رواية موقف سيارات الفصل الثانى و الاربعون بقلم حسام يونس
فاتن تخبط على باب غرفة سهام
سهام...ادخلى يا فاتن
فاتن...مدام شمس اتصلت وعاوزه ميعاد بكره ضرورى
سهام...مقلتش ليه
فاتن ..لا طلبت ميعاد بس
سهام...كلميها قوللها انى فى انتظارها بكره على الساعه واحده الضهر
تخرج فاتن من الغرفه وعند خروجها تتقابل مع دكتوره شابه تدعى رباب
رباب...صباح الخير يا دكتور
سهام...صباح الخير رباب..تعالى اتفضلى
رباب...تجلس أمامها...يبدو عليها التوتر
سهام...خير يا رباب مالك
رباب...كنت محتاجه اتكلم معاكى فى موضوع
سهام ..تحت امرك خير
رباب...هو الصراحه طلب من حضرتك
سهام...قلقتينى يا رباب خير فى ايه
رباب...الصراحه عاوز ابلغ حضرتك انى هسيب الشغل من اول الشهر
سهام...عاوزه تسيبى الشغل ليه
رباب ...الحقيقه اسباب خاصه
سهام...مينفعش اعرفها يعنى
رباب...على الاقل مش دلوقت
سهام...مش عاوزه اضغطت عليكى
بس اللى يريحك سلمى الحالات اللى معاكى لدكتور عمرو ...رغم انى مستغربه من طلبك ده
رباب...معلش غصب عنى اكيد هيجى الوقت واجى اقولك كل حاجه
سهام...مفيش قدامى غير انى اريحك
انتى معانا من اول ما فتحنا المشفى وساهمتى فى النجاح...ربنا يوفقك فى خطواتك اللى جايه.
فى الميعاد المحدد حضرت شمس وزوجها سعيد إلى سهام ..دخلت شمس إلى سهام
وجلس سعيد فى الاستقبال
شمس دخلت إلى سهام وحيتها وجلست أمامها فى توتر بالغ
سهام...خير يا شمس طلبت تقابلينى ليه
اكيد حصل حاجه مهمه
شمس...انا تعبانه اووى من اربع ايام
انا ملاحظه عدم ظهور الأوليا ليه
مش عارفه ايه السبب هل هما زعلانين منى ولا شايفين انى مستهلش زوج جديد
ولا ايه الحكايه.
سهام...ما يمكن انتى اللى مش محتجاهم
شمس...مش عارفه ومبقتش فاهمه حاجه
سهام...حصل حاجه تانيه
شمس...اه فى يوم ببص من الشباك بدور على الأوليا لقيت ادم صديقى بتاع كيب تاون واقف قدام البيت بيشاورلى بايده
نزلتله بسرعه وحيته وسألته جاى ليه
ادم...جاى اشوفك وحشتينى
شمس...فرحت اوووى من جوايا أنه جيلى مخصوص
ادم...شمس انا بحبك وعارف أنه صعب نكون لبعض...فقلت اجى اودعك لأن حبى فى ظلم ليكى ..ياريت اشوفك لاخر مره عاوز اسمعك حاجه مهمه اوووى سهرت عليها من يوم ما سافرتى...وشديته من أيده وانزوينا فى أحد الأركان واخذنى بين ذراعيه ورقص بى وهو يغنى لى اغنيه رومانسيه للغايه
وضمنى لصدره وقبلنى قبله طويله
فجأه تذكرت سعيد فبعدت عنه مسرعه
وجريت عائده الى البيت
فجاه صحيت من النوم ...بنهج وكلى ذهول هل ماحدث حقيقى ام حلم وخيال
هل انا مشوشه لهذه الدرجه أن احلم زى المراهقات...وأخذت اتشكك فى عقلى
لا أدرى اين الحقيقه واين الخيال
لم اجد حل سواكى لكى تفهمينى ماذا يجرى هل انا مجنونه .
سهام...قامت واقتربت من شمس..انا بحيكى انك قدرتى تتغلبى على مرض من أخطر الامراض النفسيه.
شمس...ياريت تفهمينى اكتر
سهام...انتى هربتى من الواقع بالخيال
مثلا من وقت حادثة ابوكى وأمك وانتى بتهربى من الواقع الى الخيال لكن الحاله ذادت من وقت ما روحتى كاب تاون
والوحده الفظيعه اللى عشتيها هناك فهربتى للخيال وصممتى شخصيه ادم موسيقار شاب حبك وانتى بأخلاقك بتقاومى...لكن قلبك مبسوط أن حد بيحبك وأنه بيسمعك وتصرفاته كلها حب معاكى لدرجه انك جبتيه من جنوب أفريقيا إلى مصر لمجرد انك وحشتيه أو علشان يسمعك اغنيه عملهالك مخصوص
شمس...تقصدى أن كل ده خيال
سهام...بالظبط يا شمس
شمس...يعنى انا كنت مجنونه وخفيت
بنسبه لكن مش شفى تام
شمس...والحل علشان الحاله دى مترجعش تانى
سهام...لازم سعيد يشارك فى الحل ده وانا هتكلم معاه
شمس...ايوه فهمينى ايه الحل
سهام...يفسحك على الأقل يوم إجازته يخرجك ...كمان تحاولى تشغلى وقتك وتتعلمى لغه مثلا...اظن بتعرفى تقرى وتكتبى.
شمس...ايوه رغم انى مكملتش تعليمى
سهام...اعملى كشكول مذاكرات تسجلى فيه يومك ومشاعرك المكبوته
بمعنى أدق خلى لمشاعرك متنفس
وحاولى انتى مع سعيد ..أنه يملأ عليكى الدنيا ...الواضح أنه بيحبك وهيساعدك
شمس...عارفه احسن حاجه حصلت ايه
سهام ...ايه يا شمس
شمس...أن آدم غنالى
سهام...اكيد شئ يسعد اى ست ..ولتانى مره بحيكى على مقاومتك لمرض زى ده
ننادى على سعيد علشان نرسم دوره فى إتمام شفاكى...ياريت تستنى انتى بره وابعتيه
تخرج شمس باسمه إلى الخارج...وتخبر سعيد أن الدكتوره تريده بالداخل
يتحرك سعيد إلى سهام فى الغرفه
سعيد...ايوه يا دكتوره شمس قالتلى انك عوزانى.
سهام...اتفضل اقعد...بص يا سعيد شمس حطت رجليها فى اول خطوات العلاج بنفسها.
سعيد...يعنى خلاص خفت من الحاله اللى عندها.
سهام...خفت بنسبه كبيره وعلشان يتم شفاها لازم تساعدها .
سعيد...أساعدها ازاى
اولا هتيجى الاسبوع الجاى وبعدها تقدر ترجع بيها كيب تاون
ثانيا...لازم تتكلم معاها كتير بلاش كلامك كله بصيغة أوامر...ثالثا خرجها ولو مره فى الأسبوع...رابعا لازم تسنى عليها فى اى حاجه تعملها دى شريكه حياتك..مش مجرد شئ فى البيت لخدمتك وبس
خامسا والأهم حاول تعلمها لغه علشان تشغل وقت فراغها
سعيد...احاول اظبط كل الكلام ده مع ظروف شغلى حاضر
سهام...بس اعمل كل الكلام ده ضرورى سبب حالتها اللى كانت فيها دى احساسها بالوحده ابتدت تخلق حياه ليها
اشوفها الاسبوع اللى جاى علشان نطمن عليها.
سعيد مبتسما...مش عارف اشكرك ازاي يا دكتوره
سهام...شكرى انك تهتم بزوجتك وتحافظ عليها من خيالها
بدل ماتدور وتبحث علي الروايات خليها علي تليفونك وحمل تطبيقنا
