.jpeg)
رواية انا وابن خالتي الجزء الثالث الفصل الثاني بقلم عمرو راشد
انا نسيت أمي جوا،، أنا هدخل اجيبها
= رايح فين يا عبدالله البيت بيتحرق
" عبدالله كمل جري ناحية البيت وبمجرد ما قرب منه البيت انفج*ر بالكامل،، صوت انفجا*ر هز المكان كله،، اما عبدالله لقيته طار في الهوا من شدة الانفجار،، ساعتها شاهر طار ناحيته بسرعة قبل ما يقع على الأرض،، وفعلا عبدالله نزل على ضهر شاهر وطار بيه بعيد عن البيت،، واحنا و هارون وراهم،، بصيت ورايا على البيت والنار بتاكل فيه،، بصيت على بيت ليا فيه مليون ذكرى وفي لحظة كل الذكريات دي اتمحت وهي دي كانت المرة الأخيرة اللي اشوف فيها خالتي،، فضلنا طايرين في الهوا حوالي 10 دقائق بعدها لقيت شاهر اتجه على سطح بيت معين ونزل عليه،، احنا كمان نزلنا وراه وبقينا كلنا واقفين على السطح،، شاهر مشي قدامنا ونزل على السلم واحنا كنا وراه وهارون متابعنا،، بعدها شاهر وقف قدام شقة معينة و فتح الباب و دخل وشاورلنا ندخل وراه،، دخلنا كلنا وقفلنا الباب،، هارون اتكلم ساعتها وقال
البقاء لله يا جماعة،، هي ما*تت غدر يعني نحتسبها من الشهداء
" رديت أنا عليه
هو في ايه يا هارون،، ايه اللي بيحصل؟
= زي ما قولتلك قبل كدا يا هند،، دانوم مارد قوي جدا جدا ممكن يعمل اي حاجة،، توقعي أي حاجة
وهو بيعمل كدا ليه؟
= بينت*قم
لمين
" في نفس اللحظة حسيت ان الحيطان بدأت تهتز،، الأرض كانت بتتحرك كأن في زلزال،، وفجأة ظهر كائن مريب بشع،، قرونه طويلة جدا،، النني الأسود اللي في عنيه مش موجود وموجود مكانهم كورة نار،، ايده طويلة جدا وعنده حوافر،، اتكلم وقال بصوت مرعب
من أجل شمس
" ساعتها هارون اتحول وخرج من الجسم البشري اللي كان فيه ووقف قدامه وقال
وما علاقتك ب شمس يا دانوم؟
= ليس لي علاقة ولكنها أوامر ويجب عليّ التنفيذ
ومن يعطيك الأوامر؟
= ابليس،، ابليس يا هارون،، أتذكره؟،، انه يتوعدك بعذ*اب لن ترى مثله أبدا
انا لا اخشى ابليس،، لا اخشى إلا الله عز وجل
= انت من ذرية ابليس يا هارون،، غير مسموح لك بتغيير ذلك،، إنها الحقيقة
ولكني مسلم
= مللت من تكرارك لهذه الشعارات يا هارون،، وهل يوجد مسلم يفعل ما تفعله انت؟
الله غفور رحيم يقبل التوبة
" الكائن ابتسم ابتسامة مرعبة وكمل كلامه
اخشى عليك مما سأفعله بك يا هارون
= من الافضل أن تعود إلى مكانك وعالمك يا دانوم،، لا داعي للحرب
انا بالفعل سأعود ولكن بعدما انتهي منك إلى الابد
" شاهر في اللحظة دي دخل ووقف جنب هارون وقال
ما توحد الله كدا يا عم دانوم و اهدى شوية
" دانوم مردش عليه ولكن نظرته كانت مرعبة جدا بعدها شاهر كمل كلامه
اه معلش انا نسيت انك كافر مبتعملش الحاجات دي،، طيب مش مشكلة ايه رأيك لو تقعد تتعشى معانا وتشرب حاجة وبعدها نتفرج على حاجة لذيذة كدا،، أنا شخصيا بحب لن اعيش في جلباب ابي وبالذات النهاردة مينفعش يفوتك،، النهاردة فرح سنية وكل سنة وانت طيب،، بس مفيش مشكلة لو انت عايز تتفرج على حاجة تانية انت ضيف برضو وبعد ما نخلص تتعشى تاني وتفارقنا بقا
= اسمع عنك الكثير يا شاهر،، جن مميز
دا ايه علاقته بالفكرة اللي انا قولتها مش فاهم؟
= انت من قت*لت شمس؟
لا وربنا دا هارون
" دانوم ساعتها صرخ صرخة قوية جدا هزت البيت وبعدها كمل كلامه بصوت عالي و مرعب جدا
انت من تسببت يا هارون في ق*تل شمس؟،، انت وشاهر
" شاهر ساعتها هو اللي رد عليه
لا والله ما حصل،، أنا اساسا مليش دعوة بيه ولا ليا دعوة ب شمس،، أنا كنت جاي ل واحد صاحبي بالصدفة لقيت محل تلاجات جنب البيت عامل عروض على تلاجة 14 قدم وبالمناسبة هي لسة عندي،، ممكن تاخد 10 قدم وتسيبلي 4 اشرب منهم بس تمشي من هنا
" عبدالله ساعتها قرب من دانوم اكتر وقال وهو متعصب
ما تغور بقا يااخي،، غور وسيبنا في حالنا
= انتم من تجرأتم يا اهل الارض والان تحملو نتيجة افعالكم،، سوف اجعلها ليلة من ليالي جهنم
" النار بدأت تحاوطنا كلنا من كل مكان،، نار شديدة جدا وعالية جدا،، مكنش حد عارف يخرج منها،، بدأت أصرخ
هارون اعمل حاجة
" هارون وشاهر حاوطونا ساعتها وفي اللحظة دي حسيت بنفس الدوخة،، غمضت عيني وفتحتها لقيت نفسي في شقتي ،، مروان اتكلم ساعتها وهو باصص ليا وقال
بقولك ايه انا مش هقعد مع الشخص دا دقيقة واحدة كمان،، يلا يا هند
= يلا ايه،، هنمشي نروح فين؟
اي مكان،، أي مكان هيكون امان أكتر من هنا،، احنا هنمو*ت لو فضلنا معاهم
= هو انت مش شايف اللي بيحصل حواليك،، مش شايف خالتي اللي ما*تت دي،، ولا مش شايف الكائن اللي بيطاردنا؟،، انت عايز ايه اكتر من كدا؟
بيطاردهم هما مش احنا،، هو عايز ينت*قم منهم،، احنا مالنا نقعد معاهم ليه؟
= بجد والله،، وحادثة العربية كان برضو عايز ينت*قم منهم؟
انا مليش دعوة بالكلام دا كله،، أنا همشي من هنا و دلوقتي حالا وانتي هتيجي معايا
= وانا مش هخرج برا عشان امو*ت
اه عايزانا نفضل قاعدين عشان البيت يتحرق بينا زي اللي قبله صح
= هو كان هيتحرق بينا فعلا لولا هارون
هارون،، الشخص اللي د*مر حياتنا كلها
= هتعيد نفس الموضوع تاني؟
" هارون ساعتها اتكلم
يا جماعة انا معنديش مانع امشي بس فعلا انا خايف عليكو
" مروان رد عليه
ما تمشي يااخي،، امشي يمكن حياتنا تتعدل،، مخدتش بالك انك من ساعة ما مشيت وحياتنا بدأت تتصلح
= بيقولو عندنا ان البشر ناكرين للمعروف بس انا كنت واخد القاعدة دي على ناس وناس،، يعني اكيد في ناس كويسة بس الحقيقة لأ،، البشر كلهم واحد نفس الطباع،، انت نفسك يا مروان في خلال ساعات قليلة جدا المو*ت كان هيطولك بدل المرة اتنين وتلاتة وأنا اللي انقذتك،، بس انت متستحقش دا
= متشكرين يا سيدي،، متشكرين على مواقفك النبيلة بس خلاص احنا استغنينا مش عايزين
لو دا رأي الكل انا همشي حالا
" مروان بص ليا،، كنت لسة هتكلم لكن عبدالله قاطعني واتكلم هو
هارون مش هيمشي يا مروان،، لو فاكر انك هتقدر تحا*رب الكائن دا يبقا انت بتحلم
= انتو ايه الجهل اللي انتو فيه دا،، جن ايه وعفاريت ايه اللي عاملينهم اسل*حة،، سلا*حك هو القرآن ولا انتو نسيتو ربنا كمان؟
منسيناش بس احنا ضعغاء قدامه،، تقدر تقولي احنا خرجنا ازاي من النار؟،، لازم على الاقل يكون معانا سلا*ح نعرف نواجه بيه
" هارون اتكلم ساعتها وقال
وبعدين يا مروان هو زمان ايام الأنبياء والرسل لما كانو بيدخلو حرو*ب،، كانو بيقعدو في بيوتهم ويستنو المعونة الإلهية تقضي على اللي بيحار*بوهم ولا ايه؟،، ولا كانو بيدخلو الحر*ب بسيو*فهم وربنا بينصرهم
= ربنا بينصرهم عشان معاهم الحق
" شاهر تدخل في الموضوع وقال ل هارون
الراجل دا شكله تبع دانوم وعامل فيها مروان
" مروان ساعتها بص ليا وقال
قدامك الاختيار يا هند يإما هارون يمشي او أنا اللي همشي
= هارون مش هيمشي يا مروان عشان لو مشي احنا هنمو*ت كلنا دلوقتي
تمام أوي خليكي معاه
" مروان فتح باب الشقة وخرج وقفل وراه،، وأنا قعدت على الكنبة و غطيت وشي ب ايدي بعدها سمعت هارون بيتكلم
اللي جاي صعب،، محتاجين نثق في بعض اكتر من كدا
" شيلت ايدي من على وشي وقولت
طب و مروان؟
= هيرجع،، صدقيني هيرجع
انا خايفه عليه،، هو بقا لوحده دلوقتي
= انا هكون قريب منه دايما مش هسيبه
" بعدها هارون بص ل عبدالله
انا بعتذرلك اني معرفتش احمي والدتك،، ولكن بحق الله حقها هيرجع،، مينفعش تفقد تركيزك في الوقت،، أنا مقدر زعلك عليها اكيد لكن محتاجين نأجل الزعل دا شوية،، الفترة دي صعبة ولازم الكل يكون مركز،، أنا مش هسمح بأي غلط تاني ولا هسمح اني افقد أي شخص فيكو،، كل واحد قبل ما ينام يشغل القرآن جنبه وانا وشاهر هنكون موجودين معاكو
" دخلت اوضتي وقعدت على السرير ك محاولة اني اعرف انام ولكن فشلت طبعا،، القرآن كان شغال طول الليل ويمكن دا هو اللي طمني شوية،، نمت ساعتين بالظبط وفوقت على باب الاوضة وهو بيخبط،، قومت فتحت،، كان عبدالله
تعالي يا هند عشان نفطر
= معلش يا عبدالله مليش نفس،، افطر انت
مينفعش لازم تاكلي،، أنتي اكيد مكلتيش من امبارح،، تعالي عشان خاطري
" خرجت معاه وقعدنا على السفرة بس كانت فاضية،، بصيتله ب استغراب وقولتله
هو فين الفطار دا؟
= جاي دلوقتي
" ثواني و ظهرت أطباق الاكل على السفرة،، بعدها شاهر ظهر وقعد قدامنا و هارون جنبه،، عبدالله ابتسم وقال
شاهر هو اللي حضرلنا الفطار النهاردة
" شاهر رد عليه
والعصير كمان أنا اللي عملته،، ياريت تكمل الجملة للاخر يا دودي بعد اذنك
" رديت أنا
ليه تعبت نفسك،، أنا مليش نفس اصلا
= ليه هو أنا اكلي وحش ولا هي امك بقا قالتلك متاكليش عندنا،، لا يا هند دا اكلي المنطقة كلها بتحلف بيه
" هارون اتكلم ساعتها وهو باصص ل شاهر
ما تسكتي شوية يا خالتي،، اسكتي بقا
= لا اصل مش فاهم يعني،، هو أنا اكلي وحش ولا وحش يعني؟
جميل يا شاهر،، اكلك جميل يا شاهر،، من فضلك تسكت
= والعصير،، أنا كل المنطقة بتحلف بالعصير بتاعي ولا هو العصير وحش يعني؟
والعصير كمان جميل متزعلش
" هارون بعدها بص ليا وابتسم وقال
ممكن تاكلي يا هند لو سمحتي
= حاضر
" حاولت آاكل اللي قدرت عليه وكان حاجات بسيطة جدا وعبدالله كذلك،، بعدها قومنا قعدنا على الكنبة،، شاهر كان قاعد جنب عبدالله وفجأة شاهر ضحك وقال
جرت الامور كما خططنا لها
" رديت عليه وقولت
امور ايه؟
" عبدالله رد عليا وقال
مفيش يا هند
" بعدها بص ل شاهر وقال
ممكن تسكت بقا عشان انا بقيت اقلق منك
= ليه بس،، هي دلوقتي عازماك على الحفلة،، ايه المشكلة لما تروح؟
اروح حفلة وامي مي*تة،، انت مجنون يا شاهر؟
" هارون اتكلم في اللحظة دي وقال
بالمناسبة انا خلصت كل إجراءات التحقيق يا عبدالله
" رديت أنا عليه
اجراءات ايه؟
= كان في تحقيق عشان البيت اللي ولع دا بس انا خلصته خلاص،، و روحنا الصبح عشان ند*فن المرحومة
دفنتو*ها خلاص!!
= للاسف مكنش ينفع تيجي عشان الوضع كان صعب
" بصيت في الأرض وسكت،، وشاهر رجع يكمل كلامه مع عبدالله
هااا هتروح؟
= انت تاني
اهو بالمرة عشان تغير الجو الحزين دا
= انا والله ما فاهمك
هي أصلا الحفلة دي بمناسبة ايه
= انا كنت كلمتها امبارح بعد ما دخلت الأوضة وهي شافت اني زعلان بس متعرفش السبب،، وبعدها قالت انها هتعمل حفلة صغيرة كدا عشان اغير جو يعني
يعني هي أصلا عاملة الحفلة عشانك؟ وانت مش عايز تروح؟
= قلة ذوق صح؟
منتهى السفا*لة
= يعني اروح؟
هي الحفلة امتا بالظبط؟
= الساعة 8
جرب مش هتخسر حاجة ولو حسيت نفسك مضايق ارجع البيت عادي
= هفكر
هي اسمها ايه؟
= ياسمين
الله،، ياسمين.. ياسمين،، بس المفروض كانو يسموها وردة او فلة أو ريحانة
= انت يا عم الجنايني انت بتقول ايه؟
خلاص متضايقش،، أنتي كلبة بتغيري،، أنتي بطة تروحي حفلة
#بقلم : #عمرو راشد
" هارون اتكلم ساعتها وقال ل شاهر
انت ناوي تروح معاه ولا ايه؟
= وفيها ايه يعني؟
فيها اننا في مصيبة
= ايه علاقة دا بالحفلة؟
شاهر انت بتهزر؟،، انت هتقعد هنا مش هتتحرك وأنا اللي هروح معاه
= يعني هي الحفلة ليا وحشة وليك حلوة ولا انا معنديش بدلة يعني؟
انا هروح معاه عشان هو مينفعش يروح لوحده وهستنا برا لحد ما يخرج يعني مش هدخل معاه
= طب ما انا كمان اروح واستنا برا
الكلام انتهى يا شاهر،، أنا اللي هروح مع عبدالله
" عبدالله اتكلم ساعتها وقال
يا جماعة انا معنديش بدلة اصلا اروح بيها
" شاهر رد عليه
انا هجبلك بدلة،، قوم جهز نفسك الأول وهتلاقي البدلة موجودة على سريرك
" قومت خدت دش و خرجت بالفعل لقيت بدلة موجودة على السرير،، كان شكلها حلو وغالي جدا،، لبستها ووقفت قدام المراية اشوف نفسي،، سمعت باب الأوضة بيخبط
ادخل
" لقيت شاهر فتح الباب ودخل
ياااه يا دودي اخيرا شوفتك عريس،، اوعا البت دي تاخدك مننا يا دودي
= شاهر دي حفلة انت نسيت ولا ايه؟
ماهو انت متعرفش الحفلة دي بيحصل فيها ايه ولا ايه؟
= متقلقنيش بقا
طب يلا يا بطل اخرج هتلاقي هارون مستنيك برا
= ربنا يستر
انت خايف ولا ايه؟
= الصراحة اه
كدا انا اطمنت،، يلا مع السلامة
" خرجت لقيت هارون واقف برا في الصالة،، اتكلم وقالي
عارف العنوان ولا ايه
= اه عارفه،، هي بعتتلي لوكيشن
وريني
" هارون اخد مني التليفون و بص فيه ل ثواني وبعدها مسك ايدي،، بدأت احس بالدوخة اللي كنت حسيت بيها قبل كدا،، لما فتحت عيني لقيت نفسي قدام بيت ياسمين،، الحقيقة هو مش بيت،، هو قصر كبير جدا زي اللي بنشوفه في الأفلام،، شكله غريب ومميز جدا،، البوابة كانت مفتوحة،، اتحركت عشان ادخل لكن هارون شدني من دراعي وقال
متتأخرش جوا
= حاضر
" دخلت القصر،، كل الناس اللي موجودة فيه شكلهم غريب،، وشوشهم عليها ابتسامة معرفش سببها ايه،، منتبهتش ليهم وكملت مشي لحد ما دخلت القصر،، الناس مش كتيرة أوي،، مكنتش اعرف اي حاجة،، وقفت لوحدي ولكن وسط دا كانت العيون كلها عليا،، تجاهلت برضو لحد ما شوفتها نازلة من على السلم،، كانت جميلة اوي في اليوم دا،، لابسة فستان اسود طويل،، شعرها حلو،، عينها فيها كحل ف مخليها مميزة اكتر،، جات ووقفت قدامي
ازيك يا عبدالله
= الحمدلله،، شكلك حلو أوي
ميرسي،، انت شربت حاجة؟
= لا لسة والله
" كان في شخص ماشي جنبها من الناس اللي بتخدم في القصر،، كان شايل صنية عليها مشروبات شكلها غريب،، ياسمين ندهت عليه عشان يقف بعدها شاورتلي عشان آاخد منه وفعلا اخدت منه وبدأت اشرب ولكن طعمه كان وحش جدا
هو دا ايه يا ياسمين؟
= مشروب خاص بينا
بيكو دا اللي هو مين بالظبط؟
= باللي موجودين في القصر
مش فاهم
= هتفهم كل حاجة دلوقتي
" سابتني ومشيت و طلعت على السلم ووقفت وبدأت تتكلم
اهلا بيكو كلكو،، حقيقي انا فرحانة بيكو أوي،، النهاردة يوم مميز جدا،، يوم عظيم كان سبب اني اتغيرت وبقيت احسن واحلى وأصغر واحقق كل اللي انا عايزاه،، مش هطول عليكو لان اكيد كل واحد هنا فاهم انا عايزة اقول ايه،، كله يجهز عشان هنبدأ دلوقتي
" فجأه لقيت النور اتطفا و اشتغلت إضاءة خفيفة جدا،، الناس اللي كانت بتخدم في القصر شالو السجاد اللي كان موجود على الارض وشوفت ايه اللي تحتها،، كان موجود نجمة داود أو حاجة شبهها وجواها أشكال غريبة،، فجأه سمعت موسيقى صوتها صاخب ومزعج جدا،، كل اللي كانو في المكان بيرقصو بهستيرية وبيقل*عو كل هدومهم،، في نفس اللحظة شوفت ياسمين وهي بتشاور للحرس يقفلو الأبواب،، بعدها نزلت من على السلم وقربت مني وهي مبتسمة
هو في ايه يا ياسمين
= أولا انا مش اسمي ياسمين،، أنا لوسيندا
ايه!!
= احنا متقابلناش صدفة ولا حاجة،، دا كان امر من الاله بتاعي وانا نفذته
الإله بتاعك!!، إله ايه،، هو احنا فين هنا؟
= إلهي هو ابليس يا عبدالله،، لوسيفر
انتي بتقولي ايه؟،، أنتي مجنونة؟،، أنا عايز اخرج من هنا
= مفيش خروج،، انت الان تحت سيطرتي،، اخضع للإله يا عبدالله!!
بدل ماتدور وتبحث علي الروايات خليها علي تليفونك وحمل تطبيقنا
