رواية موقف سيارات الفصل الخامس و الاربعون بقلم حسام يونس
الحاله الثامنه عشر
دخل فايز المشفى فى خطى سريعه..ومعه زوجته داليا تتبعه بخطى بطيئه...وتوجها الى الاستقبال.
فايز...لو سمحت فى حجز باسم فايز عرابى وحرمه.
فاتن...هبلغ الدكتوره وهتدخلوا حالا
ثم تكلم الدكتوره من خلال الهاتف الداخلى..تخبرها بوصول الاستاذ فايز وحرمه.
ثم تنظر إليهم اتفضلوا معايا الدكتوره فى انتظاركم..وتتقدمهم إلى مكتب سهام
وتطرق الباب وتدخل بعدما أذنت لها سهام بالدخول.
سهام ..تقف وراء المكتب وتسلم على فايز وزوجته مع تفحصهم لتعرف من صاحب الحاله وايقنت أنها زوجته من وجهها الدبلان وآثار الدموع على ملامحها
وتطلب من فاتن أن تبلغ البوفيه بأن يحضر لها قهوتها واتنين عصير للضيوف
وتنصرف فاتن مبتسمه .
فايز...دى زوجتى داليا
سهام...اهلا بيكم
فايز ...من تلات ايام كنت واخد داليا وبنتنا نتعشا بره فى مطعم شاورما
واحنا فى انتظار الاكل فجاه داليا قامت مسرعه وسحبت سكينه من على التربيزه وهجمت على راجل كان قاعد بياكل فى أحد أركان المحل.
ولكنى لحقت بها انا واحد عمال المحل ومنعناها من أن تسدد السكين للراحل
وكمان الراجل خرج جرى من المحل
ومن يومها وهى أحوالها مش مظبوطه
على فى السرير ما بين نوم أو عياط مستمر...الصراحه مش بتتكلم ولا عاوزه تفهمنى ليه ده حصل.
سهام...متجوزين من امتى
فايز ..من حوالى تسع سنين...وعندنا بنت
عندها تمن سنين.
سهام...حضرتك شغال فى ايه
فايز...موظف حسابات فى جمعيه خيريه
سهام...والمدام بتشتغل
فايز...لا ست بيت
سهام...لو سمحت اقعد فى الاستقبال وانا هتكلم مع المدام شويه وبعدين اناديلك
فايز...قام واقفا حاضر ماشى وطبطب على كتف داليا وهو خارج.
سهام تحركت من وراء المكتب وجلست على الكرسى المقابل لها...ونظرت لها باسمه ...انتى منين يا داليا
داليا ...من قريه من قرى الشرقيه
سهام...بسم الله مشاء الله...جمالك ملفت للنظر.
داليا...للاسف جمالى ده سبب كل نكبه فى حياتى.
سهام...ليه بس بتقولى كده
داليا...متنهده وتبتسم إلى سهام وتظل صامته
سهام...اولا لازم تثقى فيه ثانيا..انا مش بحقق معاكى ولا ليه انى اعاتبك
كل الحكايه...انى لازم اسمعك علشان اساعدك تعيشى بسلام مع جوزك
وبنتك.
داليا ...احكى ايه ولا ايه بس.
سهام...احكى من الاول ...ولازم تعرفى كل غرضى اساعدك .
داليا...حكايتى تبتدى بوفاة والدى وانا عندى اتناشر سنه وشويه.
ونظرة الشفقه والعطف منين ما اروح
وأبتدت امى تشتغل خياطه على خفيف كده لاهل البلد...لحد ما فى يوم كنا فى فرح لبنت من بنات البلد...وتانى يوم جت خالة العروسه عندنا البيت واخدت امى وقعدوا فى اوده لوحدهم ..وسمعت الست بتقول لامى آن واحد من بلد جانبنا قريب العريس سال عليها امبارح وعاوز يتجوزها.
وسرحت داليا وعيناها لمعت بالدموع
سهام...خليكى معايا يا داليا وكملى.
داليا ...وهو ده معقول...هو سال مين
ردت خالة العروسه...سألنى انا وقلتله كل حاجه عنك وفهمته أن جوزك مات من سنه ونص وان عندك بنت فى تانيه إعدادى.
سالتها امى...بيشتغل ايه وعنده كام سنه
ردت خالة العروسه...بيشتغل موظف فى الرى بتاع المحافظه...وعنده يجى اربعين سنه...وعلى ما يبدو وافقت امى بعد إلحاح خالة العروسه...وإصرار شبابها فا امى عندها خمسه وتلاتين سنه
وبعد ما مشيت خالة العروسه...دخلت إلى امى الاوده وسألتها وافقتى على العريس
امى...انتى كنتى بتتصنتى علينا
داليا...ابدا بس صوتكم كان واصلنى
امى..لازم لينا راجل يا بنتى احنا اتنين ستات لوحدنا ومليش حد فى البلد
داليا...ما عمى محمد موجود هو مش من أهلى بردوه
امى..من أهلك انتى لكن أنا يقربلى ايه
وبعدين لما اشوفه واقعد معاه ابقى اشوف هوافق ولا لا.
المهم امى اتجوزت من توفيق أفندى
وامى ضغطت عليه اقوله يابا
والصراحة اول ما شفته مرتحتش له
لان نظرته غريبه حسيت فيها ببجاحه
سهام...وقعد معاكم فى البيت
داليا ...ايوه قعد وساعدته امى يفرد قلوعه فى البيت...بقت الكلمه كلمته
وبقى حاكم ناهى علينا فى البيت
سهام...وشكل العلاقه بينكم ايه
داليا....الشكل ابوى...لكن النظره بتقول صياد مستنى فرصه ينقض على فريسته
سهام...مش يمكن ظنك ده مش فى محله
داليا....احساس البنت او الست عمره ما يكدب فى الحالات دى...وكمان فى مواقف اتاكدت منها.
سهام...زى ايه
داليا...اكتر من مره احس بيه واقف على باب الاوده اللى بنام فيها واقف يبص عليه.
سهام...احساس ولا شفتيه
داليا...شفته وكل مره كان بيعمل كده كنت يشوفه.
سهام...يعنى الموضوع نظره بس ولا فى حاجه تانيه
داليا...اوقات النظره بتعرى البنت والست
سهام...عارفه انا بس بقول يمكن علشان اخد مكان ابوكى...فا واخده منه موقف
داليا...صدقينى فى كل حرف قلته
سهام...مصدقاكى يا داليا
داليا...مره عمل موقف غريب اوووى
سهام...عمل ايه
داليا...فى يوم كان راجع من الشغل...ومعاه شنطه فى حاجات..وقال لامى شوفى جبتلكم ايه وتقوليلى رايك فى ذوقى.
فتحت امى الشنطه لقيت ملابس داخليه حريمى لى ولامى .
احمر وجهى وجريت على اودتى
وسمعت امى بتقوله ..وكمان منستش داليا.
توفيق...انا ليه بركه الا هى
بدل ماتدور وتبحث علي الروايات خليها علي تليفونك وحمل تطبيقنا
