رواية موقف سيارات الفصل الخامس والعشرون بقلم حسام يونس
الحاله العاشره
فاتن مع دكتوره سهام فى المكتب...تعرض عليها بعض الأوراق الخاصه بالعمل..
فاتن ...فى حاله بره ام وبنتها البنت هى الحاله اسمها مريم .
سهام...سلمى الاوراق دى للعقود يعملوا اللازم...ودخلى الحاله .
فاتن...حاضر يا دكتوره.
سهام تفتح اللاب الخاص بها وتقوم بتدوين بعض الاشياء الخاصه بالعمل
ثم تسمع طرق على الباب..تقف تستقبل الحاله ونظرها مركز على البنت هى شابه فى عمر الزهور فى السابعه عشر من عمرها .
الام فى اوائل الأربعينات ملامح البنت تشبه الام كثيرا ..تطلب سهام فاتن على التليفون الداخلى وتطلب منها اتنين عصير وقهوه لها .
الام ..تناول سهام ملف فى يدها
كنا عند دكتور مصطفى ونصحنا نقوم بزيارتك.
سهام ...اخذت الملف وراحت تتصفحه مع نظرات سريعه إلى مريم.
التقرير بيقول أن وزنك ووزن العضلات فى جسمك غير مناسب لسنك...والدكتور مصطفى بيرجح ده لحاله نفسيه
الام ..واحنا جايين لحضرتك نشوف مريم مالها وليه الحاله دى.
سهام...طبيا مريم زى الفل ...عموما نشوف بس المهم مريم تفتح قلبها ليه
لو سمحت حضرتك تقعدى فى البلكونه تشربى العصير وانا هدردش شويه مع مريم.
تتحرك الأم إلى البلكونه...وتغلق باب البلكونه وراءها...وتجلس على أحد الكراسى المطله على حديقه المشفى.
سهام...عرفينى بنفسك يا مريم
مريم ...أسمى مريم ناصر ..طالبه فى تالته ثانوى...عيشه انا وماما
سهام...وبابا فين.
مريم ...بابا منفصل عن ماما من خمس سنين.
سهام...بيزورك بابا .
مريم اه من سنه كده ابتديت أزوره كل يوم خميس بيجى ياخدنى ابات معاه خميس وارجع لماما الجمعه اخر النهار
سهام...بابا قاعد لوحده ولا اتجوز
مريم...متجوز وعنده بنت عندها تلات سنين.
سهام...علاقتك معه كويسه
مريم...جدا بس حياته الجديده وخداه منى .
سهام ...وضحى وخداه ازاى.
مريم ...اهتمامه الاول والاخير لبيته ولبنته بحس وانا عنده انى ضيفه.
سهام...بيعملك وحش هو أو مراته.
مريم ...خالص بيحبنى جدا...ومراته منتهى الذوق معايا...بس انا مش حاسه ان ده بابا بتاعى انا .
سهام...ليكى اصدقاء يا مريم
مريم ...لا خالص
سهام ..لا بنات ولا صبيان
مريم ...لا خالص انا وقتى بين مذاكرتى والبيت وبس.
سهام...معقول بنت قمر زيك ملهاش أصحاب أو معجبين.
مريم ...صدقينى مفيش ومش بدى فرصه لحد يقرب منى سواء أصحاب أو شبان..
سهام...ممكن اعرف ليه طيب
مريم ...بابا وماما انفصلوا بسبب صاحبه ماما...يعنى الصاحبه بوظت حياتنا..ودائما ماما تقول الرجاله ملهمش امان
سهام...ايوه بس لازم نعيش ونتجوز ومش كل الناس زى صاحبه ماما...ومش كل الرجاله زى بابا.
مريم...انا مش مستعجله على الارتباط اصلا.
سهام...مين فى حياتك محل ثقتك
مريم...مريم وبس.
سهام..تدون بعض الاشياء على اللاب توب.
سهام...قوليلى معندكيش هوايات معينه
مريم ...لعبت شويه تنس وزهقت منه
سهام...ليه زهقتى منه.
مريم ...بابا مكنش فاضى يلعب معايا زى الاول فزهقت من لعب الكابتن.
سهام...ممكن تقعدى فى البلكونه وتبعتى ماما اتكلم معاها
تحركت مريم نحو البلكونه وأخذت مكان امها وتحركت الام نحو مكتب سهام
وجلست أمامها.
الام...خير يا دكتوره الموضوع بسيط ولا صعب
سهام...سهل أن شاء الله بس عاوزه اعرف منك شويه حاجات كده
الام...اتفضلى
سهام...علاقة مريم مع باباها شكلها ايه
الام ...وقت ماكان عايش معانا كانت نموذج لعلاقه الاب ببنته كنت اوقات بغير منها من كتر اهتمامه بيها.
سهام...للدرجه دى
الام ..الصراحه مشفتش علاقه زيها ابدا
سهام....ودلوقتي الوضع ايه
الام ...على ما فهمت من مريم أن بنته من الجديده واخده كل وقته واهتمامه...والبنت ذات نفسها مبتحبش وجود مريم عندهم علشان بتاخد اهتمام ابوها منها.
سهام ..وايه حكايه صاحبتك اللى سبب انفصالك انتى وأبوها دى.
الام...مين قلك الكلام ده.
سهام...مريم اللى قالتلى
الام...انا عمرى ما اتكلمت مع مريم فى الموضوع ده
سهام...عارفه اوقات بنتكلم فى التليفون وبنحكى ومش مدركين ولادنا
الام...تقصدى تكون عرفت وانا بتكلم فى التليفون.
سهام...غالبا أو حد حكالها المهم أن مشكلة بنتك افتقاد حب واهتمام ابوها
بنتك بتتكلم كأنها استاذه فى الجامعه
مدركه كل حاجه وبتتكلم بلباقه اووى
الام...يعنى تقصدى انى السبب فى الحاله اللى عندها
سهام...انتى جزء وأبوها جزء
بس عاوزه اعرف انفصلتم ليه
الام...كان ليه صديقه أنتيم وكانت دائما معجبه بيه وبتصرفاته....وهو كمان كان بيشكر فيها ...ظنيت أن بينهم حاجه وطلبت الطلاق وهو اكدلى أن دى اوهام فى راسى وان مفيش حاجه بينهم ولكنى كنت مصره وطلقنى بناء على طلبى .
سهام...وبعدين
الام ...ولا اى حاجه بعدها بسنتين اتجوز
وصاحبتى بعدت عنى
سهام...يعنى كانت اوهام زى ما قلك
الام ...فعلا
سهام...ندمتى
الام ...لا ابدا متعودتش اندم
سهام...بس انتى هديتى حياتك وبنتك اتأثرت اهى.
تخيلى بنتك فى السن ده ومفيش جواها اى مشاعر ناحية اى شاب.
الام ....والحل يا دكتوره
سهام...عاوزه اشوف الاب معاها
الام...مفيش حل تانى
سهام...بلاش عناد البنت لازم نلحقها
الام...بس انا مش هحضر
سهام...ماشى انا عاوزه الاب بس معاها
بدل ماتدور وتبحث علي الروايات خليها علي تليفونك وحمل تطبيقنا
