رواية موقف سيارات الفصل الحادى الثلاثون بقلم حسام يونس
ويدوب ما مرش اسبوع الا ولقيت سالى جايه البيت عند اخوها احمد ومعاها شنطة هدومها ومنهاره اوووى من العياط
سهر....ايه سالى مالك ايه اللى حصل
سالى ...ايمن طلقنى
سهر ...يا خبر اسود ليه ايه حصل فهمينى .
سالى....امبارح بالليل قاعدين انا وأيمن فى البيت لقيت حماتى راجعه من بره ومعاها بابا وقعدو معانا عادى وانا مية سؤال جوايا ايه لمهم على بعض وجاين سوا بكل جراءه كده.
فسألت انتوا اتقابلتوا قدام البيت
ام الزوج....لا اتجوزنا انا وسعيد ولسه جايين من عند المأذون
انا الدنيا لفت بيه وبصيت إلى ايمن
لقيته حاطط وشه فى الارض ومفتحش بقه بكلمه
سالى ...زعقت فيه ...انت ساكت ليه
ام الزوج...عوزاه يقول ايه يا سالى انا اتجوزت معملتش حاجه غلط...ومتنسيش أن ده بيتى وانتم اللى ضيوف عندى
ولو جوازى مضيقك تقدرى تمشى من بيتى.
سالى نظرت إلى ايمن وهو مازال صامت وشارد...واكملت ما ترد عليه أو على والدتك.
ام الزوج....متنسيش انى اللى فاتحه البيت يقدر هو يجبلك شقه بره ومع السلامه انتم الاتنين.
سالى....انتى كلامك صح لو سمحت يا ايمن شفلى شقه بره انا مقدرش اعيش هنا ..أو طلقنى
ايمن ...اطلقك ازاى انتى مجنونه وابنى اللى فى بطنك.
سالى...خلاص شفلنا شقه طيب
ايمن...منين يا سالى ما انتى عارفه ظروفى فى الشغل
سعيد...استهدى بالله يا سالى ...كل ده علشان اتجوزت صفيه
فبصتله وسبتهم ودخلت اودتى
سهر...نسيت اقولك ام ايمن عندها بيوتى سنتر كبير ومعاها فلوس وعايقه فى نفسها كده.
سهام....علشان كده متحكمه فى ابنها وبيته.
سهر...المهم تانى يوم سالى قالت لجوزها أنها عند اخوها لحد ما يشوف شقه
رد عليها انتى بتصعبى عليه الدنيا ليه
سهر...انت عاجبك الوضع ده يا ايمن
ايمن...لا طبعا بس اعملها ايه
سهر...عموما انا عند اخويا وياريت تطلقنى لان صعب اقعد مع طنط بعد اللى قالته ده.
وبالفعل جت عند اخوها.
سهام...وأبوها ملوش اى تعليق على الكلام ده...معقول
سهر....احمد ابنى الكبير كلمه بعد سالى ما جت...يقوله اختك مكبره الموضوع اعملها ايه انا
احمد...شوف يابابا طلاقك من ماما وصلنا لفين
سعيد....يابنى امك تعبتنى معاها اوووى وانا كنت مستحمل علشانكم
احمد...انا مش بدور على أسباب دلوقت انا بس عاوز اقولك انك كده بتخسرنا كلنا
سعيد ....والمطلوب منى ايه دلوقت
احمد...حضرتك الكبير والحل عند حضرتك تصلح كل ده.
سعيد....طلاق مش هطلق صفيه...لو عاوزين فلوس اديكم غير كده معنديش كلام.
احمد...فلوس ايه يابابا بس ...انت ضعيت ماما واختى
سعيد...انا قلت اللى عندى ...المفروض تلوم امك مش تلومنى.
احمد...لو كل واحد كبر شويه رمى مراته بعد العشره دى كلها يبقى على الدنيا السلام...تفتكر لو الوضع معكوس لا قدر الله انت تعبت تفتكر ماما هتقولك طلقنى
سعيد...ممنوش فايده الكلام ده يا احمد
احمد...اوك براحتك بس أنسى أن ليك ولاد .
سعيد....برضاك غصب عنك انتوا ولادى وبعدين اتكلم عن نفسك اخوك لسه متجوزش واكيد محتجلى.
احمد...احتياج يعنى مش عاطفه ابن واب
سعيد...انت كده بتتجاوز يا احمد وانا مضطر اقفل السكه.
وبعد يومين جت ورقة الطلاق إلى سالى
للاسف سعيد اتجوز على جثة بنته
سهام...وبعدين ايه حصل
سهر....اتفقت انا وسالى نشوف شقه نقعد فيها سوا....احمد كان رافض بشده ولكن مع الحاحى وافق على شقه تكون جانب شقته.
واقترحت على سالى تطلب من ابوها فلوس...علشان شقه..وناخد الفلوس نعمل مشروع علشان نعرف نصرف منه
سهام....تفكير كويس
سهر...سعيد خيب ظننا واشترى شقه باسم سالى علشان تقعد فيها.. وبوظ المخطط اللى كان فى دماغى
وحطنى فى مشكله اعيش ازاى من غير اى دخل خاص...وزاد كرهى ليه فوق ما تتخيلى ...هو مش فارق معايا كراجل أو زوج لكن العشره والأسلوب اللى تعبونى
سهام....واحمد مينفعش يعملك مصروف
سهر...لا صعب هو موظف فى شركه وعنده بيت وابن صعب افرض عليه مصروف ليه.
سهام....وسالى بتصرف منين
سهر....سالى حاضنه فكانت بتاخد نفقه لما خلفت وأبوها ساعد فى ده جبلها مصروف شهرى من ام جوزها.
وطبعا الوضع ده صعب عليه انى اقعد مع سالى...فا ضريت اخد معاش بابا الله يرحمه خصوصا وانى مطلقه.
سهام....الحقيقه تجربتك صعبه اوووى
بس انتى مكنتيش بتحبيه ويمكن ساعدتى فى النفور اللى كان بينكم
والحاله اللى عندك سببها أن نفسك صعبانه عليكى مع العشره مع أسلوبه الفج فى المعامله والعلاقه....انتى حالتك محتاجه انك تشغلى نفسك بأى شغل يشغلك عن التفكير فى الوضع ده
لازم يبقى عندك اراده انك تقفى على رجلك تانى....شوفى شغل يناسبك
وبطلى تتابعى حياة طليقك
علشان تعرفى تعيشى
بدل ماتدور وتبحث علي الروايات خليها علي تليفونك وحمل تطبيقنا
