رواية موقف سيارات الفصل السادس والعشرون بقلم حسام يونس
مر اسبوع وحضرت مريم إلى المشفى
قبل حضور والدها بحوالى نص ساعه
ودخلت إلى سهام مكتبها
سهام...اهلا يا مريم اخبارك ايه
مريم ...تمام الحمدلله
سهام ...روحتى الاسبوع ده عند بابا
مريم ...اه واتكلمت معاه وبلغته انك عاوزه تتكلمى معاه ضرورى
سهام ...وايه رد فعله لما قولتيله
مريم ...اتخض وقلق عليه...بس انا شرحتله الموضوع كله من وقت زيارتى إلى الدكتور مصطفى.
سهام..يعنى قولتيله العنوان وفهمتيه أن هيبلغ الاستقبال أنه والدك.
مريم ...زى ما حضرتك قلتى بلغته بالظبط.
سهام...مش عوزاكى تقلقى انتى زى الفل بس عندك شويه حاجات كده مأثره على نفسيتك..بس أن شاء الله تتغلبى عليها
مريم ...اتمنى يا دكتوره.
سهام ..أن شاء الله ...قوليلى تتمنى بابا وماما يرجعوا لبعض.
مريم ...لا خالص
سهام..معقول ليه يا مريم
مريم...ماما جرحت بابا اوووى ..وانا مرداش بابا يعمل حاجه ضد رغبته وارداته.
سهام ..يعنى انتى شايفه أن ماما جت على بابا اووى.
مريم ...كنت بسمعه وهو بيترجها متهدش البيت وأنه برئ من اى حاجه فى دماغها فى موضوع صاحبتها.
سهام ..وهى مصممه على اللى فى دماغها
مريم...ايوه وبابا كان فى الوقت ده متعثر فى شغله وماما هى اللى بتصرف على البيت.
سهام...وده ماله بالوضع اللى بينهم وقتها
مريم ..ماما شخصيتها قويه يمكن إلى حد العجرفه فى كلامها...وده كان بيضايق بابا اوووى وسمعته مره بيتكلم معاها فى الموضوع ده وبيقولها متستغليش طولة بالى فى استفزازك ليه.
ردت ماما لما تقف على رجلك ابقى اعمل اللى يريحك...والجمله دى وجعتنى اوووى...وقتها بابا بصلى وخرج من البيت غضبان جدا.
سهام ..للدرجه دى بتحسى بيه
مريم ...بالظبط احساس وإحساس كبير اوووى.
سهام...يعنى عذرا بابا يا مريم
مريم ...عذرا جدا
يرن جرس التليفون الداخلى فاتن تبلغ سهام بحضور والد مريم .
سهام...خليه يتفضل .....55
دخل الاب وحيته سهام وطلبت منه سهام الجلوس ثم طلبت من مريم الجلوس فى البلكونه...وتحركت مريم إلى البلكونه.
سهام...استاذ نصر بنتك عندها ازمه بسبب حبها الشديد لها.
نصر...وانا معنديش اغلى من مريم فى الدنيا دى...بس عاوز اعرف ليه الازمه
سهام...حضرتك طبعا بس اكيد مش متعمد البنت لما بتجيلك بيتك مع وجود بنتك الصغيره وزوجتك بتحس انك مش بتاعها مش ابوها اللى كان متفرغ ليها
وعلى مايبدو البنت الصغيره حاسه ان مريم بتنافسها فى حبك ...وبفطره الطفوله بتتعمد تضايق مريم وبالفعل بتنجح فى كده.
نصر....بلاحظ ده بس بقول ان مريم مخها كبير واكيد فاهمه الأمور كويس.
سهام...مريم بسم الله ماشاء الله عليها
مدركه كل شئ ...ولكن النفس البشريه لوغاريتم كبير ملوش معيار ثابت
اكيد انت عارف ان مريم كشفت عند الدكتور مصطفى ولاقها زى الفل بس فى نقص فى الوزن وحجم العضلات فى جسمها...وهو اللى أشار عليها تيجى تزورنى.
نصر ....فعلا مريم حكتلى كل ده
سهام... الحمدلله الوضع حاليا سهل ونقدر نعلاجها نفسيا وجسمنيا بسهوله.
نصر ... الحمدلله البركه فيكى يا دكتوره
سهام....العلاج ده عندك وانا دورى بسيط
نصر ...عندى ازاى.
سهام...حوجات بسيطه لازم تعملها مع مريم وتحرص عليها كل فتره مهما كانت مشغولياتك.
نصر ...زى ايه يا دكتوره
سهام...اولا لازم تخرج مع مريم كل فتره مش دايما زيارتها تكون فى البيت
ثانيا ..على فترات تخرج البنتين سوا مع بعض علشان ده يقرب بينهم
ثالثا...على فترات العب تنس مع مريم
رابعا...تزورها عند مامتها ولو نص ساعه
نصر...معلش اعفينى من رابعا دى علشان الظروف اللى بنمر بيها كلنا.
سهام....نخلى الدعوه تجيلك من ماما مريم...على فكره كل اللى قلته ده قلتلك على فترات مش منتظم
نصر...اخدت بالى ...انا مريم عندى هى الحياه بكل ما فيها.
سهام...وهى بنت تستاهل نتعب كلنا علشانها انا عن نفسى اتمنى تكون عندى بنت زيها...وسرحت برهه سهام فى موضوع الاولاد
سهام ..ثم قالت فى نقطه بقى ودى الأهم
مريم عايشه فى سن اكبر من سنها بمراحل...ومشاعرها مش بتتحرك عاطفيا
ودى حاجه مش صحيه خالص وتقلق
خصوصا وأنها مش بتدى فرصه لحد يقرب منها .
نصر ....ملاحظ بردوه بس بخاف حد يجرحها.
سهام ...الفطره لازم تاخد دورها فى حياتنا...علشان الاحساس ميموتش جوانا
المهم حضرتك قدر المستطاع تنفذ اللى اتفقنا عليه.
نصر ...أن شاء الله
سهام....ننادى مريم بقى اتكلم معاها كلمتين قدامك ....مريم تعالى
تأتى مريم وتجلس معاهم
سهام...حبيبتى مريم بابا هيتولى علاجك بقى واظن انتى هتنبسطى بكده...وكمان بابا هينبسط...حتى اختك الصغيره هتنبسط معاكم.
بس فى كلمتين عاوزه اقولك عليهم
بصى يا مريم عيشى سنك وبلاش تسجنى مشاعرك انا مش بقولك لازم تحبى لان الحب مش قرار...الحب زى القسمه والنصيب بس سيبى نفسك للزماله والصداقه عوزاكى تعيشى سنك وان شاء الله بابا هيساعدك .
بس بقولك ايه رأيك لو بابا كل فتره يجى يزورك فى البيت عندك.
مريم....طيب ما نخرج افضل ...مش عاوزه ماما تحتك بيه .
نصر...انا من رأى مريم
سهام...خلاص فكره بردوه
المهم يا استاذ نصر على قد ما تقدر تنفذ اللى اتفقنا عليه.
ناظره إلى مريم بعد شهرين روحى للدكتور مصطفى نطمن عليكى ...وناولت لها كرتها الخاص ده الكارت الخاص بيه ياريت تطمنينى عليكى كل فتره
مريم اخذت الكارت وقامت توجهت إلى سهام سلمت عليها وقبلتها فى وجنتيها
بدل ماتدور وتبحث علي الروايات خليها علي تليفونك وحمل تطبيقنا
