رواية موقف سيارات الفصل الرابع و الاربعون بقلم حسام يونس
مشكلتي مع ايمن بدأت لما الولاد كبروا شويه واحتياجاتهم زادت...فعرضت على ايمن انى اشتغل...مانع فى الاول ولكن مع الحاحى عليه وافق.
وقررت فى الاول انى ابيع حاجات اون لاين ...وبالفعل عملت صفحه لعرض المنتجات وبقيت بتحرك كتير عن الاول
وشفت شاب صغير فى السن لتسليم الاوردارات...وكانت أول مشاكلى مع ايمن
أنه غار عليه من الشاب ده ..رغم أنه صغير ولكنه بقى يسبب ليه مشاكل كتير بخصوص الشاب ده...ولكنه كان بيعديها
علشان انا شيلت عنه كتير ماديا من المصاريف...والصراحه شغلى ده عملى حاله نفسيه جميله انى فى ايدى قرش وبصرف براحتى على نفسى وعلى الاولاد
والغريب أنه ابتدا يعتمد عليه كتير فى المصاريف...لدرجه انى كنت مضغوطه منه دايما بسبب الأسلوب ده.
سهام...يعنى تقصدى انك كنتى بتصرفى على البيت اوقات.
هبه...لا قدمت على شقه من بتوع الدوله
دفعت المقدمه وكملت الأقساط لحد
لحد ما استلمت الشقه..الغريب بقى أن الشقه باسمه هو مش انا لأن هو كان معايا وانا بقدم عليها.
سهام...المفروض مفيش بينكم فرق
هبه...بس دى فلوسى انا
سهام...كملى سمعاكى
هبه...بعد فتره كده من شغلى جابلى هو شغل فى شركه كبيره بتوزع منتجات غذائيه مستورده...وطبعا راتب اكبر واريح من شغلانه البيع اون لاين.
بس التزام اكبر بمواعيد الشغل...ومع زياده الفلوس معايا زاد طمعه فيه اكتر
وخفت غيرته وخف نقاره معايا
ولكنى من جوايا مش مبسوطه منه ولا من عشرتى معاه.
سهام...دى مشكلة اغلب الستات اللى بيشتغله...مبيعرفوش يفصلوه ذمتهم الماليه عن ذمة ازواجهم
هبه...دايما كلام ايمن معايا مهو شغلك جاى على حساب اهتمامك بيه والعيال كمان.
سهام...وانتى فعلا مهملاه هو والعيال
هبه...العيال لا خالص ...وهو الاهتمام عنده علاقتنا الزوجيه
سهام...وده بيحصل فعلا
هبه...بصراحه اه مبقاش مالى عينه
تصرفاته بقت كلها استغلال ليه
عارفه حتى لو حصل ببقى فاقده الاحساس بيه ومع كل فتره بيحصل فيها بعدها بتجيلى الحاله الصعبه دى
سهام ..وهشام أخباره ايه معاكى فى انشغالك الزايد .
هبه...هشام الحاضر الغائب...مش بشوفه الا نادرا ولكن يوميا فى مكالمه أو رساله واتس
سهام...الوضع كده صعب اوووى
هبه...علشان كده فكرت فى الطلاق
سهام...الطلاق مش سهل يا هبه...واعتقد ايمن بيحبك ومش بالسهل يفرط فيكى
هبه...عارفه خصوصا انى مليش حد الرحله.
سهام...ولا خايفه ياخد الولاد
هبه...ما اظنش يقدر على مصارفهم
سهام...مع العند هيقدر...انتى طلبتى منه الطلاق.
هبه...ايوه طلبته منه .
وقلى...انتى اتجننتى ولا ايه
قلتله...مضطرنيش ارفع عليك قضية خلع
قلى ...انتى مصممه يعنى
قلت...ايوه
قلى...أهدى يا هبه ملناش غير بعض
مش هترتاحى من غيرى ولا انا هرتاح من غيرك...وقام باس راسى...استهدى بالله
هبه...ولم اجد ما أقوله له لانى عارفه انى مليش حد ولكن قررت بينى وبين نفسى الا اسمح له بإقامة علاقه حميميه معه
سهام...ووافق على كده
هبه...لا ده كان قرار بينى وبين نفسى.
سهام...وصمدتى قد ايه قصائده
هبه...لحد دلوقت يعنى فات ست شهور على القرار ده
سهام...مش كتير ومش قليل برده
انتى ايه يرضيكى منه علشان الأمور ترجع طبيعيه بينكم
هبه...يرجع زى الاول يبطل يستغلنى
يحسسنى أن له دور فى حياتى
متبقاش حياته كلها اتصرفى أو ادفعى وابقى اديكى.
سهام...طيب ما تتكلمى معاه
هبه...اتكلمت كتير ...ومفيش فايده
وخلال الفتره دى هشام كانت مراته مسافره فى المصيف وهو كان قاعد لوحده...واخد دور برد جامد...ورقد فى البيت لوحده...فروحت له البيت أزوره
وطبخت له اكل مسلوق....والصراحة رميت نفسى فى حضنه...فضمنى ليه بقوه ضمه عوضت حرمانى منه
لكنه طبطب عليه ورجع لورا خطوتين
هشام...بلاش يا هبه
هبه...بلاش ايه
هشام...خلى اللى بنا نضيف
هبه...انت ايه يا اخى لوح تزلج
هشام...لا انا اخوكى زى ما قلتى
هبه...جمعت شتات نفسها ...انا اسفه بس ليه عندك طلب
هشام...اامرى.
هبه...ساعدنى انساك ..وابعد عنى
هشام..هحافظ عليكى زى منا بحافظ عليكى دايما...وهبعد يا هبه..بس عاوز افكرك انك دايما اللى بتسعيلى مش انا
ومع كده هنفذ طلبك
سهام...موقف صعب على اى ست
هبه...بس مش صعب على هشام
هو فعلا دايما بيحافظ عليه من اول ما عرضت عليه نهرب سوا...ورفض
سهام...دلوقت عرفت انتى متمسكه بمعرفته ليه.
هبه...ومن يومها حاولت أدى لايمن فرصه تانيه...واقرب منه اكتر
سهام...يعنى دلوقت مش بتجيلك الحاله
هبه...لا
سهام...وعلاقتك بجوزك
هبه...الدنيا بقت عادى بس على فترات بعيده.
سهام...لا وضحى
هبه...بمعنى اوضح حاله مزاجيه
يعنى لما افتكر استغلاله ابعد عنه
غير كده الدنيا ماشيه عادى
سهام...سؤال مهم انتى جيتى ليه ليه
طالما الأمور خلاص بقت تحت طوعك
هبه...جيت اطهر نفسى يمكن...اتطهر من هشام ...كل اللى كان نفسى فيه انى اطلع اللى جوايا لحد من غير ما يانبنى
او يجرحنى
بدل ماتدور وتبحث علي الروايات خليها علي تليفونك وحمل تطبيقنا
