رواية موقف سيارات الفصل الثانى بقلم حسام يونس
جمال اشعل السيجاره ..ووقف مكانه ينظر إلى السماء...شعرت سهام
انه يتردد فى الكلام فتحركت إلى الكرسى المجاور له حتى لا تشوش على أفكاره وكلامه.
جمال ...ابويا اتجوز من امى وهى بنت عمه فى نفس الوقت..وكنت أنا واخى حصاد هذا الزوج...اخى اكبر منى بثلاث سنين.
ابويا كان عامل فى مصنع الحديد والصلب والوظيفه دى كانت مأثره على صفاته.
سهام...بمعنى ايه.
جمال...كانت مشاعره جامده اتجاه امى واتجاهى انا بالذات عن اخويا
اخويا كان زى ابويا قوى البنيه ..جاف المشاعر...عكسى انا تماما..كنت ضعيف البنيه حنون اوووى خصوصا مع امى..كتير اووى بواسيها من معاملته الجافه.
سهام..وكان بيعاملك كده ليه من وجهه نظرك.
جمال...كان الولاد دايما بيضربونى فى المدرسه..بيستضعفونى ويتلموا عليه ويضربونى بسبب ومن غير سبب...وفى يوم اخويا عرف أنهم ضربونى..فضربهم وعور ولد منهم واترفد اسبوع من المدرسه.
وطبعا ابويا عرف باللى حصل..فقام ضربنى بشكل صعب اووى وفضل يهزق فيه بشكل مهين اوووى..وقلى
الاب...حتى اخوك لما بيدفع عنك وقفت تتفرج..انت ايه معندكش دم ولا نخوه.
ونمت فى ذلك اليوم ودموعى نازله على خدى...ويوم بعد يوم العلاقه بينى وبين ابويا بتسوء.
لدرجه انى فكرت أدخل مدرسه ثانوى داخليه حتى ابعد عن أبى واخى...اخويا مكنش مسببلى اى ازمه نفسيه..ولكنه كان مزهو بحب ابويا ليه...ودائما عامل نفسه واصى على..وده كان عامل حاجز نفسى.
وبالفعل نجحت فى الاعداديه بتفوق وحصلت على مجانيه المدرسه الداخليه العسكريه..ومن داخلى قررت أن اغير من نفسى حتى لا اكون طفل ضعيف.
سهام ...وقدرت تعمل ده
جمال...فى اول سنه اتغيرت فعلا وأصبحت محبوب اوووى من كل زمايلى...وكنت اركز فى الرياضه حتى ابنى جسمى الضئيل.
وتمر الايام وانا فى المدرسه مجتهد فى دروسى ونشاطى الرياضى..وفى الإجازات أتجنب أبويا فى الأحاديث لانه كثيرا ما كان يسخر منى ومن طفولتى وضئاله جسمى.
سهام ...وعلاقتك ايه دلوقت معاه
جمال...كان لازم تتصلح علاقتنا
خصوصا بعد ما قدرت اغير حاجات كتير فى حياتى.
سهام...غيرت ايه فى حياتك.
جمال...كنت متفوق اووى فى لعبه البوكس والتلات سنين الدراسه بتوع ثانوى..بطل البوكس على مستوى المدارس الثانوى وكنت بصمم يحضر الماتشات ويشوفنى وانا متفوق...وكنت فعلا بشوف فى وشه وعنيه نظرة الفخر لتفوقى.
سهام...وايه تانى اتغير.
جمال اخويا تعثر دراسيا وحول من ثانوى إلى دبلوم فنى...فى حين انا كنت متفوق ودخلت كليه الهندسه
وبقى اللوم والتعنيف إلى اخى إنما أنا الثناء والمدح كله لى.
لحد ما جت لحظه حاسمه فى علاقتنا وانا فى أولى كليه الهندسه...كنت راجع من بره وكان أبى يعنف امى بشده عن شؤون البيت فتدخلت بينهم وكنت ثائر للغايه ضده وانفجرت فيه وفى قسوته معاها..وأسلوبه الجاف معنا ككل ولا انسى كلمتى له...اعمل حساب بكره فى كبرك مين هيتحملك ومين هيقف جانبك...انت ليه مصمم تخسرنا كلنا..ونظرة الذهول على وجهه من جرئتى..وانفجارى فيه
وجلوسه على الكرسى كأنه منهزم
اشد ما لفت نظرى...ثم قلت له
انا على استعداد اخدها ونعيش بره مش هكل بيها وهتخسرنا للابد..هنا تدخلت امى وقالت لى امشى دلوقت أخرج وذهول أبى منى احسسنى بانى منتصر وذهوله منى بأنه مهزوم
ومن هنا تغير كل شئ فى حياتى...وكل شئ فى معامله أبى معى ومعانا كلنا فى البيت.
سهام ...يعنى انت كنت بتعانى من اسلوب ابوك معاك..ومدى الضغط النفسى اللى كان عاملهولك.
جمال...بالظبط كده
سهام...ومع كده بتعمل نفس الاسلوب مع ابنك.
جمال..انا بحب ابنى جدا وبخاف عليه ومش عاوزه يكون نسخه تانيه منى.
سهام ...للاسف تصرفاتك دى نابعه من عقلك الباطن...ومعناها انك بتأيد ابوك فى سلوكه.
جمال ...لا خالص
سهام ...بص يا جمال انت كنت مزهو بانتصرك على ابوك ولكن من جواك صعب عليك أنه سلم بسهوله
لثورتك دى.
جمال ...قسوه ابويا هى اللى عملت منى انسان ناجح.
سهام..بس العقل والمنطق بيقولوا نجرب الاول الاحتواء مش القسوه
جمال ...بحب ابنى اكتر من نفسى ده امتدادى وبوفرله كل شئ محتاجه.
سهام ...لازم تجرب الاحتواء وتشاركه اهتماماته هتشوف نتيجه افضل من القسوه..جرب من جواك الاول ونحكم سوا
جمال...نجرب
سهام .. لازم تكون مقتنع مش مجرد كلمه بنقولها.
جمال ...هحاول بجد.
سهام ...وايه بقى مشكله نجوى معاك.
جمال ...دى حب عمرى ولكن عاطفه الامومه عندها اقوى من حبها ليه
ودايما محسسانى أنها بس اللى بتحب الولد إنما أنا لا.
سهام..مهو فعلا عاطفه الامومه اقوى من عاطفه الابوه...بس المسؤوليه عند الاب اكبر وأعمق..يعنى الاتنين بيعملوا توازن فى البيت .
جمال ..ياريت هى تفهم ده
سهام ..يعنى الموضوع ده بس اللى عامل فجوه بينكم
جمال...لا فى شويه حاجات تانيه
سهام...زى ايه يعنى.
جمال..لما بنتخانق بسبب الولد بتعاقبنى بأهمالها ليه زى مثلا تمنع العلاقه الخاصه بنا لأى سبب ما...وكمان متكلش معايا وتسبنى اكل لوحدى.
سهام...وانت رد فعلك ايه
جمال...بتجاهلها خالص فى كل شئ
سهام..ده اسلوب عند وأسلوب اطفال.
جمال...هى بتيجى معايا كده
سهام...جمال انت راجل ناجح فى حياتك واكيد انت عارف المواجهه والحوار اسلم حل...لان اسلوب العناد والتجاهل ده عواقبه وخيمه.
جمال...انا رد فعل مش الفعل
سهام...انت الراجل يعنى القياده
انت محتاج تعيد حساباتك مع نفسك علشانك انت قبل أى طرف تانى..بص يا جمال هتجيلى بعد اسبوعين بس تكون حاولت بضمير تصلح حياتك الحياه مش كلها تاخد بس ومعلش بلاش جمله انا رد فعل ..ما تجرب تبقى فعل طيب للى حواليك خصوصا انهم كل حياتك
اكيد هتلاقى رد فعلهم اكتر ما تتخيل..هنتظرك بعد اسبوعين فى نفس الميعاد.
وياريت تبلغ نجوى انى هنتظرها الاسبوع اللى جاى
بدل ماتدور وتبحث علي الروايات خليها علي تليفونك وحمل تطبيقنا
