رواية موقف سيارات الفصل الثانى الثلاثون بقلم حسام يونس
الحاله الثانية عشر
دخلت المشفى سيده كبيره فى السن توجهت إلى الاستقبال تسال عن الدكتوره سهام.
أخبرتها فاتن انها موجوده.
طلبت السيده مقابلتها
فاتن...لازم تاخدى ميعاد
السيده....معلش يا بنتى انا جايه من السويس ولازم اقابلها.
فاتن...ثوانى ادخل اقولها اشوف هينفع ولا لا...وتحركت فاتن نحو حجرة سهام
طرقت الباب
فاتن...صباح الخير يا دكتور
سهام...صباح الخير يا فاتن خير فى حاجه.
فاتن...فى ست كبيره بره اول مره اشوفها كانت عاوزه تدخل لحضرتك...بس مفيش حجز باسمها...بس بتقول جايه من السويس ولازم تقابلك.
سهام...اول حاله عندنا امتى
فاتن....الساعه خمسه وهما حالتين بس اللى عندنا النهارده.
سهام....خلاص دخليها طالما فى وقت.
تحركت فاتن خارج الغرفه ..وطلبت من السيده قيمه الكشف.
السيده ...ارتبكت وقالت ممعيش فلوس للاسف.
فاتن رفعت سماعة التليفون الداخلى وأخبرت الدكتوره بأن السيده ليس معها نقود.
سهام....هاتيها يافاتن نشوف ايه الحكايه
تقدمت بها فاتن إلى غرفة الدكتوره.
استقبلتها سهام على باب الغرفه
لاحظت سهام...كبر سن السيده وأنها على ما يبدو فى حاله ماديه صعبه
سهام....فاتن لو سمحتى هاتى فطار وشاى لاتنين .
السيده....ربنا يجبر خاطرك يا دكتوره
سهام...اتفضلى اقعدى وشاورت لها على الانتريه حتى تجلس براحتها
سهام ..انتى جايه من السويس دلوقت
السيده ...ايوه يدوب نزلت من الاتوبيس وجيت على هنا دوغرى
سهام...منورانا يا ست ...انتى اسمك ايه
السيده...انا أسمى فوزيه...عندى تلاته وستين سنه...كنت بشتغل ممرضه فى السويس عند دكتور احمد صدقى
سهام...دكتور احمد كان أستاذى فى الكليه زمان.
فوزيه...علشان كده جتلك
سهام....يبقى تعرفى دكتور احمد صدقى وجايلى يا فوزيه
لما اقولك حالتى هتعرفى ليه جتلك..وكمان دكتور احمد توفى من سنتين تقريبا.
سهام...اتفضلى انا سمعاكى
فوزيه....من حوالى اربعين سنه ..كنت شغاله ممرضه فى مستشفى السويس ومكنتش لسه اتجوزت وكنت عايشه مع ابويا .
فاتن طرقت الباب ودخلت بصينيه عليها فطار لفردين ووضعتها على التربيزه
وخرجت من الغرفه.
سهام...يلا بسم لله علشان يبقى عيش وملح...وتبتدى فوزيه فى الاكل مع سهام
سهام...لاحظت أن فوزيه تاكل بنهم شديد على مايبدو أن أحوالها الماديه ليست على ما يرام.
فوزيه ...مش عاوزه اعطل حضرتك
سهام...مفيش عطله ولا حاجه..انا فاضيه النهارده لحد الساعه خمسه...ويهمنى اسمعك علشان اقدر اريحك بالعلاج المناسب ليكى.
بس افطرى براحتك وبعدين اسمعك
انتهت فوزيه من تناول الطعام ثم نظرت إلى فوزيه .
فوزيه ...مش عارفه ابتدى منين بالظبط
سهام...عاوزه اعرف بتعانى من ايه الاول
فوزيه...كابوس مستمر يوميا على مدار اكتر من خمستاشر سنه...وبالتالى خوف وقلق .
سهام...احكيلى الكابوس
فوزيه....بشوف نفسى متشعبطه فى حافه جبل عالى وفى شاب واقف قدامى بنادى عليه ينقذنى ويرفعنى ولكنه بيبص ليه وبيضحك وبيسبنى اقع من فوق الجبل
وانا بقع بصرخ بخوف وفزع وبلاقى الشاب ده مستنينى تحت مكان ما وقعت وانا بموت والجروح ماليه جسمى
وبطلع فى الروح وبموت ...وهو بيبصلى وبيضحك وبيقرب منى يغلق عينى الجاحظه بعد الموت .
سهام...لاحظت توتر وقلق فوزيه وصوتها المخنوق بالدموع والالم.
الكابوس ده بيجيلك يوميا .
فوزيه...مش يوميا بس اغلب الايام
وباقى الايام ببقى فى خوف ورعب منه
لحد ما يجينى تانى يعنى خوف وقلق مستمر.
سهام...انتى عايشه مع مين
فوزيه....لوحدى انا متجوزتش
سهام...عرضتى حالتك على دكتور احمد صدقى.
فوزيه...للاسف مكنش ينفع اقوله
سهام...أحست بسر فى الموضوع...منعها من الكلام مع دكتور احمد صدقى
سهام ..غالبا الكوابيس بتبقى نابعه من الواقع.
فوزيه ...اه عارفه... وهحكى ليكى الموضوع من البدايه .
سهام ..فعلا محتاجين نعرف الموضوع من البدايه علشان نوصل للعلاج المناسب
فوزيه ...اتمنى تخلصينى من الحاله دى علشان ارتاح اليومين اللى فاضلين ليه فى الدنيا
بدل ماتدور وتبحث علي الروايات خليها علي تليفونك وحمل تطبيقنا
