رواية موقف سيارات الفصل الثالث بقلم حسام يونس
Parking
الجزء3
فى الموعد المحدد حضرت نجوى إلى المشفى لمقابلة الدكتوره سهام كانت سهام تجلس على كرسى المكتب تتابع بعض الاشياء على اللاب توب...وسمعت طرق على الباب..
سهام ...ادخلى يا فاتن
دخلت فاتن موظفة الاستقبال ووراءها نجوى وقامت سهام لتحية نجوى...وسألتها فاتن تحبى اجيبلك ايه تشربيه .
نجوى ...بعد اذنك اى عصير فريش
سهام ...ميعادك مظبوط جدا
انصرفت فاتن وأغلقت الباب خلفها
سهام ...طمنينى ايه الاخبار
نجوى ...هو بقى قادر يسيطر على عصبيته بيحاول يعدل من حاله
سهام ...وضحى اكتر
الولد رجع من يومين متخانق مع زميل له فى المدرسه..اول ما شافه كان هينقض عليه كالعاده يضربه
ولكنه قبل ما يوصله وقف ومد أيده للولد.
جمال...تعالى ايه حصل
ابنه ...حكاله أنه اتخانق لما الولد اخد ألوانه من غير ما يقول
جمال...يعنى انت ابتديت الخناق
ابنه...ايوه علشان متضربنيش.
جمال ..تنفس نفس عميق..حبيبى حقك عليه انا عاوزك بس تقدر تعيش وتاخد حقك بس موقف زى ده قول للمدرس يحله مش انت اللى تتخانق وتحله.
ابنه...بابا عاوزينك بكره فى المدرسه..علشان اتخانقت مع زميلى
جمال...هجيلك بكره حاضر بس بعد الضهر لانى عندى بكره اجتماع مهم فى الشغل.
نجوى... لو اكيد هتروح أكلمهم اعرفهم انك هتروح بعد الضهر
جمال ..اه ان شاء الله هروح..يتحرك الولد إلى غرفته
نجوى ..كويس انك قدرت تتحكم فى اعصابك مع الولد.
جمال...انتى متخيله انى بتلكك على الولد.
نجوى ...اكيد لا طبعا بس واحده واحده عليه وهو هيستجيب..اخدت بالك من كلامه أنه بادر بالخناق خوف منك.
جمال ...اه وزعلت من جوايا أنى أوصله يبقى عدوانى كده.
نجوى...معلش فرصه وهو معاك بكره تفهمه أن مش ده قصدك من أنه يحمى نفسه.
جمال ...حاضر ياريت تجهزى الغدا
وفى اليوم التالى ذهب جمال إلى ابنه المدرسه وتقابل مع المشرف..واعتذر له وطلب أن يقابل الولد المعتدى عليه من ابنه حتى يعتذر له هو وابنه...ورحب جدا المشرف بتلك الخطوه.
وبالفعل ذهب لفصل ابنه واعتذر للولد وطلب من ابنه أن يعتذر لزميله
ثم أخرج من جيبه قلم كان قد اشتراه ليقدمه ابنه هديه للولد المعتدى عليه..وبالفعل قدم ابنه جاسر القلم إلى زميله وتصافوا سويا
ثم استأذن من المدرس واصطحب ابنه معه خصوصا وأن الوقت المتبقى على اليوم الدراسى قليل جدا.. ثم أخذ ابنه وانصرفوا من المدرسه.
استقلا السياره وبدأ يتكلم مع ابنه
جمال...تحاول يا حبيبى بقى تقرب من زميلك وبلاش تبدأ بالخناق الا لو حد ضربك .
جاسر ..هز دماغه بالموافقه على كلام أبيه .
جمال ...بقولك ايه يا جاسر ..ايه رايك اشتركلك فى النادى تلعب بوكس
جاسر ..طيب يا بابا ممكن اشترك فى الكوره احسن.
جمال...كوره لا قدامك.. بوكس أو كاراتيه اختار بينهم.
جاسر ...يبقى كاراتيه احسن
جمال ...خلاص يوم الجمعه نروح نشتركلك.
وكان على مقربه من المنزل وشاهد نجوى فى سياره مع استاذ منصور زميلهم فى المكتب وتحولت ملامحه لغضب شديد من ذلك المشهد وركن بعيدا حتى يرى ماذا سيحدث
وبالفعل شاهد نجوى تنزل من السياره ونزل منصور لتحيتها ثم ركب سيارته وانصرف
ودخلت نجوى إلى العماره واندفع جمال بالسياره أمام العماره ...ونزل مسرعا ودخل العماره تاركا ابنه ينزل من السياره ثم أخذه وصعد فى الاسانسير ودخل هو والولد إلى الشقه وصرخ فى الولد ادخل اودتك واقفل الباب عليك.
الولد باستغراب فى ايه يا بابا
جمال ..بصراخ ثم جذبه إلى حجرته واغلق الباب عليه..اسمع الكلام وبس.
ثم دخل غرفة نومه ووجد نجوى تغير ملابسها
جمال ...انت ازاى تركبى العربيه مع الراجل ده.
نجوى..مفهاش حاجه يا جمال ..الراجل عرف انك مش هتعدى عليه ..عرض عليه يوصلنى
وبعد الحاح منه وافقت .
ومركبتيش تاكسى ليه يا هانم
بدل قلة القيمه دى ..لما الناس تشوف راجل بيوصلك .
نجوى ...جمال حاسب على كلامك
جمال ..انتى هتعلمينى الادب ...علمى نفسك يا هانم.
نجوى ...تانى يا جمال حاسب على كلامك.
جمال...حاسبى انتى على تصرفاتك الاول..وايه الداعى تركبى جانبه اساسا.
نجوى ...انت بجد بقيت صعب اعيش معاك...وبعدين اركب ورا ازاى لوحدى هو شغال عندى.
جمال زقها بيده وهو خارج من الغرفه...ومين قلك انى عاوز اعيش معاكى بعد اللى شفته ده
سهام سقطت على الأرض وارتطمت وجنتها فى طرف الدولاب
ونزل جمال من البيت بعدما قفل باب الشقه بقوه.
سهام تحسست وجنتهاوجدت وجنتها متورم من أثر الارتطام بالدولاب
جمال ...ركب سيارته وأخذ يلف فى الشوارع وهو شارد الفكر...وحاسس أنه كبر الموضوع ...ولكنه لم يتمالك نفسه عندما شاهدها فى سياره منصور ذلك العجوز المتصابى ..وصراع نفسى داخله..لانه تجاوز فى حق نجوى ..وبعد منتصف الليل رجع إلى البيت ودخل غرفته لم يجد نجوى فى الغرفه فجرى نحو غرفه جاسر
حاول فتح الباب ولكن الباب مغلق من الداخل ونادى على نجوى...ولكنها لم ترد عليه وظل ينادى عليها وهى متجاهله نداءه تمام ومع الحاحه فى النداء وبكاءه المستمر مع النداء.
نجوى ...ادخل نام يا جمال فى اودتك...ونتكلم بعدين .
جمال...انا اسف حقك عليه
نجوى ..نتكلم بعدين قلت يا جمال
تحرك جمال بخطوات منكسره إلى غرفته...وافاقت نجوى على صوت سهام.
سهام ...هو غيور بطبعه
نجوى...لا ابدا العادى وانا كمان دايما حريصه على مشاعره
انا عاوزه اعرف ليه الانتكاسه دى انا قلت اتظبط والأمور بقت تمام
سهام...لا طبعا لسه شويه ...هو دلوقت فى صراع نفسى بين قلبه وعقله الباطن.
نجوى ..انا عاوزه اعرف هو ماله اساسا.
سهام...جمال عاش طفوله قاسيه من معامله ابوه ليه.
نجوى ...تقصدى أنه بيقلد ابوه فى معامله جاسر.
سهام ...بالظبط المشكله بقى أنه مقتنع بتصرفات ابوه دى..ومن هنا بقى الصراع النفسى ده.
نجوى ..لما زقنى وخدى ورم مردتيش اسيب البيت واروح بيت أهلى...لان الموضوع هيكبر لو شفونى بالشكل ده
وخلعت النضاره من على وجهها
سهام ...يا خبر هو اللى عمل كده
نجوى ...لا زقنى وانا اتخبطت فى الدولاب.
سهام ...قعدتى فى البيت حبا فى جمال...ولا فعلا خفتى الموضوع يكبر.
نجوى...انا بحب جمال فعلا..ومعنديش شك فى حب جمال...وزى ما انتى عارفه انا صاحبه فكرة أننا نيجى ليكى ..والموضوع يستاهل اتروى مش انط من المركب .
سهام ...بس الموضوع مش سهل لأن الخصمين فى رأس شخص واحد.
نجوى ...بس الشخص ده بيحب وحريص على بيته
سهام ...ياريت تيجى معاه المره اللى جايه...هنعمل محاولة ضغط على عقله الباطن.
نجوى ..ودى تحصل ازاى
سهام ..كلمينى ليله ما هتيجوه وهقولك هنعمل ايه
نجوى ..مدت يدها بالسلام إلى سهام...اوك هكلمك ليلتها.
بدل ماتدور وتبحث علي الروايات خليها علي تليفونك وحمل تطبيقنا
