 |
رواية من الجاني (حل القضيه الخامسه 5) بقلم محمود الامينحل حلقة #من_الجاني؟ ... كان لازم نعرف زياد كدب علينا ليه هو كده المشتبه رقم 1 بعد ما عرفنا انه كدب علينا اتقبض عليه واتحقق معاه وكانت اقواله _أنا والله ما قتلته.. أنا رحت وكانت في نيتي اتخانق معاه بس كنت بكرهوا كان دايما بيجيب سيرتي وبيتريق عليه وبعد ما مشي بيقول للناس اني انا السبب وعايش في دور المظلوم لكن لما وصلت هناك لقيت باب الشقه مفتوح ودخلت لقيته مقتول.. والله ده اللي حصل .. اتحفظنا عليه لكن معني كلامه ان عم طه.. طارق لازم هو كمان يتواجه بالكلام ده.. لكن كنا اذكي منه اتقبض عليه وقولتله جار طه كانت عنده كاميرا قدام الشقة وعرفنا مين هو القاتل الراجل عرق واتوتر وبان عليه القلق وأتكلم وقال _ اخويا كان مضيع فلوسه كلها في كلام فاضي وكان رافض يساعدني عشان كده مضيته علي كل حاجه وهو على فراش الموت وساعتها طه كان مسافر لما رجع طالبني بفلوس أبوه لكني رفضت وطردته.. الواد مسكتش ده فضحني في كل حتة.. شوه سمعتي في السوق وعشان اكمل كان لازم اخلص منه روحتله الشقة يومها واول ما شافني قال _ انت اي اللي جابك هنا؟ _ جاي عشان نتفق يا ابن اخويا واديك نصيبك _ لا والله ومن امتي الحنية دي؟ _ طيب هتسبني كده علي الباب _ اتفضل .. دخلت الشقة وقعدت وقولتله _ اعملنا اتنين قهوة كده عشان نعرف نتكلم دخل يعمل القهوة ومكنش في بالي اي جواب ولا حاجه لكن لقيت علي الترابيزة ورقة مكتوب فيها انه يأس وبيفكر ينتحر حسيت انها فرصة مش هتتعوض ولما رجع بالقهوة ادتله شيك بمبلغ كبير اخده وقعد علي الكرسي وهو مش مصدق نفسه في اللحظة دي خرجت مسدس كاتم الصوت وقبل حتي ما يحاول يعمل حاجه قربته من دماغه وضربته بالرصاص وقع علي الارض اخدت الشيك ومسكته المسدس خليت عليه البصمات.. وكده خلاص انتحار مفيش كلام جيت اخرج من الشقة سمعت صوت رجلين طالعة علي السلم.. سبت باب الشقه مفتوح وطلعت كام سلمة وبمجرد ما دخل نزلت بسرعة وجيت عند مدخل العمارة ومشيت علي مهلي عشان محدش يشك فيا.. ومفيش دقيقة ولقيت واحد نازل يجري معرفهوش رجعت علي المحل وبس هو ده اللي حصل .. بشاعة الحكاية متتوصفش والطمع قل ما جمع وحكم الاعدام قليل عليه بجد .. #محمودالأمين القضيه السادسه الفصل السادس من هنا |
تعليقات
