رواية موقف سيارات الفصل الاربعون بقلم حسام يونس
سهام....سعيد قال كلام كده عاوزه اتاكد منه منك انتى.
شمس...كلام ايه
سهام...أن فى ناس بتظهرلك وتتكلم معاكى
شمس ...تنظر إلى الانتريه وتبتسم
ايوه فعلا اوليه من الصالحين
سهام...هما معانا هنا دلوقت
شمس ...ايوه قاعدين اهم واذنولى احكيلك.
سهام...مش تعرفينى عليهم
شمس...مبيظهروش لحد غيرى
سهام...هما كام واحد
شمس ...تلاته أوليا صالحين
سهام...تعرفيهم قبل كده
شمس ...لا دول أوليا صالحين
سهام...وعايزين منك ايه
شمس...مش عاوزين منى حاجه ...دول بينصحونى وجيبلنى ببشاره
سهام...بينصحوكى بايه وبشارة ايه اللى جيبنها ليكى.
شمس....النصيحه أن جوزى سعيد غير مناسب ليه.
سهام...ده رأيهم ولا انتى اشتكيتى منه ليهم
شمس...لا رأيهم هما والاوليا ميكدبوش
سهام...وايه يا ترى البشاره
شمس...جيبين ليه عريس جديد...مناسب يستهلنى واستاهلوا
سهام...وانتى شايفه أن سعيد مش مناسب ليكى
شمس...لا سعيد كويس...ده هما اللى شايفين أنه مش مناسب.
سهام...معنى كلامك انك موافقه على بشارتهم
شمس....علشان هما أدرى ويعرفوا اللى انا معرفوش.
سهام...حد يعرف بوجودهم غير سعيد
شمس...لا خالص انا محكتش ليكى غير لما قالولى علشان شافوكى كويسه
سهام...يعنى مش مسموح لك تجيبى سيرتهم لحد
شمس ...لا مش مسموح
سهام...وقالوا العريس هيجيلك امتى
شمس ...قالوا فى إشارات معينه لما تحصل العريس هيجى.
سهام...بس علشان العريس يجى لازم تطلقى من سعيد الاول...وما اعتقدتش سعيد هيوافق لانه بيحبك ومتمسك بيكى
شمس...هو متمسك بيه لانى بسمع كلامه وشايفه كل شؤنه...إنما حب واهتمام لا خالص
سهام...ناظره إليها مبتسمه
قوليلى ..يا شمس انتى فى راجل تانى فى دماغك.
شمس...ايه اللى بتقوليه ده انا ست محترمه.
سهام...مقصدتش المعنى اللى وصلك انا اقصد تخيل معين للراجل اللى تتمنيه
شمس...لا خالص سعيد كل حياتى .
سهام...ايه عيوب سعيد
شمس...روتينى وكل حاجه عنده بيمعاد
سهام ...ايه الإشارات اللى قالولك عليها.
شمس...قالوا إشارات بس وان موضوعى محل بحث شخصيات عالية المقام
سهام...ممكن تكلمينى عن طفولتك
شمس...سرحت فتره من الزمن فى والداتها ومدى حبها لها والى اختها
سهام...سرحتى فى ايه يا شمس
شمس...ابدا افتكرت امى الله يرحمها
سهام...مفتكرتيش بابا
شمس...لا ذكرياتى معاه بتضيقنى
سهام..ليه بتضيقك
شمس...علشان مش اب ولازوج نموذجى
سهام...واضح انك زعلانه من بابا
شمس...بابا فى شبابه كان صعب ودايما قهرنا بأوامر وتحكمت كلها انانيه زى كل الرجاله الشرقين.
سهام ...ياريت توضحى
شمس...هى سيرة الماضى وبابا ايه فايدتها فى حالتى
سهام...طفوله الإنسان هى مفتاح شخصيته...وبعدين احنا بقينا اصدقاء ومع كده لو مش عاوزه تتكلمى عن فترة الطفوله بلاش
شمس...انا بس مش شايفه سيرته ليها لازمه.
سهام...تعرفى أن اوقات تعب الإنسان بيكون بسبب ذكريات كامنه فى عقله ومش قادر يخرجها من عقله فبتأثر على تفكيره وتكوينه احيانا.
شمس...حضرتك مقنعه اووى
سهام...انتى هنا علشان اساعدك
شمس...انتى مش مصدقانى فى كل اللى قلته
سهام...لا مصدقاكى جدا
شمس ...وانا واثقه فيكى وهحكيلك قصة طفولتى.
كل اللى فكراه أن فى يوم ماما كانت بتجهز عشا لان بابا كان جايله ضيف
يتعشا معانا..وكنت بساعد ماما انا واختى فى تجهيز العشاء
وفوجئنا أن ضيف بابا واحده ست شكلها زى فتيات الليل...وماما سألته مين دى
رد بزعيق عليها وقالها انتى مالك جهزى العشا وبعد العشا ابقى كلى انتى وعيلك فى اودتك ومتطلعوش من الاوده
ومن على باب المطبخ بصيت عليهم لقتها بتدلع على بابا كأنها مراته مش ممكن دى ضيفه ابدا
سهام...وأمك ساكته على الوضع ده
شمس...ماما من بلد ارياف وملهاش حد خالص بابا اتجوزها يتيمه..وعلشان كده كانت دايما ساكته وصابره
والصبح مشيت الضيفه...وبعدها امى بتتكلم مع بابا وبتعاتبه. .ضربها وقالها أنه هيتجوز الست دى وهتعيش معانا
وانسالت الدموع من عيون شمس
سهام...أهدى يا شمس
شمس...موقف امى كان مهين اوووى فقربت من بابا وقلتله ليه يابابا ماما احسن من الست دى
قام ضربنى بالقلم وزقنى على اودتى وقالى ملكيش دعوه متدخليش فى كلام الكبار
سهام...مسحت دموع شمس واحتضنتها
طيب خلاص كفايه كده
نكمل بعدين تكونى هديتى
شمس...يكون افضل
بدل ماتدور وتبحث علي الروايات خليها علي تليفونك وحمل تطبيقنا
