رواية موقف سيارات الفصل السابع والثلاثون بقلم حسام يونس
سعاد...اربيهم من جديد تقصدى
سهام...ليه سؤال بس الاول
سعاد ..اتفضلى
سهام...علاقتك بولادك كان شكلها ايه قبل وفاة ابوهم.
سعاد...زى علاقه اى ام بولادها حنان ورعايه وعطف.
سهام...اقصد كانوا لما بيعوزوا حاجه من ابوهم كنتى بتتوسطلهم عنده
سعاد...اكيد طبعا ومكنش بياخر لحد فيهم طلب سواء اتوسط ليهم او لاء
سهام...الفتره اللى جايه لازم تفرضى اسلوبك على الجميع.
سعاد...ازاى يعنى
سهام...تفرضى على الجميع يوم لزيارتك أسبوعيا ولو يوم الكل يتغدا عندك فى البيت....غيرى يوم المصروف الشخصى اللى بيطلع من الشركه ليهم مع زياده منك بسيطه للمصروف ده
سعاد...بس انا كده بغصبهم
سهام...فى الاول بس لحد ما يتعودوا
سعاد ...هجرب ونشوف
هشوفك بعد عشر ايام تكونى عملتى الموضوع ده.
مرت العشر ايام وذهبت سعاد فى الموعد المحدد إلى المشفى للقاء سهام
وادخلتها فاتن إلى مكتب سهام
قابلتها سهام بترحاب...واخذتها إلى البلكونه وجلسا سويا
سهام...طمنينى احسن الفتره اللى فاتت دى.
سعاد...الحمد الله احسن
سهام...عملتى اللى قلتلك عليه
سعاد...عملته بس الولاد بيتعملوا معايا بخوف شويه
سهام...قوليلى حصل ايه بالظبط
سعاد...طلبت منهم كلهم أننا هنتقابل فى الشركه علشان عاوزهم فى أمر ضرورى
وكلهم حضروا فعلا حتى ساهر نزل معايا من البيت وحاول يعرف منى ايه الموضوع وقلتله هناك هتعرف كل حاجه
وبعد ما اتجمعنا فى مكتب سامر الكبير
قلتلهم
سعاد...انا جمعتكم النهارده علشان فى شويه قرارات كده عاوزاكم تعرفوها
سامر ...خير يا ماما فى ايه
سعاد...خير طبعا..بس انا ملاحظه ان معدتش بنا تقارب فبقول ياريت كل اسبوع نختار يوم تيجوا كلكم نتغدا سوا
سامح...وماله يا ماما ده شئ كويس
سعاد...الاول فى حد عنده مانع
أشاروا كلهم بهز رأسهم
سعاد ...كويس ..تانى حاجه قررت ازود مصرفكم من الشركه الفين جنيه لكل واحد فيكم...وبعد كده المصروف ده هتاخدوا منى انا فى نص الشهر
سامر...ايه الفكره يا ماما
سعاد...عادى يا سامر علشان يبقى مبلغ يساعد فى نص الشهر والمرتب اول الشهر زى ما هو.
سلوى...وماله يا ماما اللى تشوفيه
سعاد...المهم بقى دلوقت...عياده سامر اخوكم وأدوات العياده انا هشتريها من فلوسى انا ..وهو يشوف فيلا يعيش فيها لما يتجوز...ودى تطلع من الشركه هنا.
سامر...ما يتجوز ويقعد معاكى يا ماما
سعاد...لا يبقى براحته هو ومراته زيكم بالظبط.
سامر...ماما بعد اذنك مش حسبه فلوس انا بقول ياخد بحسك بدل ما انتى لوحدك.
سعاد...قلتلك يمكن اللى ياخدها متوفقش وبعدين قلتلك كل واحد يبقى براحته
منا قلت كمان يوم فى الأسبوع نتجمع فيه كلنا...وحاجه تانيه كمان
سلوى ...ايه ياماما فى ايه
سعاد...شاليه العين السخنه هيبقى بينك وبين اخوكى هو أولى من الغريب
سلوى ...غريب مين يا ماما
سعاد...اخت جوزك مثلا الشهر اللى فات مش كانت هناك
سلوى...بتلعثم ايوه كانت هناك قعدت اسبوع بس ورجعت
سعاد...واخوكى لو راح تقريبا نفس المده
مفيهاش حاجه.
سلوى ...بضيق اللى تشوفيه يا ماما
سعاد...وانت يا ساهر تشوف حكايه الفيلا وبلغ سامر يجبلك الفلوس وتشتريها
ولو سمحت يا سامح بما انك مدير الحسابات تنفذ كلامى ده من غير مشاكل
سامح....مشاكل ايه بس يا ماما ...دى فلوسك وانتى حره فيها.
سعاد...اصلى شايفه كلامى مش عاجب البعض.
ردوا كلهم ابدا يا ماما
سعاد...المصروف الشهرى بعد الزياده يجيلى كل يوم اربعتاشر علشان كل واحد يجى يخدوا منى.
سامر...سؤال بس يا ماما كل ده ليه
سعاد...هقولك يا سامر....امك بتشترى حبكم يابنى
سامر...بتقولى ايه بس ياماما
سعاد...معلش ريحونى زى ما بريحكم.
سهام...مسمعتش اسم جوز سلوى يعنى
سعاد...مخلتوش حضر .
سهام...للدرجه دى له تأثير على سلوى
سعاد...كل اللى حكيته ده سهل الاصعب كان ردود أفعال الطرف التانى
سهام...تقصدى مين
سعاد...جوز سلوى...ومرات سامر وسامح
سهام...وايه كان رد الفعل .
رضخوا طبعا بعد زياده المصروف ولما عرفوا أن هياخدوها منى مش من الشركه زى الاول
سهام...والأمور مشيت ازاى
سعاد...جم كلهم اول غدا وكلهم أشادوا بالنظام ده ...الصراحه كانت فكره ممتازه من حضرتك...بس انا مش مبسوطه انى اجبرتهم على كده
سهام...معلش قلنا فتره على ما يتعودوا على وجودك فى حياتهم...مش مجرد ام او بنك فى حياتهم.
بدل ماتدور وتبحث علي الروايات خليها علي تليفونك وحمل تطبيقنا
