رواية موقف سيارات الفصل السادس والثلاثون بقلم حسام يونس
الحاله الرابعة عشر
فاتن مع سهام فى مكتبها.
فاتن...الحاله جت فى ميعادها مظبوط
سهام...سجلتيها على السيستم
فاتن...من يوم ما حجزت يا دكتور
سهام...فتحت جهاز الكمبيوتر...ونظرت فيه ...ولا اخدت بالى خالص
فاتن...الله يكون فى عونك يا دكتور
سهام...طيب دخليها
تحركت فاتن خارج المكتب ...واتت بالحاله إلى مكتب سهام
قامت سهام واستقبالتها بترحاب
سهام...تحبى تقعدى فين حضرتك
سعاد...جالت بنظرها فى أرجاء المكان
ثم قالت ممكن فى البلكونه
سهام...اختيار موفق اتفضلى
وتحركا سويا إلى البلكونه..وجلسا فى مواجهة بعضهما.
سهام...عرفينى بنفسك اولا
سعاد...أسمى سعاد الشابورى 68 سنه
ارمله من حوالى خمس سنين كنت متجوزه مصطفى ابن عمى وحصاد جوازنا تلات اولاد وبنت ...كلهم متجوزين حاليا.
سهام...لحد كده الأمور تمام اوووى
فين المشكله .
سعاد...المشكله انى ثريه اوووى غير مراثى من جوزى الله يرحمه
ورثى من والدى ضعف ميراثى من جوزى كان والدى ثرى فوق الوصف وانا بنته الوحيده...وولادك اخدو ورثهم من ابوهم
سعاد...لا لان مصطفى كتبلى كل أملاكه بيع وشرا.
سهام...ليه يا ترى
سعاد...كان ليه وجهة نظر ...لما سألته
قلى ...علشان الاولاد يفضلوا حواليكى ومراعينك...ومتعنيش من بعدهم زى حالى دلوقت...وبعدين انتى عمرك ما هتحوشى حاجه عنهم
سهام...الموضوع ده مشكله بتواجه أهالى كتير فى الأيام دى
سعاد...وكمان هو تعب قبل مايموت حوالى سنه ونص...والاولاد اكبرهم كان 28 سنه...فهو خاف يضيعوا الفلوس
سهام ...بس ده شرع ربنا يا سعاد
سعاد...صدقينى حاولت معاه كتير أنه يسيب كل حاجه لشرع ربنا...ولكنه صمم
ووافقتوا على أساس انى هديهم اللى عاوزينه وخلاص ..وخصوصا انى فلوسى بعيد عن فلوس جوزى.
سهام...ثروتك حوالى كام
سعاد...وارثه من والدى عشره مليون..ودول فى بنك لوحدهم
ومن جوزى وارثه اربعه مليون جنيه
وحطاهم فى حساب فى بنك تانى ...ده غير بعض العقارات اللى غاليه اوووى
سهام ..ربنا يزيدك....ياترى فى حد مميز عندك فى الاولاد فى حكايه المصاريف.
سعاد...سلوى بنتى لأن جوزها دخله على اده شويه.
سهام...جوزها بيشتغل ايه.
سعاد...موظف فى الشركه عندنا
سهام...والشركه دى طبعا ملكك حاليا
سعاد...ايوه فعلا
سهام...ولادك شغالين ايه
سعاد...سامر الكبير هو اللى بيدير الشركه
وسامح بعد سلوى على طول مع اخوه فى الشركه...والاخير ساهر اتخرج من كليه الطب السنه اللى فاتت
سهام ..الشركه شغاله فى ايه بالظبط
بتستورد ادوات تجميل ومعانا بعض توكيلات فى مصر لبعض الماركات العالميه.
سهام...اعتقد الكل كده دخله كويس
سعاد...غير دخلهم من الشركه فى مصروف ليهم كان ابوهم عامله لكل واحد فيهم...ومازال بيخدوا كل اول شهر
بس تقولى ايه فى الطمع بتاع الإنسان
سهام...يعنى دى مشكلتك
سعاد...المشكله الحقيقيه علشان القاهم حواليه لازم ادفع بمناسبه ومن غير مناسبه
سهام ..بمعنى ايه
سعاد...كل واحد فيهم ساكن فى كمبوند
ولكن مفهاش حاجه لما ماما تجيب لنا شاليه فى الساحل أو اى كمبوند
ولو رفضت يتقمصوا ويمنعوا نفسهم هما وولادهم عنى .
سهام...هما متجوزين
سعاد...ايوه للاسف متجوزين بنات ولاد خالتى ...لكن ساهر الصغير لسه متجوزش.
سهام...واكيد زوجاتهم بيحرضوهم على الاستفاده منك بأى شئ
سعاد...حتى محمود جوز سلوى طماع وانانى وبيبص لاخوتها اللى هما أصحاب المال.
سهام.. لا حول ولاقوة إلا بالله العلي العظيم
سعاد...للاسف الطمع بينهم وصلهم أنهم يبقوا متحفزين لاختهم.
زى هو احنا نصرف عليه ليه..ما يمشى على قد مرتبه.
امال اخوهم اللى لسه متخرج من سنه عاملين معاه ايه.
سعاد...عملوا مشكله لما الولد طلب عياده فى مكان شيك ويفرشها
سهام...مشكله ليه اعتقد حقه
سعاد...سامر الكبير قلى نجبله شقه ايجار..ويشترى اجهزه تمشى الحال لازم يحس بالشقى بالفلوس دى
سعاد...وانت ليه مأجرتش شقه تتجوز فيها حكمت رايك على فيلا فى كمبوند
وابوك الله يرحمه جبلك اللى انت عاوزه...سواء انت او اخوك بلاش الانانيه دى يا سامر...المفروض أنت الكبير ويبقى قلبك على اخواتك كلهم
سامر...ايه يا ماما انا هبخل على اخويا انا اقصد يتعب شويه علشان يعرف قيمة الحاجه...ولما يجى يتجوز نجبله شقه حلوه.
سعاد...ساهر هيجيله فيلا زيك انت واخوك متخفش الفلوس كتير مش هتقل كتير.
سامر...ربنا يزيدك يا ماما..انتى بس فهمانى غلط
سهام...انتى محتاجه تقومى ولادك كلهم
طالما رابطين معرفتك بالماده
سعاد...تخيلى اخر عيد ميلاد ليه مجوش كلهم لمجرد انى قلت اللى ساهر عاوزه هجبهوله كان أبوه موجود بالظبط
سهام...كلهم مجوش ولا هو بس
سعاد...كلهم مجوش خالص وسلوى يدوب اعتذرت بالتليفون علشان عمت ولادها تعبانه...وعملت بأصلى اتصلت بعمة اولادها اطمن عليها لقيتها فى العين السخنه بتغير جو فى الشاليه اللى سلوى فضلت تزن علشان اشتريه ليها
سهام...وكلمتى سلوى
سعاد...لا ابدا الحب والعطف مينفعش اشتريهم .
سهام...لا لازم تشتريهم فى الاول لحد ما يتعودوا.
سعاد...بمعنى ايه
سهام ...افرضى نفسك ومع الوقت هتلاقيهم مربوطين جانبك
سعاد...ازاى فهمينى
بدل ماتدور وتبحث علي الروايات خليها علي تليفونك وحمل تطبيقنا
