رواية موقف سيارات الفصل الرابع والعشرون بقلم حسام يونس
بعد اسبوعين حضرت سميه ومعاها ايمن
وكانت سهام فى انتظارهم .
واخذتهم إلى الانتريه وتوسطت القعده بينهم ...خوفا من ردة فعل ايمن بعد سماع اعتراف سميه.
سهام...ازيك يا سميه عامله ايه.
سميه ...تمام الحمدلله احسن كتير من حيث التوتر والقلق.
سهام...كويس الحمد لله.
سهام بترحاب ونظره ود إلى ايمن
منورنا يا ايمن.
ايمن ..ده نور حضرتك.
سهام...قومى يا سميه اقعدى فى البلكونه
عاوزه اتكلم مع ايمن شويه قبل ما تتكلمى انتى معاه.
تحركت سميه نحو البلكونه وجلست قريبه من الباب حتى تسمعهم .
سهام...عوزاك تسمعنى بهدوء ...وتتفهم ابعاد الكلام ده لو كنت عاوزها تبقى كويسه.
ايمن اكيد عاوزها احسن واحده فى الدنيا
سهام ...كويس
بص يا ايمن سميه بتعانى من احساس بالظلم والقهر.
ايمن ...ليه الاحساس ده ...كلنا فى البيت بنعاملها كويس .
سهام...هى قالت الصراحه بس غلطت غلطه ومحتاجه كلكم تسامحوها
ايمن...غلطة ايه دى
سهام ...هى هتقولها بنفسها ليك
بس لازم تستوعب وتفكر كويس فى عواقب عدم مسمحتك انت بالذات ليها
هى ملهاش غيرك...وانت الوحيد اللى بينكم حب كبير زى ما هى قالت.
ايمن...كلامك يقلق.
سهام...بفكرك تانى مسمحتك ليها هتفرق كتير ومتنساش أنها ملهاش غيركم
ايمن ...اسمعها وأشوف.
سهام...تنادى على سميه
تأتى سميه فى خطى بطيئه ..وتجلس بجوار سهام.
سهام....ياريت تحكى لايمن الموضوع الى قولتهولى.
سميه...ايمن ارجوك سامحينى واقف جانبى .
ايمن ...قولى طيب اسامحك على ايه
سميه...بأختصار انا السبب فى فسخ خطوبه ايه اختك وخطيبها
ايمن ...وضحى ايه دورك فى الموضوع ده.
سميه...فهمته انها مش بتحبه وأنه بالنسبه ليها مجرد عريس والسلام
وان خالتى وعمى هما اللى ضاغطين عليها توافق بيه.
ايمن قام واقفا وسميه انزوت وراء سهام
وسهام مسكت يد ايمن قائله
سهام...ده من احساسها بالظلم والقهر من الدنيا...لو سمحت اقعد وانا افهمك
ايمن ...افهم ايه بس وليه كده انتى عارفه انها بتحبك وبتعملك كأخت ليها
ليه يا سميه كده.
سهام...بص يا ايمن سميه جالها احساس ظلم وقهر أن اشمعنا هى اللى تكون محرومه من الاسره وحنانها وللاسف الاحساس ده عملها خلل فى مشاعرها
وللاسف ده اللى وصلها للتصرف ده
ايمن ...توصل أنها تفرق بين واحده وخطيبها .
سهام...ايمن ده مرض وعاوزه اقولك كون أنها تعترف بالغطه دى يبقى ده اول خطوات العلاج...واعترفت من احساسها بالذنب مش مجبره وهنا تفرق كتير.
ايمن ...تفرق ايه يا دكتوره
سهام...تفرق أن مش بطبعها وحشه
هى اتحطت تحت ضغط عصبى
ايمن...مش عارف اقول ايه
سميه ...قول سمحتك واوعدك مش هتتكرر بأى صوره الغلطه دى.
سهام...مسمحتك ليها هتساعد انها ترجع لصوابها...إنما غير كده القهر ده هيزيد ويكبر جواها.
ايمن...اللى اقدر اعمله دلوقت مش هقول اى حاجه عن اللى حصل منها وده خوفا على أهلى ..مش تعاطفا معاها.
سميه...ايمن سامحنى...وساعدنى اعيش مرتاحه وربنا يقدرنى واكفر عن الغلطه دى.
سهام....هى عاوزاك انت تسامح مش خوف من أهلك.
ايمن...ايوه عملنا ليها ايه تخرب على اختها كده.
سهام...مرض يا ايمن ...وربنا بيسامح
ايمن ...انا منفعل دلوقت ياريت تسبنى شويه أهدى وبعدين نتكلم انا وهيا
إنما موضوع أهلى مش هجيب ليهم سيره.
سهام ..عموما ده مؤشر كويس انك تتكلم لما تهدى...98
وده شئ صحى انك هتفكر بتروى فى الموضوع ومتنساش انى قلتلك ان انت اللى فارق معاها فى الموضوع كله
وان شاء الله هى مع الوقت هتخف وهترجع لطبيعتها ...وفى ايدك تطول المده أو تقصرها.
ايمن..اسمحيلى استأذن انا
سهام ...وقفت ومدت يدها له بالسلام
سعيده بمعرفتك ايمن
انصرف ايمن وتحركت سهام جلست خلف المكتب وجلست سميه أمامها
سميه...شايفه ايه يا دكتوره هيسامح ولا مش هيقدر.
سهام..الموقف صعب اوووى وواضح أنه بيحبك اوووى وعلشان كده قال أهدى ونتكلم مش عاوز يخسرك معنى كده أنه شاريكى بس زعلان منك والصراع ده داير حاليا فى عقله .
سميه ...لو مسامحنيش مش هينفع اقعد عندهم تانى.
سهام...متصعبيش الدنيا على نفسك
خلى كل حاجه بوقتها..بس اعتقد بنسبه كبيره هيسامحك يا سميه
بدل ماتدور وتبحث علي الروايات خليها علي تليفونك وحمل تطبيقنا
