رواية موقف سيارات الفصل التاسع والثلاثون بقلم حسام يونس
الحاله السادسه عشر
فاتن فى المكتب عند سهام
فاتن ..فى واحد طالب حجز ميعاد لزوجته على النت ومستعجل
سهام...تواصلى معاه وشوفى لو ينفع الاسبوع ده حددى الميعاد.
فاتن هو فعلا طالب الميعاد يكون الاسبوع ده وبيطلب يكون يوم الخميس
سهام...تمام كلميه وحددى الخميس على الساعه واحده الضهر.
فاتن...تمام ماشى هكلمه وابلغك وصلت معاه لأيه
بعد ساعه كلمتها فاتن على التليفون الداخلى وقالت لها.
فاتن...اتفقت معاه على الخميس اللى جاى بس على الساعه خمسه المغرب يكون وصل مصر اصل جاى مخصوص من دوله افريقيه.
سهام...هو افريقى
فاتن ...لا هو مصرى بس غالبا شغله هناك
سهام...هو الميعاد له هو ولا لمين
فاتن...لا الحجز باسم مراته شمس فتحى
سهام...تمام ماشى .
يوم الخميس فى الميعاد المحدد حضر سعيد وزوجته شمس إلى المشفى وطلب الدخول للدكتوره حسب الموعد المحدد
وأصر أن يدخل بمفرده إلى الدكتوره وبعد ذلك تدخل زوجته
اتصلت فاتن بسهام تخبرها بحضور الحاله واخبرتها برغبة سعيد فى الدخول لوحده اولا بدون زوجته
سهام...تمام خليه يتفضل وقدمى للزوجه مشروب على ما اشوف عاوز يدخل لو حده ليه.
تقدمته فاتن إلى غرفة سهام وتركت الزوجه فى الاستقبال.
دخل سعيد إلى المكتب وحيته سهام وأشارت له بالجلوس أمامها
سهام .. حمدالله على السلامه استاذ سعيد.
سعيد ..الله يسلمك يا افندم
سهام...خير يا استاذ سعيد ..فاتن قالتلى انك عاوزنى قبل دخول المدام.
سعيد...انا اتجوزت شمس من حوالى سنه وشويه وحياتنا كانت ماشيه كويسه اوووى فى اخر شهر ده اتغيرت اوووى
وبقت تصرفاتها غريبه وكلامها اغرب
سهام...كنت تعرفها قبل الجواز
سعيد...شمس بنت عمى بس انا علشان دايما مسافر مكنش بنا اى تواصل
ولما حسيت انى لازم اتجوز أهلى رشحوها لى كزوجه..وفى خلال اسبوعين تم الزواج وبعد حوالى اسبوع اخدتها وسافرت كيب تاون فى جنوب افريقيا
وحياتنا كانت ماشيه كويس لحد الشهر الاخير ده.
سهام...بتشتغل ايه فى كيب تاون
سعيد ...فى شركة شحن كبيره
سهام...معاك شهادة ايه
سعيد...انا تعليم متوسط
سهام...والمدام معاها ايه
سعيد...هى مكملتش تعليم اكتفت بالاعداديه.
سهام...ايه كلامها الغريب اللى بتقوله
سعيد...بتقول أن فى أوليه لله بيكلموها
وأنهم عاوزين يجوزوها راجل يستاهلها
سهام...وهى بتشوفهم الناس دى
سعيد ..ايوه وبتقول ومحدش غيرها بيشوفهم.
سهام...والتصرفات الغريبه زى ايه
سعيد ...ايام كتير ارجع من الشغل ألقاها متزوقه ولابسه لبس غريب ..ولما اسالها عامله كده ليه...تقولى الأولياء بيقولوا العريس قرب يجى يتجوزها ممكن ولازم تستعد كبنت هتتخطب.
سهام...طيب اشوف المدام وحضرتك استنى بره فى الاستقبال.
حضرت شمس إلى سهام فى المكتب
وخرج سعيد من المكتب الى الاستقبال
شمس...وقفت أمام مكتب سهام
وأشارت إلى الانتريه بيديها ثم جلست
سهام...ازيك يا شمس
شمس تمام الحمد لله
سهام ..ايه رأيك فى كيب تاون
شمس ...هتصدقينى لو قلتلك معرفش
سهام...ازاى مش انتى مقيمه فيها
شمس...اكتر من بيتى والماركت اللى يتسوق منه معرفش
سهام...ليه كده انا اسمع انها مدينه جميله
شمس ...اصل سعيد معندوش وقت يخرجنى.
سهام...ممكن تحكيلى نظام يومكم هناك
شمس ...بيقوم الصبح الساعه تمانيه يفطر وينزل للشغل بيرجع الساعه صبر خمسه اكون مجهزه الغدا يتغدا وبعدين ينام حوالى ساعتين ويقوم يقعد قدام التلفزيون...شويه وعلى الكمبيوتر شويه على الساعه عشره يدخل ينام علشان يقوم بدرى لشغله.
سهام...ممكن سؤال شخصى شويه
شمس...اتفضلى
سهام...علاقتكم الزوجيه شكلها ايه
شمس...علاقه روتينيه ليلة السبت الساعه عشره ...سعيد كل حاجه فى حياته لها ميعاد ثابت.
سهام...مش بتتكلموه سوا
شمس...بنتكلم واحنا على السفره بس
سهام...بتتكلموا فى ايه
شمس...بنتكلم عن شغله ..ولو نفسه فى حاجه للاكل بيتكلم ويقول.
سهام...انتى بتحبى سعيد
شمس...سعيد ابن عمى كويس ..بس وصمتت
سهام...بس ايه يا شمس
شمس...بس روتينى اوووى
سهام...والدك غصبك على الزواج منه
شمس ...لا ابدا..انا فرحت اووى لما اتقدملى.
سهام...طيب ليه مش بتتكلمى معاه وتطللبى منه تخرجى
شمس...كل ما اطلب يقولى تعبان انا مبصدق ارجع البيت
سهام ..هو سعيد بخيل
شمس ...لا ابدا البيت مش نقصوه حاجه
اول ما روحت اشترى دش علشان يسلينى
بدل ماتدور وتبحث علي الروايات خليها علي تليفونك وحمل تطبيقنا
