رواية موقف سيارات الفصل الثالث و الاربعون بقلم حسام يونس
الحاله السابعه عشر
فاتن تكلم سهام على التليفون الداخلى
فاتن...مدام هبه وصلت فى ميعادها
سهام...خليها تتفضل...ثم تقفل ملف كانت تقرأ فيه...ثم تسمع طرق على الباب
وتاذن للطارق بالدخول
هبه...تدخل وتجلس أمام سهام على المكتب بعينيها تتجول فى الغرفه
سهام...اهلا بيكى يا هبه
هبه..تسلمى يا دكتور...انا جيالك بتوصيه من دكتور صلاح نافع
سهام...عارفه هو كلمنى من يومين وقلى انك هتيجى الاسبوع ده.
هبه...وانا جيت وعشمانه اخف من الحاله اللى انا فيها دى على ايدك خصوصا وأن عضويا بعد التحاليل والأشعة دكتور صلاح ملقاش عندى حاجه.
سهام...دكتور صلاح شرحلى الحاله
بس محتاجه اسمعك انتى ..ياريت تعرفينى بنفسك.
هبه...أسمى هبه الصياد عندى دلوقت خمسين سنه متجوزه من ايمن وعندى ولد وبنت الولد اسمه عمر والبنت منى
عمر عنده 28 سنه محاسب فى بنك
منى عندها 25 سنه محاسبه فى شركه خاصه...انا كنت أصغر اخواتى ومدلعه من ابويا وامى اوووى وخصوصا من بابا الله يرحمه...معاناتى ابتدت بعد ما خلصت دبلوم متوسط كان ليه جار اسمه هشام كنا بنحب بعض بدرجه العشق هو وقتها كان طالب فى رابعه هندسه.
وكنا متفقين يخطبنى بعد ما اخلص الدبلوم ...ولكن أهله رفضوا يخطبنى علشان مستوى تعليمى...وحزنت جدا للموقف ده خصوصا وانى كنت بحبه بجنون معاه تفتحت مشاعرى وانوثتى
ولكن زى ما بيقولوا ليس كل ما يتمناه المرء يدركه.
ورضخنا للوضع والظروف بعد ما عرضت عليه أننا نهرب ونتجوز...ولكنه رفض مناقشه الموضوع من الاساس.
ولكن إلى يومنا هذا هو صديقى وحبيبى
وكل شئ عملته فى حياتى كان بمشورته
سهام...ايوه يعنى مازال فى حياتك
هبه...فعلا ومقدرش استغنى عن وجوده
سهام ...تحت مسمى ايه فى حياتك
هبه...مستشارى الانسانى
سهام...ردك مقنع...لان فى ناس كتير بتكون محتاجه الاستشاره دايما.
بس عاوزه اعرف تأثيره ايه على حياتك خصوصا انك زوجه وام
هبه...اولا هو محافظ عليه جدا وبيخاف عليه ودائما بيقول رأيه وعمره ما فرض عليه شئ.
سهام...مفهوم بس الوضع كده صعب على حياتك.
هبه...فعلا خصوصا وأيمن شكاك اوووى وغيور جدا عليه
سهام...هو ايمن يعرفه
هبه...ايوه يعرف أنه جارى وبس...وأوقات بيشوفه لما بنكون عند بيت بابا
سهام...وطول الوقت ده محصلش بينكم حاجه عاطفيا
هبه...مره واحده بسنى وتحت إلحاح منى
سهام...لكن محاولش اكتر من كده
هبه...لا خالص رغم انى عرضت عليه
لكنه رفض وكان بيهرب من المواقف دى
سهام...هو اتجوز ولا لا
هبه...بعد ما اتخرج اتجوز واحده قريبته
وبشوفها اوقات كده لما بكون فى بيت أهلى.
سهام...اوصفيلى الحاله اللى بتجيلك دى
هبه...تشنج بالم فى بطنى وأبدى
سهام...اول مره جتلك امتى
هبه...اول مره لما ام هشام رفضت أن هشام يخطبنى...وبعد كده لما بتخانق انا وهشام.
سهام...علاقتك ايه مع جوزك.
هبه...زوج والسلام...لان مع جوازنا حسيت انى مرغمه عليه...وكمان مش حنين وكسول جدا فى سعيه للقمة العيش.
سهام...رغم بتقولى غيور عليكى
هبه...غيره راجل على ممتلكاته
سهام...امال عايشين سوا ازاى
هبه...عايشين علشان الاولاد
سهام...خنقتكم غالبا علشان ايه
هبه...علشان الراجل اللى جواه وبس
ده فى أول حياتنا لكن دلوقت بسبب الماديات...والراجل بردوه اللى جواه.
سهام..هل لوجود هشام فى حياتك تأثير على شكل العلاقه دى.
هبه...خالص بالعكس دايما يوصينى عليه
وبيوجد له الأعذار...لدرجة اوقات أنه اخوه او قريبه.
سهام...انتى حاسه ان هشام بيحبك
هبه...مش عارفه بس هو صديق واخ وحبيب.
سهام...ده رايك انتى انا عاوزه اعرف ايه المسمى عنده.
هبه...هو ده رأيه برده ...يعنى اوقات يغير عليه وأوقات يوصينى على ايمن
ولما اقوله ازاى انت كده...يقولى انتى عندى الست فى كل صورها بس مش على حساب حد...يقصد هنا ايمن...104
سهام...شكل العلاقه غريب بينكم
هبه...على طول بقول كده ..بس مهما بعدت عنه برجع وادور عليه
سهام...انتم بعدتم عن بعض
هبه...ايوه انا بعدت فتره ...وبرده انا اللى رجعت
سهام...مشكلتك انك حسيتى ان الدنيا خدتك منه خصوصا وهو اول حب
هبه...وحب طفولتى وصبايا
سهام...أساس مشكلتك مع ايمن بدأت امتى.
بدل ماتدور وتبحث علي الروايات خليها علي تليفونك وحمل تطبيقنا
