رواية موقف سيارات الفصل الثامن والثلاثون بقلم حسام يونس
الحاله رقم خمسة عشر
فاتن تكلم سهام على التليفون الداخلى تخبرها بقدوم الحاله فى موعدها
سهام...هاتيه يا فاتن يلا
فاتن...تتقدم محمود رجل فى الستين من عمره ذوبشره خمريه طويل القامه متوسط البنيان
إلى مكتب سهام...تستقبله سهام وتحيه وتسأله يشرب ايه
محمود...قهوه على الريحه
تنصرف فاتن من المكتب
سهام...ياريت يا محمود تعرفنى على نفسك من الطفوله
محمود ...ممكن اولع سيجاره
سهام...اتفضل
محمود...انا محمود الالفى...اكبر اخواتى واخواتى ولدين وبنت
ابويا كان اغلب الوقت مسافر فى الدول العربيه...امى كانت ست بيت واصغر من ابويا بعشر سنين.
اخواتى شغلهم اعمال حره انا الوحيد اللى موظف فى مصلحه حكوميه
سهام...تمام..اخواتك متجوزين
محمود...التلاته متجوزين وعندهم اولاد
انا اللى متجوزتش.
سهام...متجوزتش ليه يا ترى
محمود...اولا النصيب ثانيا معنديش ثقه فى اى ست خالص
سهام...ليه ياترى ..كان فى قصة حب فاشله فى حياتك.
محمود...عمرى ما استمريت فى علاقة حب كنت دائما بنسحب عند ورود فكرة الارتباط
سهام...لا وضح لو سمحت
محمود...انا ارتبطت بس مش كتير لكن حبيت كتير حب من طرف واحد .
سهام...ممكن اعرف ليه
محمود...زى ما قلتلك مش بثق فى الستات
سهام...ايوه ليه كنت بتهرب من الستات أو بمعنى أصح قلة ثقتك دى سببها ايه
محمود...من اللى كنت بشوفه واسمعه
سهام...ده مش سبب كافى لهروبك ده
لان الدنيا فيها ناس كويسه والعكس
وكمان الطبيعه والفطره ضد اسلوبك ده
محمود...اهو ده اللى حصل ..لحد ما وصلت للسن ده
سهام...محمود يعنى محصلش فى حياتك اى تجربه نسائيه
محمود...تقصدى علاقه مع ست
سهام...بالظبط كده
محمود...حصل اكتر من مره بس علاقات عابره مش لدرجة علاقه تستمر.
سهام...ياريت تتكلم معايا بصراحه علشان اقدر اساعدك...كلامك كله بيأكد أنك اتعرضت لصدمه من موقف فى فتره من اوائل حياتك.
وثق أن كلامنا مفيش مخلوق يعرفه لازم تثق فيه وتتكلم بصراحه
محمود...الصراحه امى السبب
سهام...ليه ايه حصل أو شفت منها ايه
محمود....لا مشفتش منها حاجه
سهام...امال الحاله اللى عندك ديه سببها ايه.
محمود...احنا كنا ساكنين فى منطقه شعبيه..والمناطق دى كل الناس بتبقى عارفه بعضها...وامى كانت ست جميله ومعروفه والكل كان بيخطب ودها
وهى كانت بتتكلم مع الكل وبتتعامل عادى مع اهل المنطقه.
سهام...يا محمود كلامك بيرد على نفسه منطقه شعبيه وتعامل عادى ..وانت لسه قايل مشفتش منها حاجه مشينه
محمود...فعلا مشفتش بس دماغى كانت بتروح لحاجات وحشه..اسلوب كلامها مكنش بيعجبنى مفهوش حسم الست اللى شايفه الطمع فى عيون الرجاله اللى بتتعامل معاها.
سهام ..دى وساوس الشيطان ..قدر يدخلك من نقطة حبك الشديد لأمك
محمود...انا كنت بتعذب بالموضوع ده
سهام...وضيعت عمرك فى وهم ولا قدرت تحب ولا اقدرت يبقى عندك اسره
محمود...يعنى تقدرى تعالجينى من الوسواس اللى فى دماغى ده
سهام...والدتك عايشه يا محمود
محمود...ايوه عايشه وقاعدين سوا فى بيت واحد
سهام...وعلاقتك بيها ايه
محمود...علاقه كويسه جدا انا مراعيها اووى
سهام...عوضها افكارك دى ولو بالكلام الحلو...مينفعش تقفل دماغك على مجرد احساس واعتقد خاطئ ده اللى واضح من كلامك.
علاجك لازم يبدأ من جواك...وتصالح نفسك على الايام علشان تقدر تعيش سعيد...هكتبلك شويه ادويه تظبط مخك
وياريت تقدر تعيش وسيبك من السن وعيش حياتك
بدل ماتدور وتبحث علي الروايات خليها علي تليفونك وحمل تطبيقنا
