب تكمل ما كانت تقوم به...إلى أن تسمع طرق على باب الغرفه.
سهام ..ادخلى يا فاتن
تدخل فاتن ومعها سيده فى منتصف العقد الرابع من عمرها...وزوجها فى العقد الخامس من عمره...وابنتهما فتاه فى غايه الجمال فى السابعة عشر من عمرها.
حيتهم سهام وطلبت منهم الجلوس أمامها والفتاه جلست بعيدا فى الانتريه.
بادرتهما سهام ...خير ان شاء الله
الام ...انا كوثر عزام محاميه...وأمأت برأسها إلى زوجها ومحمود راجل اعمال عنده شركه تصدير واستيراد وبنتنا سالى فى ثانويه عامه
واحنا جايين عشانها بقالها فتره متغيره اووى حتى مستواها الدراسى بقى منحدر وهى طول عمرها متفوقه...وكمان مش بتاكل وطول الوقت منزويه الخلاصه فى تغير جذرى فى شخصيتها...فقلنا نيجى نطمن ونشوف ايه الحكايه
سهام...طيب بفضل اقعد مع البنوته لوحدنا...وياريت حضرتكم تنزلوا تحت وبعدين هطلبكم تانى
قام الاب والام وتوجهوا إلى انتريه الاستقبال..توجهت فاتن موظفه الاستقبال إليهم
فاتن تحبوا تشربوا ايه
محمود ..انا هاخد قهوه مظبوط
كوثر ..وانا قهوه مظبوط بردوه
فاتن نادت على الشاب المختص بالبوفيه وطلبت منه اتنين قهوه مظبوط...وانصرفت
سهام ..قامت حيث تجلس الفتاه وابتسمت لها ثم قالت
سهام ..عرفينى بنفسك..اسمك وسنك.
سالى..أسمى سالى محمود..عندى 17 سنه فى ثانويه عامه.
سهام...بصى يا سالى ثقى أن اللى هيتقال هنا بنا مش هيطلع لأى مخلوق الا إذا وافقتى...عاوزه نكون واضحين فى كلامنا ولازم تعرفى انى بساعدك وقادره احميكى بكل قوتى...متفقين.
سالى ...متفقين.
سهام ابتدى بقى وقولى كل اللى يجى فى بالك..وانا سمعاكى
سالى...احنا اسره صغيره ماما وبابا وانا واخويا عاصم عنده 15 سنه
ماما هى المتسيده فى البيت اوقات بحس أن بابا تابع لقرارات ماما...معرفش هى ثقه منه فيها وفى قراراتها...ولا بيكبر دماغه.
بمعنى كل صغيره وكبيره فى حياتنا ماما هى صاحبة القرار فيها.
سهام...وبابا بيبقى عارف بالقرارات دى ولا لا.
سالى ..لا عارف ماما بتقوله.
سهام ..طيب يا سالى دى ثقه بينهم.
سالى ..حتى لو فى اعتراض منه على اى شئ...بيوافق فى النهايه على قرارات ماما.
سهام...تقصدى شخصيتها قويه .
سالى ...ايوه بالظبط.
سهام...كملى يا سالى
سالى ..حتى زميلاتى فى المدرسه لازم تشوفهم وتقول أصاحبهم أو لا
وطبعا مش بتوافق.
سهام...وانتى ليه مش بتتناقشى معها فى كده.
سالى..ماما كل حججها ليه دراستك اولا وكل ده هياخد من وقتى وطاقتى.
سهام ...كملى يا سالى
سالى ...من سبع شهور وافقت ماما...أن تدخل جهاز الكمبيوتر البيت
وفى المدرسه كنت بسمع من البنات
على صداقتهم مع اولاد
والفضول والفراغ والوحده خدتتى انى ادور على صداقات على النت
وبالفعل اتعرفت على واحد من اسكندريه هو طالب فى كليه تجاره
جامعه اسكندريه...ومع الوقت بقينا اصدقاء وبحكيله كل صغيره وكبيره فى حياتى وفى بيتنا.
وهو كمان كان بيحكى كل حاجه وصورلى بيتهم وحياتهم...هو ابوه
متوفى وعنده بنتين اصغر منه منهم واحده زى فى ثانويه عامه.
سهام ..وطلب منك تصورى بيتك
سالى ...اه فعلا وفتحتله فيديو ووريتوا البيت كله.
سهام ...وعجبوه البيت .
سالى ...اه كان مبهور الصراحه.
سهام ...كملى يا سالى.
سالى ...فى يوم صارحنى أنه بيحبنى وان اول ما ظروفه تتحسن هيجى يتقدملى.
سهام..وانتى كنتى بتحبيه
سالى ...الصراحه اه ..اول مره حد يهتم بيه ويحسسنى بذاتى.
سهام...اممممم كملى يا سالى
سالى ..فى مره كنا بنتكلم وقلت انى كنت فى تمرين سباحه فى النادى
فطلب يشوفنى بالمايوه.
طبعا رفضت ..بس فضل يلح عليه من باب أنه لازم يشوف من باب أنه غيران عليه وعايز يشوف المنظر العام.ولما صممت على الرفض زعل وفضل اسبوع مش بيكلمنى وانا هتجنن أنه زعلان وكنت فعلا مفتقداه...فوافقت واتصورت وبعتله مجموعة صور.
بعدها كلمنى أنه فى مشكله ومحتاج 500 جنيه ضرورى.
وسحبت المبلغ من حصالتى وبعتهم له عن طريق فودافون كاش.
وبقى كل شويه يطلب منى فلوس
لغاية لما حصالتى فضيت خالص
وقلتله إن ده اخر مبلغ معايا
فلقيته بيقولى بيعى دهب من اللى انتى لابسه واعتبرى الفلوس دى سلف هدهالك اول ما يجيلى فلوس
ولكن انا معرفش ابيع والكلام ده.
اختفى شويه وفهمت انا أنه كده
بيبتزنى..وانى غلط انى عملت معاه صداقه وصلت للحب.
وأحوالى ابتدت تتبدل وماما طبعا لاحظت..
وفجأه كده ابتديت اعاقب نفسى
وخلعت الجاكيت اللى لابسه
وظهر دراعها مشوه من الجروح التى أحدثتها بسن القلم .
سهام ...ايه ده.
سالى كنت بعاقب وكارهه جسمى
سهام ...هو حصل حاجه غير الصور
سالى ...لا والله
سهام...حاول يكلمك تانى
سالى حاول كتير بس انا مكنتش برد عليه ..لحد ما فاجأنى وسابلى رساله طالب خمسه وعشرين ألف جنيه لاما هيفضحنى بالصور عند كل معارفى وأهلى...وانهارت بالبكاء
فقامت سهام احتضنتها
سهام...ولا تخافى ولا تقلق منه ده صنف واطى..ده بيضغط عليكى علشان تتصرفى وتجيبيلوه الفلوس
سالى ...للاسف خفت وبعتله دهب باكتر من اللى طلبه.
سهام ..ازاى ده حصل.
سالى ...بعتلى واحد بيقول صاحبه عند المدرسه واخد الدهب على أساس هيبيعه ويبعتله الفلوس.
سهام ...طبعا كل ده محاولتيش تقولى لماما.
سالى ...لا طبعا ماما تموتنى.
سهام ..ماما ست متعلمه ومحاميه
مش ممكن تضرك...انا شايفه انك بتبالغى فى خوفك منها...قوليلى عقاب ماما ليكى بيكون ازاى.
سالى ..بتسحب اللاب والفون...وتخاصمنى بتقعد فترات مش بتكلمنى وتخلى بابا كمان ميكلمنيش.
سهام...حببتى انتى لازم تثقى فيه
لازم ماما وبابا يعرفوا ومتخافيش هنتكلم فى الحل مش فى العقاب.
سالى ..لا ارجوكى انتى وعدتينى مش هتقولى حاجه.
سهام..يابنتى افهمى احنا كده قدام قضيه ابتزاز مش سوء تربيه ام ...ده اكيد انتى وغيرك بيبتزكم...صدقينى واوعدك هنحل وبس محدش هيتكلم معاكى خالص.
اخرجى اقعدى بره اشربى حاجه تهدى اعصابك وانا هطلبهم هنا..لازم نحل الكابوس ده غلطتك انك خبيتي على ماما.
عقاب ماما ليكى حب مش بتضرك
سالى ...وقفت وتحركت خارج الغرفه فى خطى ثقيله للغايه.
سهام اتصلت بالاستقبال طلبت الاب والام...ثم جلست على مكتبها.
دخل الاب والام وجلسا أمام سهام
سهام ...الموضوع مش نفسى على قد ما هو فى سور بينكم وبين البنت
الاب...ممكن توضحى لوسمحتى كلامك.
سهام...بنتكم كبرت وبقت انسه وعلاقتكم بيها عباره عن قائمه ممنوعات..كل اللى يهمك يا مدام كوثر..التفوق الدراسى وبس..خلتيها تدور عن الدفئ فى النت.
وللاسف بقت عرضه الابتزاز من شاب معندوش ضمير.
الام ...ابتزاز ليه
سهام ..بعض الصور العاديه بس هى من خوفها منك استجابت لابتزازه.
الام...علشان كده حصالتها فضيت...ودهبها كانت بتقول بيضيع منها.
سهام ...بالظبط
بس ياريت نتعامل بحكمه وبلاش تعنيف ولوم...بنتك وصلت لمرحله أنها جرحت جسمها كله بسن القلم
الاب ...بنتى اتحطمت يعنى
الام ...لا متخافش دى بقت قضيتى
متقلقش على بنتنا يا محمود
محمود...انا مش هقدر اسامح نفسى
على تقصيرى معاها
سهام...مع احترامى للمدام المسؤوليه الأكبر عندها المفروض البنت فى المرحله دى تكون قريبه منها اكتر من كده...عمر التربيه ما كانت اكل وشرب...أو التفوق. الدراسى معيار التربيه السليمه
هنجيب سالى دلوقت قدمولها الدعم النفسى وعرفوها انكم مش هتتخلوه عنها مهما حصل.
وياريت تفتحوه معاها صفحه جديده كلها ثقه وامان ..تانى يا مدام كوثر بلاش تعنيف ولوم ياريت...وحضرتك يا استاذ محمود قرب منها خلى بينكم حوار دايما.
ثم تحركت سهام ومسكت سماعه التليفون..وطلبت من الاستقبال ارسال سالى إليها..
سالى دخلت الغرفه جرت عليها الام واحتضنتها.
الام ...انا اسفه يا سالى بس اوعدك اجبلك حقك من الحيوان ده.
الاب ...حقك عليه يا سالى واوعدك مش هبعد عنك تانى مش هخلى الشغل يخدنى منك .
سهام ..احب اعرف هتعملوا ايه دلوقت .
الام...انا محاميه هشتغل قانونى معاه علشان ياخد عقابه
هعمل محضر ونوصله وهما هيتعملوا معاه بطريقتهم
سهام ...مظبوط كده .
ثم نظرت إلى سالى وناولتها كارت لها من على المكتب...اى حاجه كلمينى وانا جانبك مع ماما ..عمر ما فى ام تقسو على بنتهاثقى فى ده تماما.
ارتمت سالى فى حضن سهام
بدل ماتدور وتبحث علي الروايات خليها علي تليفونك وحمل تطبيقنا
